Balakrishna : ఆ విషయంలో బాలకృష్ణతో ఒట్టు వేయించుకున్న భార్య.. ఇంకెప్పుడూ మీరు ఆ తప్పు చేయొద్దంటూ!
Balakrishna : నందమూరి నటసింహం బాలకృష్ణ అఖండ చిత్రం విజయోత్సాహంలో మునిగి తేలుతున్నారు. ఈ చిత్రం ఇప్పటికే బాక్సాఫీస్ వద్ద సరి కొత్త రికార్డులను క్రియేట్ చేస్తూ భారీ స్థాయిలో వసూళ్లు తెచ్చి పెడుతోంది. మరోవైపు బాలయ్య వ్యాఖ్యాతగా వ్యవహరిస్తున్న ఓటీటీ ఆహాలో అన్ స్టాపబుల్ విత్ ఎన్ బీ కే షో కూడా విజయవంతంగా దూసుకెళ్తుంది. మొదటి ఏపీసొడ్ లో మోహన్ బాబు, రెండో ఏపీసొడ్ లో నాని తో కలసి బాలయ్య రచ్చ రచ్చ చేయగా.. మూడో ఎపిసోడ్ లో కామెడీ కింగ్ బ్రహ్మానందం, యంగ్ డైరెక్టర్ అనిల్ రావిపూడి షోకు హాజరై సందడి చేశారు. తన సొంత విషయాలను అభిమానులతో ఎప్పుడూ పెద్దగా పంచుకోని బాలయ్య.. తాజాగా ఈ షో లో షోలో తన పర్సనల్ మ్యాటర్స్ ని ప్రేక్షకులతో పంచుకున్నాడు.
Balakrishna : అలాంటివి నా భార్యకు నచ్చవు..!
బేసిక్ గా తాను సినిమాలను థియేటర్లో తక్కువగా చూస్తానన్న బాలయ్య.. ఒకవేళ సినిమా నచ్చకపోతే హాల్ లోనే పడుకుంటానని, మరి బాగలేకపోతే హాల్ నుంచి లేచి వెళ్లిపోతానని అన్నారు. ఇక పాటలు విషయానికొస్తే… తాను వాటిని అస్సలు చూడనని చెప్పారు. అయితే ఇలాంటివి తన భార్య వసుంధరకు నచ్చవని అన్నారు. అలా చేస్తే తనకు చాలా కోపం వస్తుందని అన్నారు. సినిమాకు వెళ్ళినప్పుడు షో నడుస్తుండగా.. హాల్ నుండి వెళ్లిపోవద్దని, పాటలు వచ్చినా.. నిద్ర పోకూడదని తన భార్య తనను ఒట్టు వేయించుకున్నట్లు బాలయ్య చెప్పుకొచ్చారు.
balakrishna unstoppable with nbk show with bramhanandam
Balakrishna : నెక్స్ట్ మూవీ అనిల్ రావిపూడితోనే:
ఇక టాపిక్ మార్చి మళ్ళీ సినిమాల వైపు వచ్చిన బాలయ్య షోకు అతిథిగా హాజరైన బ్రహ్మానందాన్ని ఇబ్బంది పెడుతూ మీకు ఇష్టమైన హీరో ఎవరంటూ ఓ ప్రశ్న అడిగారు. ఎన్టీఆర్, ఏఎన్నార్ లో నీకు ఎవరంటే ఇష్టమని ఆప్షన్ కూడా ఇచ్చారు. దీనిపై స్పందించిన బ్రహ్మానందం.. ఏఎన్నార్ అంటే తనకు బాగా ఇష్టమని చెప్పుకొచ్చారు. అంతటితో ఆగక.. ఎన్టీఆర్, ఏఎన్నార్ ఇద్దరూ తనకు రెండు కళ్ళ లాంటి వారని చెప్పుకొచ్చారు. ఇలా బ్రహ్మి, అనిల్ రావిపూడిలతో సరదాగా సాగిపోయిన షోలో డైరెక్టర్ అనిల్ రావిపూడితో తన తదుపరి చిత్రం ఉంటుందని బాలయ్య ప్రకటించారు.