Kalki 2 Sai Pallavi : కల్కీ 2.. దీపికా ప్లేస్లో సాయి పల్లవి? క్లారిటీ ఇచ్చిన మేకర్స్.. అసలు విషయం ఇదే..!
Kalki 2 Sai Pallavi : పాన్ ఇండియా రెబల్ స్టార్ ప్రభాస్, నాగ్ అశ్విన్ కాంబినేషన్లో వచ్చిన సైన్స్ ఫిక్షన్ విజువల్ వండర్ ‘కల్కి 2898 AD’ ఎంతటి ఘనవిజయం సాధించిందో ప్రత్యేకంగా చెప్పనక్కర్లేదు. ప్రస్తుతం అందరి కళ్లు ఈ సినిమా సీక్వెల్ ‘కల్కి 2’ (Kalki 2) పైనే ఉన్నాయి. అయితే గత కొన్ని రోజులుగా ఈ సీక్వెల్ గురించి ఒక వార్త సోషల్ మీడియాలో చక్కర్లు కొడుతోంది. అదేంటంటే.. మొదటి పార్ట్లో సుమతి (SUM-80) పాత్రలో మెప్పించిన దీపికా పదుకొణె ఈ ప్రాజెక్ట్ నుంచి తప్పుకుందని, ఆమె స్థానంలో నేచురల్ బ్యూటీ సాయి పల్లవిని తీసుకుంటున్నారని ప్రచారం జరుగుతోంది. తాజాగా ఈ వార్తలపై చిత్ర యూనిట్ కు సంబంధించిన ఒక ప్రతినిధి స్పందించినట్లు తెలుస్తోంది.
Kalki 2 Sai Pallavi : కల్కీ 2.. దీపికా ప్లేస్లో సాయి పల్లవి? క్లారిటీ ఇచ్చిన మేకర్స్.. అసలు విషయం ఇదే..!
Kalki 2 Sai Pallavi : దీపికా ప్లేస్లో సాయి పల్లవి.. నిజమేనా?
జాతీయ మీడియా కథనాల ప్రకారం, ‘కల్కి 2’ బృందానికి చెందిన ఒక ముఖ్య ప్రతినిధి దీనిపై క్లారిటీ ఇచ్చారు. “దీపికా పదుకొణె ప్రాజెక్ట్ నుంచి వెళ్లిపోయిన తర్వాత, సుమతి పాత్ర కోసం సాయి పల్లవిని సంప్రదించాలని మేకర్స్ భావిస్తున్నారు. ఆ పాత్రకు సాయి పల్లవి అయితేనే పర్ఫెక్ట్ గా సెట్ అవుతుందని టీమ్ నమ్ముతోంది” అని తెలిపారు.
ఇంకా ఫైనల్ కాలేదు
అయితే, సాయి పల్లవి ఎంపిక ఖరారైపోయిందని, షూటింగ్ కూడా మొదలవుతోందని వస్తున్న వార్తలను ఆ ప్రతినిధి ఖండించారు. “మేము సాయి పల్లవిని పరిశీలిస్తున్నాం అనేది నిజమే కానీ, ఇంకా ఏదీ ఫైనల్ కాలేదు. చర్చలు ఇంకా ప్రాథమిక దశలోనే ఉన్నాయి. దయచేసి అధికారిక ప్రకటన వచ్చే వరకు పుకార్లను నమ్మవద్దు” అని కోరారు.
దీపికా ఎందుకు తప్పుకుంది?
2025 సెప్టెంబర్లో దీపికా పదుకొణె ‘కల్కి 2’ నుంచి తప్పుకున్నట్లు వార్తలు వచ్చాయి. పారితోషికం (Remuneration) విషయంలో, కాల్షీట్ల విషయంలో నిర్మాతలకి, దీపికాకి మధ్య సయోధ్య కుదరకపోవడమే దీనికి కారణమని ఇండస్ట్రీ టాక్. అయితే దీనిపై అధికారికంగా ఎవరూ స్పందించలేదు.
కీలకమైన సుమతి పాత్ర
‘కల్కి’ కథలో సుమతి (SUM-80) పాత్ర చాలా కీలకం. కల్కిని గర్భంలో మోస్తున్న తల్లిగా మొదటి పార్ట్లో దీపికా అద్భుతంగా నటించింది. ఇప్పుడు ఆ పాత్రను సాయి పల్లవి పోషిస్తే, ఆమె నటన సినిమాకు మరింత బలాన్ని చేకూరుస్తుందని అభిమానులు అభిప్రాయపడుతున్నారు. సీతమ్మగా రామాయణంలో నటిస్తున్న సాయి పల్లవి, ఇప్పుడు సుమతిగా కూడా కనిపిస్తే ఆమె క్రేజ్ మరో స్థాయికి వెళ్లడం ఖాయం.
త్వరలోనే వైజయంతి మూవీస్ నుంచి దీనిపై అఫీషియల్ అనౌన్స్మెంట్ వచ్చే అవకాశం ఉంది.