Amla Juice | శీతాకాలంలో జలుబు, దగ్గు దరిచేరవు.. ఉదయాన్నే ఈ పానీయం తాగితే చాలు..!

Amla Juice | శీతాకాలం మొదలయ్యింది అంటే చల్లని గాలి, పొగమంచు, వేడి టీ — ఇవన్నీ మనసు హాయిగా అనిపించేస్తాయి. కానీ అదే సమయంలో జలుబు, దగ్గు, గొంతు నొప్పి, చర్మ సమస్యలు వంటి అనేక ఇబ్బందులు కూడా తెచ్చిపెడతాయి. అందుకే ఈ కాలంలో ఆరోగ్యం పట్ల ప్రత్యేక శ్రద్ధ తీసుకోవడం చాలా ముఖ్యం.

ఉదయాన్నే ఈ పానీయం తాగండి!

శీతాకాలంలో ఆరోగ్యంగా ఉండటానికి ఉదయం ఖాళీ కడుపుతో ఒక స్పెషల్ నేచురల్ డ్రింక్ తాగమని వైద్యులు సూచిస్తున్నారు — అదే ఉసిరి రసం (Amla Juice).

ఉసిరి రసానికి ఉన్న అద్భుత గుణాలు

ఉసిరి విటమిన్ ‘C’ లో సమృద్ధిగా ఉంటుంది. ఇది రోగనిరోధక శక్తిని పెంచడంలో సహాయపడుతుంది. శరీరంలో వైరస్, బ్యాక్టీరియా దాడిని తగ్గించి చలికి రక్షణగా నిలుస్తుంది. అలాగే ఉసిరి జీర్ణక్రియను మెరుగుపరుస్తుంది, రక్తాన్ని శుద్ధి చేస్తుంది.

ఇలా తయారు చేసుకోండి

ఒక మీడియం సైజు ఉసిరి తీసుకుని మిక్సీలో మెత్తగా గ్రైండ్ చేయండి.

వడకట్టి, ఒక గ్లాస్ గోరువెచ్చని నీటిలో కలపండి.

ఉదయం నిద్రలేవగానే ఖాళీ కడుపుతో తాగండి.

ఇష్టముంటే కొద్దిగా తేనె కూడా కలిపి తాగొచ్చు. ఇది రుచికరంగా ఉండటమే కాకుండా యాంటీబాక్టీరియల్‌ ప్రయోజనాలు కూడా ఇస్తుంది.

అదనపు ప్రయోజనాలు

ఉసిరి రసం చర్మ కాంతిని పెంచుతుంది.

జుట్టు రాలడం తగ్గిస్తుంది, బలంగా మారుస్తుంది.

చలికాలంలో కూడా శరీరానికి కావాల్సిన తాపాన్ని కాపాడుతుంది.