Hyundai EV Sector : సూప‌ర్ గుడ్‌న్యూస్‌.. ఛార్జింగ్ తో పనిలేకుండా నడిచే వాహనాన్ని తీసుకరాబోతున్న హ్యుందాయ్..!

Hyundai EV Sector : ఎలక్ట్రిక్ వాహనాల (EV) ప్రపంచంలో ఛార్జింగ్ సమస్యలకు చరమగీతం పాడుతూ హ్యుందాయ్ మోటార్ గ్రూప్ ఒక విప్లవాత్మక సాంకేతికతను తెరపైకి తెచ్చింది. లాస్ వెగాస్‌లో జరిగిన CES 2026 వేదికగా “ఇంజెక్షన్ మోల్డెడ్ వెహికల్ సోలార్ మాడ్యూల్”ను ప్రదర్శించి ఆటోమొబైల్ రంగాన్ని ఆశ్చర్యపరిచింది. సాంప్రదాయ ప్యానెల్స్‌కు భిన్నంగా పాలీమర్ మ్యాజిక్ ఇప్పటివరకు మనం చూసిన సోలార్ కార్లలో బరువైన, ఫ్లాట్‌గా ఉండే గ్లాస్ సోలార్ ప్యానెల్స్‌ను ఉపయోగించేవారు.

Hyundai EV Sector : సూప‌ర్ గుడ్‌న్యూస్‌.. ఛార్జింగ్ తో పనిలేకుండా నడిచే వాహనాన్ని తీసుకరాబోతున్న హ్యుందాయ్..!

Hyundai EV Sector సోలార్ పవర్ తో కారు.. అది కూడా హ్యుందాయ్ కంపెనీ నుండి వావ్

ఇవి కారు బరువును పెంచడమే కాకుండా, కారు ఆకృతిని (Design) దెబ్బతీసేవి. అయితే హ్యుందాయ్ అనుబంధ స్టార్టప్ ‘సోలార్‌స్టిక్’ అభివృద్ధి చేసిన ఈ కొత్త టెక్నాలజీలో తేలికపాటి పాలీమర్ పదార్థాన్ని ఉపయోగిస్తున్నారు. వీటిని ‘ఇంజెక్షన్ మోల్డింగ్’ ప్రక్రియ ద్వారా కారు హుడ్, రూఫ్ మరియు ఇతర వంపులున్న భాగాలకు సరిగ్గా అతికిపోయేలా తయారు చేస్తారు. అంటే, సోలార్ ప్యానెల్స్ కారు బాడీలో ఒక భాగంలా కలిసిపోయి, కారు అందాన్ని ఏమాత్రం తగ్గించకుండానే నిరంతరం విద్యుత్‌ను ఉత్పత్తి చేస్తాయి.

ప్రయాణంలోనే ఛార్జింగ్ ఈ సోలార్ మాడ్యూల్స్ సుమారు 500 వాట్ల విద్యుత్‌ను ఉత్పత్తి చేసే సామర్థ్యాన్ని కలిగి ఉంటాయి. దీనివల్ల కారు నిలిపి ఉంచినప్పుడే కాకుండా, రోడ్డుపై ప్రయాణిస్తున్నప్పుడు కూడా బ్యాటరీ నిరంతరం రీఛార్జ్ అవుతూనే ఉంటుంది. ఉదాహరణకు హ్యుందాయ్ IONIQ 5 వంటి కార్లలో ఈ ప్యానెల్స్ అమర్చడం ద్వారా రోజుకు అదనంగా 80 కిలోమీటర్ల రేంజ్‌ను పొందవచ్చు. లాంగ్ టూర్లలో బ్యాటరీని దాదాపు 30 శాతం వరకు ఇది రీఛార్జ్ చేయగలదు. దీనివల్ల ప్రతి చిన్న ప్రయాణానికి ఛార్జింగ్ స్టేషన్ల వద్ద గంటల తరబడి వేచి ఉండాల్సిన అవసరం తప్పుతుంది, ముఖ్యంగా తక్కువ దూరం ప్రయాణించే వారికి ఛార్జింగ్ అవసరమే ఉండకపోవచ్చు.

Hyundai EV Sector హ్యుందాయ్ నుండి సోలార్ పవర్ తో నడిచే కారు రాబోతుంది

ఈ టెక్నాలజీ కేవలం సాంకేతికత పరంగానే కాకుండా ఆర్థికంగా కూడా ఆకర్షణీయంగా ఉంది. గ్లాస్ ప్యానెల్స్‌తో పోలిస్తే పాలీమర్ ప్యానెల్స్ తయారీ ఖర్చు తక్కువ. ఈ ఏడాది చివరి నుంచే ఈ టెక్నాలజీని వాణిజ్యపరంగా అందుబాటులోకి తెచ్చేందుకు హ్యుందాయ్ ప్రయత్నిస్తోంది. ఇప్పటికే BMW, హోండా, నిస్సాన్ వంటి దిగ్గజ సంస్థలు ఈ టెక్నాలజీపై ఆసక్తి కనబరుస్తుండటం విశేషం. 2027 నాటికి ఈ సోలార్ కార్లు మార్కెట్లో విరివిగా లభించే అవకాశం ఉంది. ఈ ఆవిష్కరణకు గుర్తింపుగా CES 2026లో ‘ఇన్నోవేషన్ అవార్డు’ లభించింది. ఇది భవిష్యత్తులో శిలాజ ఇంధనాలపై ఆధారపడటాన్ని తగ్గించి, స్వచ్ఛమైన ఇంధన విప్లవానికి బాటలు వేయనుంది.