Virat Kohli : మ‌రో చ‌రిత్ర సృష్టించిన విరాట్ కోహ్లీ..!

Virat Kohli : క్రికెట్ ప్రపంచంలో రికార్డుల గురించి చర్చ జరిగినప్పుడల్లా, విరాట్ కోహ్లీ పేరు ఎప్పుడూ మొద‌టి స్థానంలో ఉంటుంది. చిన్నస్వామి స్టేడియం లో గుజరాత్ తో జ‌రిగిన మ్యాచ్‌ ఒక చారిత్రాత్మక ఘనతకు సాధించాడు. RCB , GT మధ్య జరిగిన ఉత్కంఠభరితమైన మ్యాచ్‌లో, 37 ఏళ్ల ‘కింగ్ కోహ్లీ’ ప్రపంచ క్రికెట్‌లో మరే ఇతర బ్యాట్స్‌మెన్ సాధించని ఘనతను సాధించాడు. ఒకే దేశంలో 10,000 టీ20 పరుగులు సాధించిన తొలి క్రికెటర్‌గా కోహ్లీ నిలిచాడు.

Virat Kohli : మ‌రో చ‌రిత్ర సృష్టించిన విరాట్ కోహ్లీ..!

భారత గడ్డపై ఎన్నో పరుగులు సాధించిన కోహ్లీ, ఈ అద్భుతమైన సంఖ్యను అందుకొని మరోసారి తన ఆధిపత్యాన్ని నిరూపించుకున్నాడు. గుజరాత్ టైటాన్స్ నిర్దేశించిన 206 పరుగుల భారీ లక్ష్యాన్ని ఛేదించే క్రమంలో, RCB పటిష్టమైన ఆరంభాన్ని అందుకుంది. మ్యాచ్ ఆరంభం నుంచే కోహ్లీ అద్భుతమైన ఫామ్‌లో ఉన్నాడు. ఇన్నింగ్స్‌లోని ఎనిమిదో ఓవర్‌లోని రెండో బంతికి, ప్రపంచ ప్రఖ్యాత స్పిన్నర్ రషీద్ ఖాన్‌పై అతను ఒక భారీ సిక్సర్ బాదాడు.

ఈ సిక్సర్‌తో, కోహ్లీ ఐపీఎల్ చరిత్రలో తన 300వ సిక్సర్‌ను కూడా పూర్తి చేశాడు. అంతేకాకుండా, ఐపీఎల్ చరిత్రలో ఒకే జట్టు (RCB ) తరఫున 300 సిక్సర్లు కొట్టిన తొలి బ్యాట్స్‌మన్‌గా కోహ్లీ నిలిచాడు.