మహేష్ బాబు ఫ్యాన్స్ కి సర్కారు వారి పాట నుంచి సూపర్ సర్‌ప్రైజ్ ..!

మహేష్ బాబు నటించబోతున్న 27 వ సినిమా సర్కారు వారి పాట. ఈ సినిమాలో మహేష్ కి జంటగా కీర్తి సురేష్ నటించబోతుంది. గీత గోవిందం ఫేం పరశురాం దర్శకత్వంలో తెరకెక్కబోతున్న ఈ సినిమా గత నెలలో ఓపెనింగ్ పూజా కార్యక్రమాలని ఘనంగా నిర్వహించారు. సరిలేరు నీకెవ్వరు లాంటి బ్లాక్ బస్టర్ కా బాప్ హిట్ తర్వాత ఈ సినిమా ప్రకటించినప్పటి నుంచి మహేష్ బాబు అభిమానుల్లో.. ప్రేక్షకుల్లో భారీగా అంచనాలు నెలకొన్నాయి.

కాగా ఈ సినిమాని జీఎంబీ ఎంటర్‌టైన్మెంట్స్ – 14 రీల్స్ ప్లస్ – మైత్రీ మూవీ మేకర్స్ భారీ బడ్జెట్ తో నిర్మిస్తున్నారు. ఇక ఈ సినిమా రెగ్యులర్ షూటింగ్ కి రెడీ అవుతోంది. ఇప్పటికే హైదరాబాద్ రామోజీ ఫిల్మ్ సిటీలో భారీ బ్యాంక్ సెట్ నిర్మించారు. ఈ బ్యాంక్ సెట్ లో సర్కారు వారి పాట మొదలవబోతోంది. ఇక్కడే నెల రోజులకి పైగాషూటింగ్ జరపనున్నారట. ఆ తర్వాత అమెరికాలో 45 రోజుల భారీ షెడ్యూల్ ని ప్లాన్ చేశారు దర్శక, నిర్మాతలు. ఈ షెడ్యూల్ తో దాదాపు గా సర్కారు వారి పాట కంప్లీట్ అవుతుందని మేకర్స్ చెబుతున్నారట.

అయితే ఈ సినిమాలో మేయిన్ హీరోయిన్ కీర్తి సురేష్ అన్న విషయం తెలిసిందే. అలాగే మరో హీరోయిన్ కూడా మహేష్ తో రొమాన్స్ చేయబోతుందని అంటున్నారు. ఆ హీరోయిన్ బాలీవుడ్ బ్యూటీ సాయీ మంజ్రేకర్ అని సమాచారం. అంతే కాదు తాజా సమాచారం ప్రకారం సాయీ మంజ్రేకర్ ని కూడా ఈ నెలలో అఫీషియల్ గా అనౌన్స్ చేయబోతున్నారట. ఇదే ఒక సర్‌ప్రైజ్ న్యూస్ అనుకుంటే మరో సర్‌ప్రైజ్ కూడా ఇచ్చాడు మహేష్ బాబు. సర్కారు వారి పాట షూటింగ్ ముందు టైటిల్ సాంగ్ తో సెట్స్ మీదకి వెళ్ళబోతోందట. ఈ సాంగ్ కి సెట్ కూడా రెడీ అయిపోయిందంటున్నారు. పద్మశ్రీ తోట తరణి ఆధ్వర్యంలో సర్కారు వారి పాట టైటిల్ సాంగ్ కోసం ప్రత్యేకమైన సెట్ ని నిర్మించగా ఆ సెట్ లో సాంగ్ మొత్తం కంప్లీట్ చేయనున్నారట.