Valentines Day : బ్రేకింగ్ న్యూస్‌.. వాలెంటైన్స్ డే ఎఫెక్ట్ .. దేశవ్యాప్తంగా హోటల్ బుకింగ్స్‌లో భారీ జోరు, టూరిస్ట్ స్పాట్స్ ఫుల్ బిజీ

Valentines Day : ఫిబ్రవరి 14 వాలెంటైన్స్ డేకు ముందుగానే దేశవ్యాప్తంగా హోటల్ బుకింగ్స్‌లో గణనీయమైన పెరుగుదల కనిపిస్తోంది. ప్రేమికుల దినోత్సవాన్ని ప్రత్యేకంగా సెలబ్రేట్ చేసేందుకు యువత ముందుగానే ప్లానింగ్ చేసుకోవడంతో టూరిజం రంగం ఒక్కసారిగా చురుకుదనాన్ని సంతరించుకుంది. ప్రముఖ హోటల్ బుకింగ్ యాప్ క్లియర్‌ట్రిప్ వెల్లడించిన గణాంకాల ప్రకారం, గత ఏడాదితో పోలిస్తే ఈసారి హోటల్ బుకింగ్స్ సుమారు 175 శాతం వరకు పెరిగినట్లు తెలుస్తోంది.

Valentines Day : వాలెంటైన్స్ డే ఎఫెక్ట్ .. దేశవ్యాప్తంగా హోటల్ బుకింగ్స్‌లో భారీ జోరు, టూరిస్ట్ స్పాట్స్ ఫుల్ బిజీ

Valentines Day : ఒక్కరోజు కాదు… 2–3 రోజుల సెలబ్రేషన్ ట్రెండ్

ఇటీవలి సంవత్సరాల్లో వాలెంటైన్స్ డేను కేవలం ఒక్కరోజు మాత్రమే కాకుండా, వీకెండ్ ట్రిప్స్ రూపంలో 2–3 రోజుల పాటు జరుపుకునే ట్రెండ్ పెరిగిందని నిపుణులు చెబుతున్నారు. ముఖ్యంగా యువ జంటలు చిన్న చిన్న వెకేషన్‌లను ప్లాన్ చేస్తూ ముందుగానే రిసార్ట్స్, హోటళ్లను బుక్ చేసుకుంటున్నారు. ఈ కారణంగానే ఫిబ్రవరి మొదటి వారం నుంచే బుకింగ్స్‌లో వేగం పెరిగినట్లు టూరిజం సంస్థలు చెబుతున్నాయి. ఈ సీజన్‌లో గోవా, గౌహతి, కొలంబో, జిమ్ కార్పెట్, ముక్తేశ్వర్ వంటి ప్రముఖ టూరిస్ట్ ప్రాంతాల్లో హోటల్ బుకింగ్స్ 60 నుంచి 80 శాతం వరకు పెరిగాయి. ప్రకృతి అందాలు, ప్రశాంత వాతావరణం, ప్రత్యేక రొమాంటిక్ ప్యాకేజీలు అందుబాటులో ఉండటం వల్ల ఈ ప్రాంతాలు జంటల ఫేవరెట్ డెస్టినేషన్లుగా మారాయి.

హోటళ్లతో పాటు లగ్జరీ రిసార్ట్స్‌లోనూ భారీ డిమాండ్ నెలకొంది. క్లియర్‌ట్రిప్ నివేదిక ప్రకారం రిసార్ట్స్ బుకింగ్స్‌లో 58 నుంచి 110 శాతం వరకు పెరుగుదల నమోదైంది. ప్రైవసీ, ప్రత్యేక డెకరేషన్స్, కపుల్ ప్యాకేజీలు అందించడం వల్ల రిసార్ట్స్ వైపు ఎక్కువమంది మొగ్గు చూపుతున్నారు. వాలెంటైన్స్ డే సీజన్ కారణంగా హోటల్, ట్రావెల్, ఫుడ్ అండ్ బేవరేజెస్ రంగాలకు గణనీయమైన ఆదాయం వచ్చే అవకాశముందని పరిశ్రమ వర్గాలు అంచనా వేస్తున్నాయి. ఆన్‌లైన్ బుకింగ్ యాప్స్‌లో ప్రత్యేక ఆఫర్లు, డిస్కౌంట్లు అందుబాటులో ఉండటం కూడా బుకింగ్స్ పెరగడానికి ప్రధాన కారణంగా మారింది.