Bank Holidays : బ్యాంక్ కస్టమర్లకు అలర్ట్.. సెప్టెంబర్ 28 నుంచి వరుసగా 3 రోజుల సమ్మె బంద్..!
Bank Holidays : బ్యాంక్ ఖాతాదారులకు ముఖ్యమైన అలర్ట్. దేశవ్యాప్తంగా బ్యాంకు ఉద్యోగ సంఘాలు సెప్టెంబర్ 28, 29, 30 తేదీల్లో మూడు రోజుల సమ్మె చేపట్టనున్నాయి. యునైటెడ్ ఫోరం ఆఫ్ బ్యాంక్ యూనియన్స్ (UFBU) ఇచ్చిన ఈ సమ్మె పిలుపుతో ప్రభుత్వ రంగ బ్యాంకులు, ప్రాంతీయ గ్రామీణ బ్యాంకులు సహా అనేక బ్యాంకు బ్రాంచ్లలో కార్యకలాపాలకు అంతరాయం ఏర్పడే అవకాశం ఉంది. దీంతో అత్యవసరంగా బ్రాంచ్లో పూర్తి చేయాల్సిన పనులు ఉన్న కస్టమర్లు ముందుగానే ప్లాన్ చేసుకోవాలని బ్యాంకులు సూచిస్తున్నాయి. ప్రధానంగా వారానికి ఐదు రోజుల బ్యాంకింగ్ విధానాన్ని అమలు చేయాలన్న డిమాండ్పై ఉద్యోగ సంఘాలు ఉద్యమిస్తున్నాయి. సెప్టెంబర్ 11న ఇప్పటికే ఒకరోజు దేశవ్యాప్త సమ్మె నిర్వహించిన UFBU, తమ ప్రధాన డిమాండ్పై స్పష్టమైన నిర్ణయం రాకపోవడంతో ఇప్పుడు మూడు రోజుల సమ్మెకు సిద్ధమైంది. పెన్షన్కు సంబంధించిన కొన్ని అంశాలు, ఉద్యోగుల ఇతర డిమాండ్లు కూడా యూనియన్ల అజెండాలో ఉన్నాయి.
Bank Holidays : బ్యాంక్ కస్టమర్లకు అలర్ట్.. సెప్టెంబర్ 28 నుంచి వరుసగా 3 రోజుల సమ్మె బంద్..!
Bank Holidays : సెప్టెంబర్ 28 నుంచి 30 వరకు సమ్మె.. 27న ఆదివారం కూడా బ్యాంకులు ఓపెన్
సెప్టెంబర్ 22న బ్యాంకు ఉద్యోగ సంఘాలు, ఇండియన్ బ్యాంక్స్ అసోసియేషన్, డిపార్ట్మెంట్ ఆఫ్ ఫైనాన్షియల్ సర్వీసెస్ ప్రతినిధుల మధ్య సమన్వయ చర్చలు జరిగాయి. ఐదు రోజుల బ్యాంకింగ్ అంశం పరిశీలనలో ఉందని ప్రభుత్వం, IBA పేర్కొన్నప్పటికీ, తక్షణ సానుకూల నిర్ణయం రాకపోవడంతో సమ్మెను కొనసాగించాలని UFBU నిర్ణయించింది. సెప్టెంబర్ 26 నాలుగో శనివారం కావడంతో సాధారణంగా బ్యాంకులకు సెలవు. సెప్టెంబర్ 27 ఆదివారం కూడా సాధారణ సెలవే. దీనికి వెంటనే సెప్టెంబర్ 28 నుంచి మూడు రోజుల సమ్మె ఉండటంతో ఖాతాదారులకు వరుసగా ఎక్కువ రోజుల పాటు బ్రాంచ్ సేవలు అందుబాటులో లేకపోయే పరిస్థితి ఏర్పడే అవకాశం కనిపించింది. దీంతో కేంద్ర ఆర్థిక మంత్రిత్వ శాఖ కీలక నిర్ణయం తీసుకుంది. సెప్టెంబర్ 27 ఆదివారం బ్యాంకులను తెరిచి ఉంచాలని సూచించింది. RBI కూడా ప్రభుత్వ రంగ బ్యాంకులు, ప్రాంతీయ గ్రామీణ బ్యాంకులు, ATM-linked branches, currency chests కార్యకలాపాలకు అవసరమైన ఏర్పాట్లకు అనుమతి ఇచ్చినట్లు రిపోర్టులు పేర్కొంటున్నాయి. కస్టమర్లు సమ్మెకు ముందు తమ ముఖ్యమైన బ్రాంచ్ పనులను పూర్తి చేసుకునే అవకాశం కల్పించడమే ఈ నిర్ణయం ఉద్దేశం. సమ్మె నేపథ్యంలో అనేక ప్రభుత్వ రంగ బ్యాంకులు తమ ఉద్యోగులు, కస్టమర్లకు ముందస్తు సూచనలు జారీ చేస్తున్నాయి. SBI, PNB, Union Bank, Bank of India, Indian Bank వంటి బ్యాంకులు సేవలకు అంతరాయం ఏర్పడే అవకాశం ఉందని పేర్కొంటూ ప్రత్యామ్నాయ చానళ్లను ఉపయోగించుకోవాలని సూచించాయి.
