Devara Trailer Review : దేవర ట్రైలర్ రివ్యూ

Devara Trailer Review : ఎన్ టీ ఆర్ కొరటాల శివ కాంబోలో వస్తున్న దేవర మరో ఐదు రోజుల్లో ప్రేక్షకుల ముందుకు రాబోతుంది. యువ సుధ ఆర్ట్స్ బ్యానర్,ఎన్ టీ ఆర్ ఆర్ట్స్ బ్యానర్ కలిసి నిర్మించిన ఈ సినిమాలో జాన్వి కపూర్ హీరోయిన్ గా నటించగా సైఫ్ అలీ ఖాన్ విలన్ గా నటించాడు. సెప్టెంబర్ 27న రిలీజ్ అవుతున్న ఈ సినిమా నుంచి ఇంతకుముందు ట్రైలర్ రిలీజ్ కాగా లేటెస్ట్ గా సినిమా నుంచి రిలీజ్ ట్రైలర్ వదిలారు. సముద్రం రక్తంతో ఎరుపెక్కించే దేవర కథ తో ఫ్యాన్స్ కు ఊర మాస్ ఫీస్ట్ ఇచ్చేందుకు తారక్ సిద్ధమవుతున్నాడు. ఆచార్య తర్వాత కొరటాల శివ చేస్తున్న ఈ సినిమాతో అసలు సిసలు మాస్ జాతర చూపించడానికి వస్తున్నాడు.

ఎన్ టీ ఆర్ దేవర లో రెండు విభిన్న పాత్రల్లో కనిపిస్తున్నారు. దేవరగా ఎన్ టీ ఆర్ ఉగ్ర రూపం మరోసారి బాక్సాఫీస్ పై ఊచకోత చేస్తుందని అనిపిస్తుంది. సినిమాలో జాన్వి కపూర్ గ్లామర్, అనిరుద్ మ్యూజిక్ కూడా హైలెట్ గా నిలిచేలా ఉన్నాయి. ఇక సైఫ్ విలనిజం కూడా ఫ్యాన్స్ కు సూపర్ కిక్ ఇచ్చేలా ఉంది. దేవర రిలీజ్ ట్రైలర్ చూస్తే మాస్ ఆడియన్స్ కు టికెట్ పైసలు బాగానే వర్క్ అవుట్ అయ్యేలా బ్లడీ బ్లడ్ బాత్ అనిపించేలా సినిమా ఉంటుందని అనిపిస్తుంది.

దేవర రిలీజ్ ట్రైలర్ తో ఫ్యాన్స్ ఫుల్ ఖుషిగా ఉన్నారు. కథ కథనాలు గ్రాఫిక్స్, ఫైట్స్ ఇవన్నీ బాగానే కుదిరినట్టు అనిపిస్తుంది. మరి దేవర బాక్సాఫీస్ దగ్గర దమ్ము చూపిస్తాడా ఇండస్ట్రీ రికార్డులు తిరగ రాస్తాడా అన్నది చూడాలి.