Karthika Deepam 5 July Today Episode : హిమ చేతుల మీదుగా జ్వాలకు అవార్డు.. తనే హిమ అని తెలుసుకొని జ్వాల షాక్.. హిమపై అక్కడే ప్రతీకారం తీర్చుకున్న జ్వాల

Karthika Deepam 5 July Today Episode : కార్తీక దీపం సీరియల్ లేటెస్ట్ ఎపిసోడ్ తాజాగా విడుదలైంది. ఈరోజు 5 జులై 2022, మంగళవారం ఎపిసోడ్ 1396 హైలైట్స్ ఏంటో ఇప్పుడు చూద్దాం. నీకేదైనా ఎక్కువ ఇవ్వాలని నా మనసు ఆరాటపడుతోంది హిమ అంటాడు నిరుపమ్. దీంతో ఏది ఎక్కువైనా ప్రమాదకరమే బావ అంటుంది హిమ. కొబ్బరి బోండాం తాగాక.. డబ్బులు ఇవ్వడం కోసం పర్స్ తీస్తాడు నిరుపమ్. అందులో నుంచి 500 నోట్ తీసి ఇస్తాడు. ఈ నోట్ ను ఎలా ఖర్చు పెడదామన్నా కూడా అస్సలు కుదరడం లేదు. ఏం చేయాలో అర్థం కావడం లేదు. ఇదిగో బాబు తీసుకో నోటు అని 500 నోటు ఇస్తాడు కొబ్బరి బోండాం అతడికి. దీంతో చేంజ్ లేదు అంటాడు. దీంతో ఈ 500 నువ్వే ఉంచుకో అంటాడు. కానీ.. అతడు తీసుకోడు. దీంతో తన దగ్గర ఉన్న చేంజ్ ఇస్తాడు. ఆ తర్వాత బావ ఏమైంది అని అడుగుతుంది. ఈ 500 నోటు జ్వాల ఇచ్చింది. ఎంత వదిలించుకుందామన్నా అస్సలు వదలడం లేదు అంటాడు నిరుపమ్. దీంతో వద్దు బావ.. జ్వాలను వదిలించుకోవాలని చూడకు అని మనసులో అనుకుంటుంది హిమ.

కట్ చేస్తే బ్యాంక్ వాళ్లు ఫోన్ చేసి వెంటనే బ్యాంక్ లోన్ తీర్చాలని ఒత్తిడి చేస్తాడు శోభను. లేదంటే హాస్పిటల్ సీజ్ చేయాల్సి వస్తుందని వార్నింగ్ ఇస్తారు. దీంతో వద్దు నేను త్వరలోనే డబ్బులు క్లియర్ చేస్తా అని చెబుతుంది శోభ. మరోవైపు హైదరాబాద్ క్లబ్ అవార్డుల ప్రోగ్రామ్ కు సౌందర్య, ఆనంద రావు.. హిమను కూడా తీసుకొస్తారు. నన్నెందుకు తీసుకొచ్చావు అని అడుగుతుంది హిమ. దీంతో అందరిలో కలవాలి అని చెబుతుంది సౌందర్య. బాగా చెప్పావు సౌందర్య అంటాడు ఆనంద రావు. నీకు కూడా ఎప్పుడో ఒకప్పుడు గొప్ప అవార్డు వస్తుంది అంటాడు ఆనంద రావు. దీంతో నాకు శౌర్య, బావను కలిపితే చాలు.. అదే పెద్ద అవార్డు అంటుంది హిమ. డాక్టర్ హిమ గారు మీరు బిజీగా ఉన్నా ఇక్కడికి వచ్చినందుకు థాంక్స్ అంటారు నిర్వాహకులు.

శౌర్య కూడా వస్తే బాగుండు కదా నానమ్మ అని అంటుంది హిమ. ఇన్నాళ్లు ఎక్కడుందో తెలియదు. ఇప్పుడు తెలిశాక అయినా మనతో ఉంటే బాగుండు అని అంటుంది హిమ. ఇంతలో ప్రోగ్రామ్ స్టార్ట్ అవుతుంది. హైదరాబాద్ క్లబ్ వార్షికోత్సవానికి స్వాగతం అంటుంది. ఈ కార్యక్రమానికి చీఫ్ గెస్టులుగా వచ్చిన సౌందర్య, ఆనంద రావును వేదిక మీదికి పిలుస్తారు.

