Viral News : శుభలగ్నం సినిమా రిపీట్.. రూ.1.5 కోట్లకు భర్తను అమ్మేసిన భార్య.. ఎక్క‌డో తెలుసా..?

Viral News : మధ్యప్రదేశ్ రాజధాని భోపాల్‌లో సంచలనానికి దారితీసిన ఓ కుటుంబ వ్యవహారం వెలుగులోకి వచ్చింది. 42 ఏళ్ల వ్యక్తి తన కార్యాలయంలో పనిచేసే 52 ఏళ్ల మహిళతో సన్నిహిత సంబంధం ఏర్పరచుకోవడం ఈ వివాదానికి మూలం. మొదట పరిచయంగా మొదలైన ఈ బంధం క్రమంగా వివాహేతర సంబంధంగా మారింది. దీంతో అతను తన భార్య, ఇద్దరు కుమార్తెలను పట్టించుకోవడం మానేశాడు. ఇంట్లో తరచూ వాగ్వాదాలు చోటుచేసుకోవడంతో పరిస్థితి మరింత ఉద్రిక్తంగా మారింది. తన కుటుంబాన్ని కాపాడుకోవాలనే ఉద్దేశంతో భార్య చివరకు ఫ్యామిలీ కోర్టును ఆశ్రయించింది. భర్త తన బాధ్యతలను విస్మరిస్తూ ప్రవర్తిస్తున్నాడని ఆమె కోర్టుకు ఫిర్యాదు చేసింది. కోర్టు ఇరువురిని పిలిపించి పలుమార్లు కౌన్సిలింగ్ నిర్వహించింది. కుటుంబం కుదుటపడాలని న్యాయస్థానం ప్రయత్నించినప్పటికీ భర్త మాత్రం భార్యతో కలిసి జీవించడానికి నిరాకరించాడు.

Viral News : శుభలగ్నం సినిమా రిపీట్.. రూ.1.5 కోట్లకు భర్తను అమ్మేసిన భార్య.. ఎక్క‌డో తెలుసా..?

Viral News : కోర్టు కౌన్సిలింగ్ విఫలం.. భార్య వినూత్న నిర్ణయం

కోర్టు సూచనలు, కుటుంబ పెద్దల చర్చలు ఏవీ ఫలితం ఇవ్వలేదు. భర్త స్పష్టంగా తాను ప్రియురాలితోనే ఉండాలని కోర్టు ముందు ప్రకటించాడు. ఈ పరిస్థితుల్లో భార్య ఒక అసాధారణ ప్రతిపాదనను ముందుకు తెచ్చింది. తన పిల్లల భవిష్యత్తు దృష్ట్యా భర్తను వదిలేయడానికి సిద్ధమని అయితే అందుకు తగిన పరిహారం ఇవ్వాలని డిమాండ్ చేసింది. ఆమె కోరిన షరతులు పెద్ద మొత్తంలోనే ఉన్నాయి. మొత్తం రూ.1.5 కోట్ల పరిహారంతో పాటు అదనంగా రూ.27 లక్షల నగదు అలాగే ప్రియురాలి పేరిట ఉన్న ఒక డూప్లెక్స్ ఇల్లు తమకు అప్పగించాలని షరతు పెట్టింది. ఈ డిమాండ్లు వినగానే చాలామంది ఆశ్చర్యపోయారు. అయితే అనూహ్యంగా ఆ ప్రియురాలు ఈ ప్రతిపాదనకు అంగీకరించింది. తనకు కావాల్సిన వ్యక్తిని సంపాదించుకునేందుకు ఆస్తులను ఇవ్వడానికి సిద్ధమైంది.

Viral News : కోర్టు సమక్షంలో ఒప్పందం.. కొత్త జీవితం వైపు అడుగులు

ఇరుపక్షాల అంగీకారంతో ఈ ఒప్పందం కోర్టు సమక్షంలో అధికారికంగా నమోదు చేయబడింది. భర్త పరిహారం చెల్లించేందుకు ఆస్తులను బదిలీ చేయేందుకు ఒప్పుకున్నాడు. దీంతో భార్య తన పిల్లలతో కలిసి కొత్త ఇంటికి మారింది. ఆర్థిక భద్రత కలిగిన తరువాత తన పిల్లల భవిష్యత్తుపై దృష్టి పెట్టాలని ఆమె నిర్ణయించుకుంది. మరోవైపు ఆ వ్యక్తి తన ప్రియురాలితో కలిసి జీవితం ప్రారంభించాడు. డబ్బు కోసం భర్తను ‘అమ్మేసిన’ ఘటన గతంలో సినిమాల్లో మాత్రమే కనిపించేది. కానీ ఈ సంఘటన నిజ జీవితంలో చోటుచేసుకోవడం దేశవ్యాప్తంగా చర్చనీయాంశమైంది. కుటుంబ విలువలు, నైతికత, ఆర్థిక భద్రత వంటి అంశాలపై విస్తృత చర్చకు దారితీసింది. సంబంధాల్లో నమ్మకం, బాధ్యతలు ఎంత ముఖ్యమో ఈ ఘటన మరోసారి గుర్తు చేసింది. వ్యక్తిగత నిర్ణయాలు ఎలాంటి సామాజిక కుటుంబ ప్రభావాలను కలిగిస్తాయో ఈ సంఘటన స్పష్టంగా చూపిస్తోంది.