Bigg Boss OTT Telugu : ఈ వారం మిత్ర శర్మ సర్దేసుకోవాల్సిందే.. చివరి మూడు స్థానాల్లో ఉన్నది వారేనా?

Bigg Boss OTT Telugu : తెలుగు బిగ్బాస్ నాన్ స్టాప్ బ్యాక్ టు బ్యాక్ స్ట్రాంగ్ కంటెస్టెంట్స్ ఎలిమినేట్ అవ్వడం అందరికీ ఆశ్చర్యంగా ఉంది. మొదటి వారం లోనే అత్యంత స్ట్రాంగ్ కంటెస్టెంట్ అయినా ముమైత్ ఖాన్ ని ఎలిమినేట్ చేయడం తో అంతా ఆశ్చర్యం వ్యక్తం చేశారు. కానీ అనూహ్యంగా ముమైత్ ఖాన్ కి రీ ఎంట్రీ దక్కడంతో ప్రతి ఒక్కరు కూడా ఆనందం వ్యక్తం చేసి ఆమెకు ఘన స్వాగతం పలికారు. ఆమె అనారోగ్యం తో ఉన్న కూడా ప్రతి ఒక్కరూ ఆమె కు మద్దతుగా నిలుస్తూ వస్తున్నారు. ఇక మరో స్ట్రాంగ్ కంటెస్టెంట్ గా భావించిన ఆర్జే చైతూ కూడా ఎలిమినేట్ అవ్వడం చర్చనీయాంశమైంది. ఇక అత్యంత స్ట్రాంగ్ కంటెస్టెంట్ గా ఫైనల్ వరకు ఉంటుంది అని భావించిన తేజు ఎలిమినేట్ అవ్వడం ప్రేక్షకుల మరియు ఇంటి సభ్యులు అందరూ కూడా అవాక్కయ్యేలా చేసింది.

ఇప్పటి వరకు చాలా మంది స్ట్రాంగ్‌ కంటెస్టెంట్స్‌ ఎలిమినేట్ అయ్యారు. కానీ ఈ వారం మాత్రం వీక్‌ కంటెస్టెంట్‌ అయిన మిత్ర శర్మ ఎలిమినేట్ అవ్వబోతున్నట్లు గా సమాచారం అందుతోంది. ఓటింగ్ ప్రకారం గా ఎలిమినేషన్ నిర్వహిస్తే కచ్చితంగా ఈ వారం బిగ్ బాస్ హౌస్ నుండి మిత్ర శర్మ ఎలిమినేట్ అవ్వడం ఖాయం అంటూ విశ్లేషకులు అభిప్రాయం వ్యక్తం చేస్తున్నారు. ఆమెకు వస్తున్నా ఓట్లు మరియు ఆమె హౌస్లో వ్యవహరిస్తున్న తీరు చూస్తే కచ్చితంగా ఆమెను బయటకు పంపిస్తే బాగుంటుంది అని ప్రతి ఒక్కరు అభిప్రాయం వ్యక్తం చేస్తున్నారు.

Bigg Boss OTT Telugu nonstop this week eliminations mitra sharma

ఈ వారం ఎలిమినేషన్ కి నామినేట్ అయిన వారిలో మిత్ర శర్మ ఉన్నారు. కనుక ఆమె కు ఈ వారం అవుట్ పాస్ ఇచ్చినట్లే అంటూ విశ్లేషకులు అభిప్రాయం వ్యక్తం చేస్తున్నారు. ప్రస్తుత బిందు మాధవి అత్యధిక ఓట్లు దక్కించుకున్నట్లు సమాచారం. ఆమె గత కొన్ని వారాలుగా ఎలిమినేషన్ కు నామినేట్ అయిన ప్రతి సారీ కూడా మంచి ఓట్లను దక్కించుకుంటూ టాప్ లో నిలుస్తున్నారు. బిందు మాధవి ఆర్మీ ఓ రేంజ్ లో ఆమెకు వెన్ను దన్నుగా నిలుస్తూ ఆమె ఎలిమినేషన్ లో ఉన్న సమయంలో కాపాడేందుకు గంపగుత్తగా ఓట్లు వేయడం ద్వారా ఆమెను ముందే సేవ్ చేస్తున్నారు. కనుక ఈ వారం మిత్ర శర్మ కచ్చితంగా ఎలిమినేట్‌ అవ్వడం ఖాయం అనే అభిప్రాయం వ్యక్తమవుతోంది. బిగ్బాస్ నిర్వాహకులు ఆమె ఉండాలని భావిస్తే తప్పితే ఆమె ఉండే అవకాశాలు లేవు.