Karthika Deepam 5 July Today Episode : అవార్డుల ప్రదానోత్సవంలో హిమను చూసి జ్వాల షాక్

సౌందర్య మాట్లాడుతూ ఉండగా.. ఇంతలో అక్కడికి జ్వాల వస్తుంది. జ్వాలను చూసి సౌందర్య షాక్ అవుతుంది. వీళ్లు ఉన్నారు ఏంటి.. నానమ్మ, తాతయ్యలు ముఖ్య అతిథులుగా వచ్చారా? వచ్చే ఉంటారులే.. సౌండ్ పార్టీలు కదా అని అనుకుంటుంది జ్వాల.

ఇంకా ముందుకు వచ్చి తింగరిని చూస్తుంది జ్వాల. ఇది కూడా వచ్చిందా. ఇదెందుకు వచ్చింది.. దీనికి కూడా ఏదైనా అవార్డు ఇస్తున్నారా అని అనుకుంటుంది. అయినా ఇది ఉండగా నేనెందుకు ఇక్కడ ఉండాలి.. నేను వెళ్లిపోతా అని అనుకుంటుంది. ఇంతలో నిర్వాహకుడు వచ్చి అక్కడ కూర్చోండి అంటాడు.

కానీ.. వద్దు అని అంటుంది జ్వాల. శౌర్య ఇక్కడికొచ్చిందేంటి సౌందర్య అని అడుగుతాడు ఆనంద రావు. దీంతో నాకే అర్థం కావడం లేదు అంటుంది సౌందర్య. అవార్డులు మీ చేతుల మీదుగా ఇవ్వండి అని నిర్వాహకులు చెబుతారు. ఒక్కొక్కరికి అవార్డులు ఇస్తుంటారు.

తర్వాత జ్వాలను పిలుస్తారు. జ్వాల వచ్చిందా అని చూసి షాక్ అవుతుంది తింగరి. తర్వాత జ్వాల స్టేజ్ మీదకు వెళ్తుంది. శౌర్యకు అవార్డు ఇస్తున్నారా గ్రేట్ అని అనుకుంటుంది హిమ. ఈరోజు నేను ఇక్కడికి రావడం మంచిదైంది అని అనుకుంటుంది హిమ.

ఈ అమ్మాయి నాకు బాగా తెలుసు. ఒక రకంగా చెప్పాలంటే మేమిద్దరం ఫ్రెండ్స్ అంటుంది సౌందర్య. ఇలాంటి ధైర్యం ఉన్న యంగ్ ఫ్రెండ్ నాకు ఉన్నందుకు నేను గర్వపడుతున్నాను అని అంటుంది సౌందర్య. నన్ను నానమ్మ అని పిలిస్తే బాగుంటుందని నా మనసు చెబుతోంది అంటుంది సౌందర్య.

కానీ.. ముద్దుగా సీనియర్ సిటిజన్ సీసీ అని పిలుస్తుంది. అయినా నాకు సంతోషమే అంటుంది సౌందర్య. త్వరలోనే నానమ్మ అని పిలుస్తుందని ఆశిస్తున్నాను అంటుంది సౌందర్య. ఈ అవార్డును యంగ్ డాక్టర్ జ్వాల గారికి అవార్డును అందజేయాలని కోరుతున్నాం అంటారు నిర్వాహకులు.

దీంతో హిమ స్టేజ్ మీదికి వస్తుంది. జ్వాలకు కోపం వస్తుంది. డాక్టర్ హిమ గారికి గట్టిగా చప్పట్లు అని అంటారు నిర్వాహకులు. దీంతో జ్వాల షాక్ అవుతుంది. తనే హిమ అని అనుకుంటుంది. దీంతో హిమ చెంప చెళ్లుమనిపిస్తుంది జ్వాల. దీంతో అందరూ ఒక్కసారిగా అవాక్కవుతారు.

నువ్వు హిమవా.. అంటుంది జ్వాల. ఇన్నాళ్లు నాకు ఎందుకు చెప్పలేదు అని అంటుంది. దీంతో శౌర్య అది అంటుంది.. హిమ. చంపేస్తాను అంటుంది శౌర్య. ఇంత మోసం చేస్తావా. నా పక్కనే ఉన్నావు. నా స్టోరీ తెలుసుకుంటావు. నా శత్రవు గురించి చెబుతుంటే వింటావు. నా ప్రేమను లాగేసుకుంటావు. నా డాక్టర్ సాబ్ ను దూరం చేస్తావు. పెళ్లి చేసుకుంటావు.. నువ్వు మహా మోసగత్తెవు అంటుంది శౌర్య.

దీంతో నేను మొదటి రోజే చెప్పాలనుకున్నాను అంటుంది హిమ. కానీ.. నోర్మూయ్ అంటుంది శౌర్య. ఆ తర్వాత ఏం జరుగుతుందో తెలియాలంటే తరువాయిభాగంలో చూడాల్సిందే.