Blower Electric Chulha : ఇటీవల సోషల్ మీడియాలో ఒక ఆసక్తికరమైన వీడియో తెగ వైరల్ అవుతోంది. మొదట చూసినవారికి అది సాధారణ ఎల్పీజీ గ్యాస్ స్టవ్లానే కనిపిస్తుంది. నాబ్ తిప్పగానే నీలి రంగు మంటలు వెలువడుతాయి. చూసినవారు ఇది గ్యాస్ స్టవ్ అనుకోవడం సహజం. అయితే ఇందులో అసలు ట్విస్ట్ ఏంటంటే… దీనికి గ్యాస్ సిలిండర్ అవసరం ఉండదు. ఎలాంటి గ్యాస్ కనెక్షన్ లేకుండానే ఇది పనిచేస్తుంది. కేవలం ఎలక్ట్రిక్ ప్లగ్కు కనెక్ట్ చేస్తే చాలు మంటలు వస్తాయని వీడియోల్లో చూపిస్తున్నారు. ఈ కొత్త పరికరాన్ని “ఎలక్ట్రిక్ బ్లోయర్ చుల్హా” లేదా “జామీ ఎలక్ట్రిక్ స్టవ్” అని పిలుస్తున్నారు. గ్యాస్ ధరలు రోజురోజుకూ పెరుగుతున్న పరిస్థితుల్లో ఇది మధ్యతరగతి కుటుంబాలకు మంచి ప్రత్యామ్నాయంగా మారొచ్చని సోషల్ మీడియాలో ప్రచారం జరుగుతోంది. కొందరు దీన్ని భవిష్యత్తు వంటగది టెక్నాలజీగా కూడా పేర్కొంటున్నారు.
Blower Electric Chulha : వామ్మో అచ్చం మనం వాడే గ్యాస్ స్టవ్లా ఉన్న ఎలక్ట్రిక్ స్టవ్ .. ధర కూడా చాలా తక్కువ..!
చాలామంది ఈ పరికరాన్ని ఇండక్షన్ స్టవ్లాగే అనుకుంటున్నారు. కానీ వాస్తవానికి ఇది పూర్తిగా వేరే విధంగా పనిచేస్తుంది. ఈ స్టవ్ లోపల ఒక శక్తివంతమైన హీటింగ్ కాయిల్ అమర్చబడుతుంది. మనం స్విచ్ ఆన్ చేయగానే ఆ కాయిల్ వేడెక్కి ఎర్రగా మారుతుంది. అదే సమయంలో ఇందులో అమర్చిన చిన్న బ్లోయర్ ఫ్యాన్ ఆ వేడిని పైభాగం వైపు నెడుతుంది. ఈ వేడి గాలి ప్రవాహం బయటకు వస్తున్నప్పుడు మనకు నీలి రంగు మంటలాగా కనిపిస్తుంది. చూడటానికి ఇది గ్యాస్ మంటలా కనిపించినా, ఇందులో గ్యాస్ దహనం జరగదు. అందువల్ల పొగలు లేదా హానికరమైన వాయువులు విడుదల కావు. ఈ విధంగా విద్యుత్ ఆధారంగా పనిచేసే ఈ స్టవ్ సాధారణ గ్యాస్ స్టవ్ అనుభూతిని ఇవ్వగలదని ప్రచారం చేస్తున్నారు. అందుకే సోషల్ మీడియాలో ఈ పరికరం గురించి పెద్దఎత్తున చర్చ జరుగుతోంది.
సాధారణంగా ఇండక్షన్ స్టవ్లపై ప్రత్యేకమైన గిన్నెలే వాడాల్సి ఉంటుంది. కానీ ఈ ఎలక్ట్రిక్ బ్లోయర్ స్టవ్పై మాత్రం గ్యాస్ స్టవ్లపై వాడే గిన్నెలన్నీ వాడుకోవచ్చని చెప్పుతున్నారు. చపాతీలు కాల్చడం, ఫ్రైలు చేయడం, కూరలు వండడం వంటి పనులు కూడా సులభంగా చేయవచ్చని వీడియోల్లో చూపిస్తున్నారు. మరో ముఖ్యమైన విషయం ఏమిటంటే గ్యాస్ సిలిండర్ అయిపోతుందన్న భయం ఉండదు. గ్యాస్ లీకేజీ ప్రమాదం కూడా ఉండదని అంటున్నారు. అలాగే వంటగది కూడా శుభ్రంగా ఉంటుంది. ముఖ్యంగా బ్యాచిలర్స్, హాస్టల్లో ఉండే వారు లేదా చిన్న కుటుంబాలకు ఇది ఒక మంచి ప్రత్యామ్నాయం కావొచ్చని కొందరు అభిప్రాయం వ్యక్తం చేస్తున్నారు. ప్రస్తుతం ఈ స్టవ్లు ఎక్కువగా సోషల్ మీడియా వీడియోల్లో ముఖ్యంగా ఇన్స్టాగ్రామ్ రీల్స్లో కనిపిస్తున్నాయి. అలాగే కొన్ని లోకల్ గ్యాడ్జెట్ షాపుల్లో కూడా లభిస్తున్నాయని సమాచారం. వీటి ధర సుమారు రూ.3,000 నుంచి ప్రారంభమై క్వాలిటీని బట్టి రూ.15,000 వరకు ఉండొచ్చని తెలుస్తోంది.
