Bethlehem Kudumba Unit Movie First Review : బెత్లెహాం కుడుంబ యూనిట్ మూవీ ఫస్ట్ రివ్యూ..!

Bethlehem Kudumba Unit Movie First Review : మలయాళ స్టార్ హీరో నివీన్ పౌలీ, యువ గ్లామర్ హీరోయిన్ మమితా బైజు జంటగా నటించిన లవ్, రొమాన్స్, కామెడీ ఎంటర్‌టైనర్ ‘బెత్లెహాం కుడుంబ యూనిట్’. వినయ్ ఫోర్ట్, సంగీత్ ప్రతాప్, సురేష్ కృష్ణ, బిందు పనికర్, శ్రీంద తదితరులు ఇందులో ముఖ్య పాత్రల్లో కనిపించనున్నారు. ‘ప్రేమలు’ ఫేమ్ ఏడీ గిరీష్ ఈ చిత్రానికి దర్శకత్వం వహించారు. స్టార్ హీరో ఫహద్ ఫాజిల్, దిలీష్ పోతన్, శ్యామ్ పుష్కరన్‌తో పాటు భవన్ స్టూడియోస్ ఈ సినిమాను నిర్మించారు. సినిమా టెక్నికల్ టీమ్ విషయానికి వస్తే.. స్క్రీన్‌ప్లే బాధ్యతలను కిరణ్ జోసేయ్, సంగీతాన్ని విష్ణు విజయ్, సినిమాటోగ్రఫీని అజ్మల్ సాబు, ఎడిటింగ్‌ను ఆకాశ్ జోసెఫ్ వర్గీస్, ప్రొడక్షన్ డిజైన్‌ను ఆషిక్ ఎస్, కాస్ట్యూమ్ డిజైన్‌ను ధన్య బాలకృష్ణన్, యాక్షన్ విభాగాన్ని సందోష్ నిర్వహించారు. ఈ సినిమా ఆగస్టు 21న గ్రాండ్‌గా థియేటర్లలోకి రానుంది. ఇప్పటికే సెంట్రల్ బోర్డ్ ఆఫ్ ఫిలిం సర్టిఫికేషన్ (CBFC) సినిమాను పరిశీలించింది. దీంతో మూవీకి ఎలాంటి సెన్సార్ సర్టిఫికెట్ వచ్చింది? రన్‌టైమ్ ఎంత? అనే వివరాలపై ఆసక్తి నెలకొంది.

Bethlehem Kudumba Unit Movie First Review బెత్లెహాం కుడుంబ యూనిట్ కథ ఏంటి?

విదేశాల్లో ఉంటున్న ఆష్లే (మమితా బైజు) తన స్నేహితురాలి పెళ్లి కోసం కేరళలోని సొంత ఊరికి తిరిగి వస్తుంది. పెళ్లి సందడి, వేడుకల్లో సరదాగా గడుపుతున్న సమయంలో ఆమెకు తన తొలి ప్రేమ, ప్రియుడు జస్టిన్ (నివీన్ పౌలీ)తో గడిపిన రోజులు, అప్పటి అనుభవాలు ఒక్కొక్కటిగా గుర్తుకొస్తాయి. జస్టిన్, ఆష్లేల మధ్య ఉన్న వయసు వ్యత్యాసం, వీరిద్దరి ప్రేమ గురించి అప్పట్లో గ్రామంలో జరిగిన గాసిప్స్‌ కూడా ఆమె జ్ఞాపకాల్లోకి వస్తాయి. అసలు ఆష్లే, జస్టిన్‌ల తొలి ప్రేమ ఎందుకు బ్రేక్ అయింది? విడిపోయిన తర్వాత మళ్లీ వీరిద్దరూ కలుసుకుంటారా? స్నేహితురాలి పెళ్లి కార్యక్రమం ఆష్లే జీవితంలో ఎలాంటి మార్పును తీసుకొస్తుంది? అనే ప్రశ్నలకు సమాధానమే ఈ సినిమా కథ. రొమాన్స్, కామెడీ, ఫ్యామిలీ డ్రామా అంశాలను కలగలిపి ఈ చిత్రాన్ని వినోదాత్మకంగా తెరకెక్కించినట్లు తెలుస్తోంది. ముఖ్యంగా మలయాళ పెళ్లి సంప్రదాయాలు, ప్రేమ, బ్రేకప్ వంటి అంశాలను సరదాగా చూపిస్తూనే.. కథలో భావోద్వేగాలకు కూడా ప్రాధాన్యం ఇచ్చారు.సెన్సార్ బోర్డు ప్రతినిధులు సినిమాను వీక్షించిన సమయంలో ఫన్, ఎమోషన్స్‌తో కూడిన కథ, సన్నివేశాలు పెద్దగా అభ్యంతరాలకు తావివ్వలేదని సమాచారం. కొన్ని స్వల్ప మార్పులతో సెన్సార్ ప్రక్రియను పూర్తి చేశారు. ఫ్యామిలీ డ్రామా నేపథ్యంలో సాగడంతో సినిమాకు విడుదలకు గ్రీన్ సిగ్నల్ లభించింది.

