TVK Vijay : తమిళ్ రాజకీయాలు.. విజయ్ కి V కలిసొస్తుందా?

TVK Vijay : తమిళనాడు రాజకీయాల్లో ఇప్పుడు ఎక్కడ చూసినా ‘దళపతి’ విజయ్ పోటీపైనే చర్చ జరుగుతోంది. తన కొత్త పార్టీ ‘తమిళగ వెట్రి కళగం’ (TVK)ను క్షేత్రస్థాయిలోకి తీసుకెళ్తున్న విజయ్, ఏ నియోజకవర్గం నుంచి బరిలోకి దిగుతారనే అంశంపై ఆసక్తికరమైన కథనాలు వెలువడుతున్నాయి. అదృష్టాన్ని తెచ్చిపెట్టే ‘వి’ అక్షరం? విజయ్ తన రాజకీయ ప్రస్థానంలో సెంటిమెంట్‌కు పెద్దపీట వేస్తున్నట్లు తెలుస్తోంది. జ్యోతిష్యుల సూచన మేరకు తన పేరులోని మొదటి అక్షరం ‘V’ (వి) తో మొదలయ్యే నియోజకవర్గాలనే ఆయన ఎంచుకుంటున్నట్లు సమాచారం.ఈ క్రమంలో చెన్నైలోని వేళచ్చేరి (Velachery), విరుగంబాక్కం (Virugambakkam) మరియు విల్లుపురం జిల్లాలోని విక్రవాండి (Vikravandi) పేర్లు ప్రముఖంగా వినిపిస్తున్నాయి. ఇప్పటికే తన పార్టీ మొదటి భారీ బహిరంగ సభను విక్రవాండిలోనే నిర్వహించి విజయవంతం చేయడం, ఈ సెంటిమెంట్‌కు మరింత బలాన్ని చేకూరుస్తోంది…

TVK Vijay : తమిళ్ రాజకీయాలు.. విజయ్ కి V కలిసొస్తుందా?

‘వి’ అక్షరంతో మొదలయ్యే చోటు నుంచే పోటీ చేస్తే గెలుపు నల్లేరుపై నడకేనని పార్టీ శ్రేణులు బలంగా నమ్ముతున్నాయి.రెండు చోట్ల పోటీ? వ్యూహాత్మక అడుగులు తాజా సమాచారం ప్రకారం విజయ్ కేవలం ఒకే నియోజకవర్గానికి పరిమితం కాకుండా, రెండు చోట్ల నుంచి పోటీ చేసే అవకాశం ఉందని రాజకీయ వర్గాల్లో చర్చ నడుస్తోంది. చెన్నైలోని విరుగంబాక్కంతో పాటు, దక్షిణ లేదా మధ్య తమిళనాడులోని తిరుచ్చి ఈస్ట్ (Trichy East) నుంచి కూడా ఆయన బరిలోకి దిగే ఛాన్స్ ఉందట. ఒకవేళ పొరపాటున ఒక చోట ఫలితం తారుమారైనా, మరో చోట విజయం సాధించి అసెంబ్లీలో అడుగుపెట్టాలనేది ఆయన వ్యూహంగా కనిపిస్తోంది. తన స్టార్ ఇమేజ్‌ను ఓట్లుగా మార్చుకునే క్రమంలో ఎక్కడా రిస్క్ తీసుకోకూడదని విజయ్ భావిస్తున్నట్లు తెలుస్తోంది.

తమిళ రాజకీయాల్లో హీట్ పెంచుతున్న టీవీకే విజయ్ పోటీపై జరుగుతున్న ఈ ప్రచారం అటు అధికార డీఎంకే, ఇటు అన్నాడీఎంకే వర్గాల్లో గుబులు రేపుతోంది. ముఖ్యంగా యువత మరియు మహిళా ఓటర్లు విజయ్ వైపు మొగ్గు చూపే అవకాశం ఉండటంతో, ప్రధాన పార్టీలు తమ వ్యూహాలకు పదును పెడుతున్నాయి. విజయ్ ఇప్పటికే తన పార్టీ గుర్తుగా ‘విజిల్’ Whistle ను ఖరారు చేసుకోవడం, ‘వి’ సెంటిమెంట్‌ను ఫాలో అవుతుండటం చూస్తుంటే.. ఆయన పక్కా ప్రణాళికతోనే ఎన్నికల బరిలోకి దిగుతున్నట్లు స్పష్టమవుతోంది. ఫిబ్రవరిలో జరగబోయే మున్సిపల్ ఎన్నికల ఫలితాల తర్వాత, అసెంబ్లీ పోటీపై విజయ్ నుంచి అధికారిక ప్రకటన వచ్చే అవకాశం ఉంది.