Ghee | నెయ్యితో జుట్టు సంరక్షణ .. జుట్టు రాలిపోవడాన్ని ఆపే అద్భుత చిట్కా!

Ghee | వాతావరణంలో మార్పులు చర్మం, జుట్టుపై తీవ్ర ప్రభావం చూపిస్తాయి. ముఖ్యంగా చలికాలంలో లేదా తడి వాతావరణంలో జుట్టు విపరీతంగా రాలిపోవడం సాధారణం. ఈ సమస్యకు అనేక మంది కెమికల్ ప్రోడక్ట్స్ వాడుతుంటారు. అయితే ఇంట్లోనే ఉన్న సాధారణ పదార్థం “నెయ్యి”తో జుట్టు సమస్యలను దూరం చేయవచ్చని నిపుణులు చెబుతున్నారు.

#image_title

నెయ్యి జుట్టుకి ఎలా ఉపయోగపడుతుంది?

నెయ్యిలో ఆరోగ్యకరమైన కొవ్వులు, విటమిన్ A, విటమిన్ E, మరియు యాంటీఆక్సిడెంట్లు పుష్కలంగా ఉంటాయి. ఇవి జుట్టు రూట్లకు పోషణ అందించి, డ్రై హెయిర్ సమస్యను తగ్గిస్తాయి.

తల చర్మంలో తేమను నిలుపుతూ చుండ్రు తగ్గిస్తుంది.

జుట్టు ముడతలు, పొడిబారడం తగ్గి మెరుపుగా మారుతుంది.

రెగ్యులర్‌గా నెయ్యితో మర్దనా చేయడం వలన జుట్టు రాలిపోవడం తగ్గుతుంది.

నెయ్యి హెయిర్ ప్యాక్ విధానం

ఒక చెంచా నెయ్యిని తీసుకుని కొంచెం వేడి చేయాలి.

దానిని తలకు, జుట్టు చివరల వరకు అప్లై చేసి మృదువుగా మర్దనా చేయాలి.

అరగంట నుంచి గంట సేపు ఉంచి తలస్నానం చేయాలి.

ఈ ప్యాక్ వాడటం వలన జుట్టు నల్లగా, మెత్తగా మారడమే కాకుండా చుండ్రు తగ్గి తల చర్మం ఆరోగ్యంగా ఉంటుంది.

నెయ్యి స్వచ్ఛత ఎలా తెలుసుకోవాలి?

మార్కెట్‌లో నకిలీ లేదా కల్తీ నెయ్యి ఎక్కువగా లభిస్తోంది. అందుకే స్వచ్ఛమైన నెయ్యిని గుర్తించడం చాలా ముఖ్యం.

ఫ్రిజ్ టెస్ట్: నెయ్యిని వేడి చేసి ఫ్రిజ్‌లో పెట్టాలి. రెండు పొరలుగా విడిపోయితే కల్తీగా ఉన్నట్టు.

హ్యాండ్ టెస్ట్: అరచేతిలో కొద్దిగా నెయ్యి తీసుకుని రుద్దాలి. వెంటనే కరిగితే అది స్వచ్ఛమైనది. గట్టి పదార్థం మిగిలితే కల్తీ ఉన్నట్టు.

షేక్ టెస్ట్: పారదర్శక సీసాలో నెయ్యి వేసి కొద్దిగా చక్కెర జోడించి షేక్ చేయాలి. సీసా అడుగున ఎర్రటి చారలు కనిపిస్తే అది కల్తీ నెయ్యి అని అర్థం.