YouTuber Na Anvesh : ఇన్స్టాతో నాకు ఉపయోగం లేదు .. 2026లో బత్తాయిలకు నరకం చూపిస్తా : నా అన్వేష్ .. వీడియో!
YouTuber Na Anvesh : యూట్యూబర్ నా అన్వేష్ కు instagram ఇన్స్టాగ్రామ్ మాతృసంస్థ Meta Platforms షాక్ ఇచ్చింది. ఆయన ఇన్స్టాగ్రామ్ ఖాతాను బ్యాన్ చేస్తూ తొలగించినట్లు తాజాగా ప్రకటించినట్టు సమాచారం. గత కొంతకాలంగా ఆయన సోషల్ మీడియాలో చేసిన పోస్టులు, వీడియోలు వివాదాస్పదంగా మారడంతో ఈ నిర్ణయం తీసుకున్నట్లు తెలుస్తోంది. ప్రస్తుతం ఈ వ్యవహారం సోషల్ మీడియాలో పెద్ద చర్చకు దారితీసింది.
YouTuber Na Anvesh : ఇన్స్టాతో నాకు ఉపయోగం లేదు .. 2026లో బత్తాయిలకు నరకం చూపిస్తా : నా అన్వేష్ .. వీడియో!
YouTuber Na Anvesh : మహిళల వస్త్రధారణ వ్యాఖ్యలపై వివాదం
ఇటీవల మహిళల వస్త్రధారణపై నటుడు శివాజీ చేసిన వ్యాఖ్యలు చర్చనీయాంశంగా మారిన సంగతి తెలిసిందే. ఆ వ్యాఖ్యలపై నా అన్వేష్ తనదైన శైలిలో స్పందిస్తూ వీడియోలు విడుదల చేశారు. అయితే ఆయన వ్యాఖ్యలు మరింత వివాదానికి దారితీశాయని విమర్శలు వినిపిస్తున్నాయి. అలాగే గత కొన్ని రోజులుగా తన ఇన్స్టాగ్రామ్ ఖాతాలో మత విద్వేషాలను రెచ్చగొట్టేలా వ్యాఖ్యలు చేయడం హిందూ దేవుళ్లను కించపరిచేలా వీడియోలు పోస్ట్ చేయడం వంటి ఆరోపణలు ఆయనపై వచ్చాయి. ఈ నేపథ్యంలో పంజాగుట్ట పోలీస్ స్టేషన్లో కొందరు ఫిర్యాదులు కూడా చేసినట్లు సమాచారం. ఇప్పటికే పలుచోట్ల ఆయన ప్రవర్తనపై అభ్యంతరాలు వ్యక్తమవుతుండటంతో ఇన్స్టాగ్రామ్ యాజమాన్యం చర్యలు తీసుకున్నట్లు ప్రచారం జరుగుతోంది.
YouTuber Na Anvesh : బ్యాన్పై అన్వేష్ స్పందన
తన ఇన్స్టాగ్రామ్ ఖాతా బ్యాన్ అయిన విషయంపై నా అన్వేష్ తాజాగా స్పందించారు. మరో ఇన్స్టాగ్రామ్ ఖాతా ద్వారా ఆయన ఓ వీడియో విడుదల చేశారు. అందులో తన అకౌంట్ బ్యాన్ అయిందని తెలిసి చాలామంది సంతోషపడుతున్నారని అన్నారు. అయితే తనకు రెండు ఇన్స్టాగ్రామ్ ఖాతాలు, రెండు యూట్యూబ్ ఛానెల్స్ ఉన్నాయని వెల్లడించారు. “నా కోసం అవి రెండు చేతులు, రెండు కాళ్లలా ఉన్నాయి. ఒక చేయి పోయిందని నేను బాధపడను. ఇంకా మరో చేయి, రెండు కాళ్లు ఉన్నాయి” అని వ్యాఖ్యానించారు. ఇన్స్టాగ్రామ్ వల్ల తనకు పెద్దగా లాభం లేదని యూట్యూబ్ ద్వారానే తాను మంచి ఆదాయం పొందుతున్నానని తెలిపారు. కేవలం యూట్యూబ్ నుంచే జనవరిలో రూ.8 లక్షలకుపైగా ఆదాయం వచ్చిందని పేర్కొన్నారు.
YouTuber Na Anvesh : వైరల్గా మారిన వీడియో
తాజా వీడియోలో 2026లో “బత్తాయిలకు నరకం చూపిస్తా” అంటూ చేసిన వ్యాఖ్యలు ఇప్పుడు మరోసారి చర్చకు దారితీశాయి. ఈ వ్యాఖ్యల అర్థం ఏమిటి? ఎవరిని ఉద్దేశించి మాట్లాడారు? అనే అంశాలపై సోషల్ మీడియాలో వివిధ ఊహాగానాలు వినిపిస్తున్నాయి. ఇన్స్టాగ్రామ్ బ్యాన్ తర్వాత కూడా తన ధోరణి మారదనే సంకేతాలు ఆయన మాటల్లో కనిపిస్తున్నాయని కొందరు అభిప్రాయపడుతున్నారు. మరికొందరు అయితే సోషల్ మీడియా వేదికలపై బాధ్యతాయుతంగా వ్యవహరించాలని సూచిస్తున్నారు. ఇక నా అన్వేష్ ఇన్స్టాగ్రామ్ ఖాతా బ్యాన్ వ్యవహారం ప్రస్తుతం హాట్ టాపిక్గా మారింది. ఈ వీడియో మరిన్ని వివాదాలకు దారితీస్తుందా? లేదా పరిస్థితులు సర్దుకుంటాయా? అన్నది వేచి చూడాల్సి ఉంది.