అయితే ఈ స్టవ్ల విషయంలో వినియోగదారులు అప్రమత్తంగా ఉండాల్సిన అవసరం ఉంది. సోషల్ మీడియాలో వైరల్ అవుతున్న వీడియోలు అన్ని నిజం కావాల్సిన అవసరం లేదు. కొందరు ఫేక్ లింక్స్ ఇచ్చి వినియోగదారులను మోసం చేసే అవకాశమూ ఉంది. అందువల్ల ఎక్కడైనా లింక్ చూసి వెంటనే డబ్బులు చెల్లించడం మంచిది కాదు. ముందుగా ప్రొడక్ట్ వివరాలు తెలుసుకోవాలి. కనీసం ఆరు నెలల వారంటీ ఉందా లేదా అన్నది కూడా చెక్ చేయాలి. వీలైతే ప్రత్యక్షంగా షాప్లో చూసి కొనడం మంచిదని నిపుణులు సూచిస్తున్నారు. సోషల్ మీడియాలో ట్రెండింగ్లో ఉన్న ఈ ఎలక్ట్రిక్ బ్లోయర్ చుల్హా భవిష్యత్తులో ఎంతవరకు ప్రజాదరణ పొందుతుందో చూడాలి. అయితే కొత్త టెక్నాలజీ వస్తున్నప్పుడు వినియోగదారులు జాగ్రత్తగా వ్యవహరించడం చాలా ముఖ్యం.
Railway Jobs : దేశవ్యాప్తంగా నిరుద్యోగ యువతకు మరో మంచి అవకాశం వచ్చింది. దక్షిణ మధ్య రైల్వే ప్రధాన కార్యాలయం…
Ration Cards : దేశవ్యాప్తంగా రేషన్ కార్డు ఉన్న ప్రజలకు కేంద్ర ప్రభుత్వం శుభవార్త అందించింది. రేషన్ సేవలను మరింత…
Revanth Reddy : తెలంగాణ రాజకీయాల్లో ఇప్పుడు కేటీఆర్ చుట్టూ జరుగుతున్న పరిణామాలు పెద్ద చర్చకు దారితీస్తున్నాయి. ముఖ్యంగా ఫిరాయింపు ఎమ్మెల్యేల…
Gold and Silver Price 14 March 2026 : బంగారం కొనుగోలు చేయాలని ఎదురుచూస్తున్న వారికి, పసిడి ప్రియులకు…
Karthika Deepam 2 March 14th 2026 Today Episode : స్టార్ మా ఛానెల్లో ప్రసారమవుతున్న 'కార్తీక దీపం…
Healthy Drinks : వేసవి ఎండలు రోజురోజుకూ తీవ్రతరం అవుతున్నాయి. ఈ సమయంలో శరీరానికి చల్లదనం ఇచ్చే పానీయాల కోసం…
Black Coffee Benefits : ప్రపంచవ్యాప్తంగా ఎంతో మంది తమ రోజును ఒక కప్పు కాఫీతో ప్రారంభిస్తారు. ముఖ్యంగా పాలు,…
kondigari Ramulu : ఈ రోజుల్లో రాజకీయాల్లో ఒక్కసారి ప్రజాప్రతినిధిగా గెలిచినా చాలామంది నాయకులు ఆస్తులు, ఐశ్వర్యాలు కూడబెట్టుకునే ప్రయత్నం…
Nakirekal : నకిరేకల్ పట్టణంలో దివ్యాంగుల సంక్షేమాన్ని దృష్టిలో పెట్టుకుని ప్రభుత్వం మంజూరు చేసిన ప్రత్యేక స్కూటీలను గౌరవ ఎమ్మెల్యే…
Vijay Jason vs Vijay : తమిళ సూపర్ స్టార్ విజయ్ వ్యక్తిగత జీవితం ఇప్పుడు ఒక పెద్ద మలుపు…
Hyderabad : భాగ్యనగరం అంటేనే రకరకాల రుచులకు మరియు విందు వినోదాలకు పెట్టింది పేరు. దేశ విదేశాల నుండి పర్యాటకులు…
YS Jagan good news : ఆంధ్రప్రదేశ్ రాజకీయాల్లో ప్రస్తుతం గెలుపోటముల సమీకరణాలు వేగంగా మారుతున్నాయి. గత ఎన్నికల్లో ఆశించిన…
This website uses cookies.