UA13+ సర్టిఫికెట్.. 157 నిమిషాల రన్‌టైమ్

సెన్సార్ సర్టిఫికెట్ విషయానికి వస్తే.. ‘బెత్లెహాం కుడుంబ యూనిట్’కు UA13+ సర్టిఫికెట్ జారీ చేశారు. ఇందులో వివాదాస్పద అంశాలు లేకపోవడం, అసభ్యత లేదా అశ్లీల కంటెంట్‌కు పెద్దగా చోటు లేకపోవడంతో సినిమాను ఫీల్‌గుడ్ రొమాంటిక్ ఎంటర్‌టైనర్‌గా పరిగణించినట్లు తెలుస్తోంది. UA13+ సర్టిఫికెట్ ప్రకారం 13 ఏళ్లు నిండిన వారు సినిమాను వీక్షించవచ్చు. అంతకంటే తక్కువ వయసున్న పిల్లలు తల్లిదండ్రుల మార్గదర్శకత్వంలో సినిమా చూడాల్సి ఉంటుందని సెన్సార్ సర్టిఫికెట్‌లో పేర్కొన్నారు. ఇక సినిమా నిడివి కూడా మరీ ఎక్కువగా లేకుండా పరిమితంగానే ఉంది. 2 గంటల 37 నిమిషాలు, అంటే మొత్తం 157 నిమిషాల రన్‌టైమ్తో ఈ మూవీని ఫిక్స్ చేశారు.

సినిమా కథను మ్యూజిక్ అంటే ఇష్టపడే ఇద్దరు వ్యక్తుల ప్రేమకథగా మలిచారు. జస్టిన్ ఆడియో క్యాసెట్లను MP3లుగా మార్చి ఇంటర్నెట్‌లో అప్‌లోడ్ చేస్తూ డబ్బు సంపాదించే వయసు పైబడిన యువకుడిగా సరదాగా జీవితాన్ని కొనసాగిస్తుంటాడు. మరోవైపు గిటార్ ప్లే చేసే కాలేజీ విద్యార్థిగా ఆష్లే పాత్రలో మమితా బైజు కనిపిస్తారు. నివీన్ పౌలీ, మమితా బైజు మధ్య రొమాంటిక్ కెమిస్ట్రీ సినిమాకు ప్రత్యేక ఆకర్షణగా నిలిచే అవకాశముంది. ‘ప్రేమలు’ తరహాలోనే రొమాన్స్, కామెడీకి ఎక్కువ ప్రాధాన్యం ఇచ్చినట్లు సమాచారం. పెద్దగా మెదడుకు పని చెప్పకుండా రెండున్నర గంటలకు పైగా ఫన్, కామెడీతో రిలాక్స్ అయ్యేలా సినిమా ఉంటుందని టాక్ వినిపిస్తోంది. అదే సమయంలో కథలోని భావోద్వేగాలు కూడా ప్రేక్షకులను టచ్ చేసేలా ఉన్నాయని సెన్సార్ అనంతరం చర్చ జరుగుతోంది. మొత్తంగా చూస్తే.. రొమాన్స్, కామెడీ, ఫ్యామిలీ ఎమోషన్స్ కలగలిసిన మలయాళ ఎంటర్‌టైనర్‌గా ‘బెత్లెహాం కుడుంబ యూనిట్’ ప్రేక్షకుల ముందుకు రాబోతోంది. సినిమా విడుదల తర్వాత పూర్తి రివ్యూ, బాక్సాఫీస్ కలెక్షన్స్, ప్రేక్షకుల స్పందనతో అసలు ఫలితం ఎలా ఉందో మరింత స్పష్టమవుతుంది. బెత్లెహాం కుడుంబ యూనిట్ మూవీ రివ్యూ, నివీన్ పౌలీ, మమితా బైజు, బెత్లెహాం కుడుంబ యూనిట్ రివ్యూ, మలయాళ మూవీ రివ్యూ, బెత్లెహాం కుడుంబ యూనిట్ మూవీ Bethlehem Kudumba Unit Movie Review, Nivin Pauly Movie, Mamitha Baiju Movie, Bethlehem Kudumba Review