UPI, ATM, Net Banking పనిచేస్తాయా? కస్టమర్లు తెలుసుకోవాల్సినవి
మూడు రోజుల సమ్మె సమయంలో అన్ని బ్యాంకింగ్ సేవలు పూర్తిగా ఆగిపోతాయని భావించాల్సిన అవసరం లేదు. UPI, mobile banking, net banking, ATM సేవలు సాధారణంగా అందుబాటులో ఉండే అవకాశం ఉంది. నగదు అవసరమైతే ATMలను వినియోగించుకోవాలని, డిజిటల్ ట్రాన్సాక్షన్ల కోసం UPI, mobile banking, internet banking ఉపయోగించాలని బ్యాంకులు సూచిస్తున్నాయి. అయితే బ్రాంచ్పై ఆధారపడే సేవలకు అంతరాయం ఏర్పడవచ్చు. నగదు డిపాజిట్లు, పెద్ద మొత్తాల నగదు లావాదేవీలు, చెక్ క్లియరింగ్, కొన్ని డాక్యుమెంట్ ఆధారిత సేవలు, అకౌంట్ సంబంధిత స్టాఫ్ అసిస్టెన్స్ వంటి పనులు ఆలస్యం కావచ్చు. ATMల్లో కూడా కొన్ని ప్రాంతాల్లో నగదు లభ్యత స్థానిక పరిస్థితులపై ఆధారపడి ఉండొచ్చు. అందుకే ముఖ్యమైన పనులు ఉంటే సెప్టెంబర్ 27లోపు పూర్తి చేసుకోవడం మంచిది.
Also Read : The Paradise Movie Review Live updates : ది ప్యారడైజ్ మూవీ రివ్యూ అండ్ రేటింగ్..!
సమ్మె ప్రభావాన్ని తగ్గించేందుకు ATMల్లో తగినంత నగదు ఉంచాలని, డేటా సెంటర్లు, చెక్ క్లియరింగ్ సెంటర్లు, currency chests, treasury operations వంటి కీలక మౌలిక సదుపాయాలు పనిచేసేలా ముందస్తు ఏర్పాట్లు చేయాలని కేంద్రం బ్యాంకులకు సూచించింది. అంతేకాదు, సమ్మె కాలం నెలాఖరుతో పాటు త్రైమాసిక ముగింపు సమయానికి రావడంతో కేంద్ర ప్రభుత్వ ఉద్యోగులు, పెన్షనర్లకు సెప్టెంబర్ జీతాలు, పెన్షన్లను సెప్టెంబర్ 25నే ముందస్తుగా చెల్లించాలని కేంద్ర ఆర్థిక మంత్రిత్వ శాఖ నిర్ణయించింది.
మూడు రోజుల సమ్మె అనంతరం కూడా ఐదు రోజుల బ్యాంకింగ్ డిమాండ్పై పరిష్కారం రాకపోతే అక్టోబర్ 26 నుంచి నిరవధిక సమ్మె చేపట్టనున్నట్లు UFBU ప్రకటించింది. అయితే అప్పటివరకు ప్రభుత్వం, యూనియన్ల మధ్య చర్చల ఆధారంగా పరిస్థితిలో మార్పులు రావచ్చు. కాబట్టి సెప్టెంబర్ 28–30 మధ్య బ్రాంచ్కు వెళ్లాల్సిన అవసరం ఉన్న కస్టమర్లు ముందుగానే ప్రత్యామ్నాయ ఏర్పాట్లు చేసుకోవడం ఉత్తమం. ముఖ్యంగా చెక్కులు, నగదు అవసరాలు, డాక్యుమెంట్ వెరిఫికేషన్, బ్రాంచ్ ఆధారిత లావాదేవీలను సాధ్యమైనంత వరకు ముందుగానే పూర్తి చేసుకోవాలి.