Ram Charan – Upasana – Twins Names : రామ్ చరణ్ – ఉపాసన .. మెగా వారసుడికి పెట్టబోయే పేరు ఇదేనా..?

Ram Charan – Upasana : గ్లోబల్ హీరో, మెగా పవర్ స్టార్ రామ్ చరణ్  Ram Charan – ఉపాసన  Upasana  కొణిదెల దంపతులు రెండోసారి తల్లిదండ్రులైన సంగతి తెలిసిందే. జనవరి 31న ఉపాసన కవల పిల్లలకు  twins  జన్మనివ్వడంతో మెగా కుటుంబం ఆనందంలో మునిగిపోయింది. ఈ కవలల్లో ఒక మగబిడ్డ, ఒక ఆడబిడ్డ ఉండటం ప్రత్యేక ఆకర్షణగా మారింది. ఎంతోకాలంగా ఎదురు చూసిన వారసుడి రాకతో మెగా అభిమానుల సంతోషానికి అవధులు లేకుండా పోయాయి. ఈ వార్త వెలువడిన వెంటనే సోషల్ మీడియాలో శుభాకాంక్షల వెల్లువ మొదలైంది. అభిమానులు సంబరాలు చేసుకుంటూ మెగా ఇంట మరో పండగ వచ్చిందంటూ ఆనందం వ్యక్తం చేస్తున్నారు.

Ram Charan – Upasana : రామ్ చరణ్ – ఉపాసన .. మెగా వారసుడికి పెట్టబోయే పేరు ఇదేనా..?

Ram Charan – Upasana : చిరంజీవి కోరిక నెరవేరిందా?

మెగా ఫ్యామిలీ  Mega Famil  మూడో తరంలో ఇప్పటివరకు ఎక్కువగా ఆడపిల్లలే జన్మించారు. మెగాస్టార్ చిరంజీవి ఇంట్లో కూడా ఆడపిల్లలే ఉండడం అందరికీ తెలిసిందే. ఈ నేపథ్యంలో ఒక మగబిడ్డ పుడితే బాగుంటుందనే కోరికను చిరంజీవి పలు సందర్భాల్లో బహిరంగంగానే వ్యక్తం చేశారు. ఈ వ్యాఖ్యలపై అప్పట్లో కొన్ని విమర్శలు కూడా ఎదురయ్యాయి. రామ్ చరణ్ బాలయ్య బాబు హోస్ట్ చేసిన ‘అన్‌స్టాపబుల్’ షోకు గెస్ట్‌గా వెళ్లినప్పుడు కూడా ఆయన తల్లి పంపిన వీడియో సందేశంలో ఇదే కోరికను వెల్లడించిన విషయం గుర్తుండే ఉంటుంది. తాజాగా రామ్ చరణ్‌కు మగబిడ్డ పుట్టడంతో మెగా కుటుంబ కోరిక నెరవేరినట్టే అన్న భావన అభిమానుల్లో వ్యక్తమవుతోంది. ఇక వరుణ్ తేజ్‌కు ఇటీవల మగబిడ్డ పుట్టడం ఇప్పుడు రామ్ చరణ్‌కు వారసుడు రావడంతో మెగా క్యాంప్‌లో ఆనందం రెట్టింపు అయింది.

Ram Charan – Upasana : పేర్లు, ఫోటోలపై ఉత్కంఠ

ఇక ఇప్పుడు సోషల్ మీడియాలో హాట్ టాపిక్‌గా మారింది ఒక్కటే రామ్ చరణ్–ఉపాసన తమ కవల పిల్లలకు ఎలాంటి పేర్లు  Names  పెట్టబోతున్నారు? మెగా ఫ్యామిలీలో సాధారణంగా ఆంజనేయ స్వామి లేదా శ్రీరాముడి పేర్లకు సంబంధించిన నామకరణం చేసే సంప్రదాయం ఉంది. కానీ రామ్ చరణ్ మొదటిసారి తన కూతురికి ఆ సెంటిమెంట్‌కు భిన్నంగా ‘క్లిన్ కారా’ అనే పేరు పెట్టారు. ఈ పేరు లలిత సహస్రనామం నుంచి తీసుకున్నదని అప్పట్లో చిరంజీవే వెల్లడించారు. ఇప్పుడు కవల పిల్లల విషయంలో కూడా ఆధ్యాత్మిక అర్థం ఉన్న పేర్లనే ఎంచుకుంటారా? లేక మెగా సంప్రదాయానికి అనుగుణంగా హనుమంతుడు లేదా శ్రీరాముడి పేరు కలిసొచ్చేలా నామకరణం చేస్తారా? అన్నది ఆసక్తికరంగా మారింది. ముఖ్యంగా మగబిడ్డకు పేరు ఎవరు పెడతారు అనే అంశంపై నెటిజన్ల మధ్య పెద్ద చర్చ నడుస్తోంది. ఇదిలా ఉండగా రామ్ చరణ్ మొదటి కూతురు క్లిన్ కారాను ఇప్పటివరకు బయట ప్రపంచానికి చూపించకపోవడం అభిమానుల్లో కొంత అసంతృప్తిని కలిగించింది. ఫోటోలు కూడా విడుదల చేయకుండా జాగ్రత్త పడటంతో ఈసారి అయినా కవల పిల్లలను పరిచయం చేస్తారా? లేక మళ్లీ అదే గోప్యత కొనసాగిస్తారా? అనే ప్రశ్నలు తలెత్తుతున్నాయి. ఏదేమైనా మెగా వారసుడి రాకతో అభిమానుల ఉత్కంఠ ఇప్పుడు మరో స్థాయికి చేరింది. చరణ్ తన పిల్లలను ఎప్పుడు ఎలా పరిచయం చేస్తాడో చూడాలి మరి.