Israel : ఇజ్రాయిల్ మీదకి ఒక్కసారిగా వచ్చిన వేలాది బొంత కాకులు … ప్రళయ కాలం మొదలైంది

Israel : ఈ ప్రపంచంలో Israel మనిషి తనను తాను సర్వజ్ఞానిగా భావిస్తాడు. తన దగ్గర ఉన్న సైన్స్ మరియు టెక్నాలజీతో ప్రకృతిని కూడా శాసించగలనని నమ్ముతాడు. కానీ ప్రకృతి ఇచ్చే సంకేతాలను అర్థం చేసుకోవడంలో మనిషి తరచుగా విఫలమవుతుంటాడు. గతంలో చెన్నైలో సునామీ వచ్చినప్పుడు కూడా మనిషి కంటే ముందే జంతువులు, పక్షులు ప్రమాదాన్ని పసిగట్టి అక్కడి నుండి వెళ్ళిపోయాయి. కానీ మనిషి మాత్రం వాటిని గమనించలేక ప్రాణాలు కోల్పోయాడు. ప్రస్తుతం ఇజ్రాయేల్ రాజధాని టెల్ అవీవ్ నగరంలో కనిపిస్తున్న దృశ్యాలు కూడా ఇలాంటి ఒక చర్చకే దారితీస్తున్నాయి. అక్కడ వేల సంఖ్యలో బొంత కాకులు ఒక్కసారిగా ఆకాశంలోకి వచ్చి బిల్డింగ్‌ల పైన, కార్ల పైన వాలుతున్నాయి. ఈ దృశ్యాలు చూస్తుంటే ఏదో పెద్ద ఆపద రాబోతుందా అనే అనుమానం కలుగుతోంది.

సాధారణంగా పక్షుల ప్రవర్తనలో వచ్చే మార్పులను మన పురాణాలు కూడా చాలా కీలకంగా చెబుతాయి. ప్రాచీన కాలంలో రోమన్ సామ్రాజ్య మత పెద్దలు యుద్ధానికి వెళ్లే ముందు పక్షుల కదలికలను బట్టి రాజులకు సలహాలు ఇచ్చేవారు. ఒకవేళ ప్రకృతి అనుకూలంగా లేదని పక్షులు సంకేతాలిస్తే యుద్ధాన్ని వాయిదా వేసేవారు. లండన్ టవర్ విషయంలో కూడా అక్కడి కాకులు వెళ్లిపోతే బ్రిటిష్ సామ్రాజ్యం కూలిపోతుందని ఒక నమ్మకం ఉంది. అందుకే అక్కడ ఎప్పుడూ కొన్ని కాకులను బంధించి ఉంచుతారు. ఇప్పుడు ఇజ్రాయేల్ లో కనిపిస్తున్న ఈ బొంత కాకుల గుంపును చూసి కొందరు ఇది మూడవ ప్రపంచ యుద్ధానికి దారి తీస్తుందని లేదా ఏదైనా భయంకరమైన ప్రకృతి వైపరీత్యం రాబోతుందని ఆందోళన చెందుతున్నారు. మరికొందరు దీన్ని ఆ దేశ పతనానికి సూచనగా లేదా డూమ్స్ డే గా భావిస్తున్నారు.

అయితే దీని వెనుక శాస్త్రీయ కారణాలు కూడా ఉండవచ్చు. ఇజ్రాయేల్ భౌగోళికంగా యూరప్, ఆసియా మరియు ఆఫ్రికా ఖండాల మధ్య ఉంది. ఇది పక్షుల వలసలకు ఒక ప్రధాన మార్గంగా ఉంటుంది. కాబట్టి పక్షులు భారీగా రావడం అక్కడ సాధారణ విషయం అని శాస్త్రవేత్తలు చెబుతున్నారు. కానీ ప్రస్తుతం ఇరాన్ మరియు ఇజ్రాయేల్ మధ్య ఉన్న యుద్ధ పరిస్థితులు చూస్తుంటే జనం భయాందోళనలకు గురవుతున్నారు. ఇరాన్ లో పడుతున్న నల్లటి వర్షం మరియు యాసిడ్ వర్షాలు కూడా ఆ దేశ వినాశనాన్ని సూచిస్తున్నాయని చర్చ నడుస్తోంది. ఒకవేళ ఇజ్రాయేల్ మరియు ఇరాన్ మధ్య అణు యుద్ధం లాంటిది జరిగితే అది రెండు దేశాల వినాశనానికి దారితీస్తుంది. ఈ కాకుల ప్రవాహం నిజంగానే ఒక పెను ప్రమాదానికి సంకేతమా లేక కేవలం ప్రకృతిలో భాగమా అనేది కాలమే నిర్ణయించాలి. ఏది ఏమైనా ప్రకృతి ఇచ్చే సూచనలను మనం తేలికగా తీసుకోకూడదు.