Borugadda Anil : రఘురామ కేసులో కి బోరుగడ్డ అనిల్ .. ఫ్యూజ్ ఎగిరిపోయే ట్విస్ట్ గురూ ఇది..!

Borugadda Anil : ఆంధ్రప్రదేశ్ రాజకీయాల్లో గత కొన్నాళ్లుగా పెను సంచలనం రేపుతున్న రఘురామకృష్ణంరాజు కస్టోడియల్ టార్చర్ కేసు ఇప్పుడు ఊహించని మలుపు తిరిగింది. ఇప్పటిదాకా ఈ కేసులో కేవలం పోలీసు అధికారులు, గత ప్రభుత్వంలోని పెద్దల పేర్లు మాత్రమే వినిపిస్తుంటే, తాజాగా ఈ సీన్‌లోకి బోరుగడ్డ అనిల్ కుమార్ ఎంట్రీ ఇచ్చాడు. అసలు రఘురామ రాజుకు జరిగిన అన్యాయానికి, బోరుగడ్డకు ఉన్న సంబంధం ఏంటా అని అందరూ ముక్కున వేలేసుకుంటున్నారు. వైసీసీ సానుభూతిపరుడిగా, రౌడీషీటర్‌గా ముద్రపడిన బోరుగడ్డ అనిల్ పేరు ఈ కేసులో తెరపైకి రావడం నిజంగా ఫ్యూజ్ ఎగిరిపోయే ట్విస్ట్ అని చెప్పాలి. సిట్ పోలీసులు తాజాగా అతడికి నోటీసులు జారీ చేయడం రాష్ట్ర రాజకీయాల్లో వేడి పుట్టిస్తోంది.

Borugadda Anil : రఘురామ కేసులో కి బోరుగడ్డ అనిల్.. ఫ్యూజ్ ఎగిరిపోయే ట్విస్ట్ గురూ ఇది..!

Borugadda Anil : బోరుగడ్డ అనిల్ పాత్రపై పోలీసుల విచారణ

గత ప్రభుత్వ హయాంలో అప్పటి ఎంపీ రఘురామరాజుపై నమోదైన దేశద్రోహం కేసులో సీఐడీ పోలీసులు బోరుగడ్డ అనిల్ కుమార్ పేరును సాక్షిగా చేర్చినట్లు సిట్ అధికారులు గుర్తించారు. ఈ విషయం బయటకు రావడంతోనే అసలు కథ మొదలైంది. రఘురామను కస్టడీలో వేధించిన సమయంలో అసలు బోరుగడ్డ అక్కడ ఎందుకు ఉన్నాడు, పోలీసులతో కలిసి అతను ఏమైనా చక్రం తిప్పాడా అన్న కోణంలో దర్యాప్తు జరుగుతోంది. సిట్ అధిపతి ఏఆర్ దామోదర్ నేతృత్వంలో ఇప్పటికే నిందితులైన పోలీసు అధికారులు సునీల్ నాయక్, విజయపాల్‌లను విచారించారు. ఈ విచారణలో భాగంగానే బోరుగడ్డ అనిల్ ప్రస్తావన వచ్చినట్లు తెలుస్తోంది. అందుకే అతడిని విచారించేందుకు సిట్ రంగం సిద్ధం చేసింది.

Borugadda Anil : గత వైభవం నుంచి జైలు జీవితం వరకు

బోరుగడ్డ అనిల్ అంటే గత వైసీపీ ప్రభుత్వంలో ఒక రేంజ్‌లో హల్చల్ చేసిన వ్యక్తి. అప్పట్లో టీడీపీ, జనసేన నాయకులను నోటికొచ్చినట్టు తిడుతూ వీడియోలు చేసేవాడు. కూటమి ప్రభుత్వం అధికారంలోకి వచ్చిన తర్వాత పాత పాపాలన్నీ వరుసగా బయటకు రావడంతో, అతనిపై రాష్ట్రవ్యాప్తంగా కేసులు నమోదయ్యాయి. ఫలితంగా రాజమండ్రి సెంట్రల్ జైల్లో కొన్నాళ్లు గడిపి, ఇటీవల బెయిలుపై బయటకు వచ్చాడు. బయటకు వచ్చిన తర్వాత సైలెంట్‌గా ఉన్నాడనుకున్న తరుణంలో, ఇప్పుడు రఘురామ కస్టోడియల్ టార్చర్ కేసులో అతని పేరు రావడం పెను సంచలనంగా మారింది. తనకు నోటీసులు రావడంతో విచారణకు హాజరయ్యేందుకు కొంత సమయం కావాలని బోరుగడ్డ పోలీసులను కోరినట్లు సమాచారం.

ఉత్కంఠ రేపుతున్న సిట్ దర్యాప్తు

ఈ కేసులో ఏ1గా ఉన్న సునీల్ కుమార్‌తో పాటు బోరుగడ్డ అనిల్‌కు కూడా నోటీసులు వెళ్లడం గమనిస్తే, పోలీసులు ఈ విషయాన్ని చాలా సీరియస్‌గా తీసుకున్నారని అర్థమవుతోంది. అసలు సాక్షిగా పేరు చేర్చడం వెనుక ఉన్న అసలు ఉద్దేశం ఏంటి, కస్టడీలో రఘురామను హింసించినప్పుడు బోరుగడ్డ పాత్ర ఏమైనా ఉందా అనే ప్రశ్నలు తలెత్తుతున్నాయి. ఒక సామాన్య కార్యకర్త స్థాయిలో ఉండి ఇంత పెద్ద కేసులో సాక్షిగా మారడం వెనుక పెద్దల హస్తం ఎంత ఉందనేది ఇప్పుడు తేలాల్సి ఉంది. రాబోయే రోజుల్లో సిట్ విచారణలో బోరుగడ్డ అనిల్ ఏయే నిజాలు బయటపెడతాడా అని రాష్ట్ర ప్రజలంతా ఆసక్తిగా ఎదురుచూస్తున్నారు. మొత్తానికి ఈ కేసు ఎటు తిరిగి ఎవరి మెడకు చుట్టుకుంటుందో గానీ, బోరుగడ్డ ఎంట్రీ మాత్రం అదిరిపోయే ట్విస్ట్ ఇచ్చింది.