iPhone 17e Review: అదిరిపోయే ఫీచర్లు, తక్కువ ధర? ఫిబ్రవరి 19న ఐఫోన్ 17ఈ లాంచ్.. పూర్తి వివరాలు ఇవే
iPhone 17e Review: యాపిల్ నుంచి రాబోతున్న కొత్త ఫోన్ గురించి టెక్ వర్గాల్లో ఆసక్తికరమైన చర్చ నడుస్తోంది. అదే ‘ఐఫోన్ 17e’ iPhone 17e. తాజాగా లీక్ అయిన సమాచారం ప్రకారం, ఈ ఫోన్ ఫిబ్రవరి 19, 2026న లాంచ్ కానుందని తెలుస్తోంది. దీని ధర సుమారు 599 డాలర్లు (భారతీయ కరెన్సీలో దాదాపు రూ. 50,000 పైమాటే) ఉండొచ్చని అంచనా. మధ్యతరగతి మార్కెట్ను టార్గెట్ చేస్తూ యాపిల్ ఈ ఫోన్ను తీసుకురాబోతోంది. మరీ ప్రీమియం కాకుండా, అలాగని మరీ తక్కువ కాకుండా.. మధ్యస్థంగా ఉండేలా దీనిని డిజైన్ చేసినట్లు తెలుస్తోంది. మరి ఈ ఫోన్ ఫీచర్లు ఎలా ఉన్నాయో ఇప్పుడు చూద్దాం.
iPhone 17e Review: అదిరిపోయే ఫీచర్లు, తక్కువ ధర? ఫిబ్రవరి 19న ఐఫోన్ 17ఈ లాంచ్.. పూర్తి వివరాలు ఇవే
iPhone 17e Review: లీకైన ముఖ్యమైన ఫీచర్లు Key Specifications
డిస్ప్లే – చూడటానికి ప్రీమియం, కానీ… ఐఫోన్ 17eలో 6.1-అంగుళాల డిస్ప్లేతో పాటు ‘డైనమిక్ ఐలాండ్’ Dynamic Island ఫీచర్ ఉండటం విశేషం. ఇది ఫోన్కు మోడ్రన్ లుక్ని ఇస్తుంది. అయితే, ఇందులో కేవలం 60Hz రిఫ్రెష్ రేట్ మాత్రమే ఉండటం నిరాశపరిచే విషయం. 2026లో కూడా 60Hz స్క్రీన్ అంటే, 4K యుగంలో పాత టీవీ చూస్తున్నట్లే ఉంటుందని టెక్ నిపుణులు అభిప్రాయపడుతున్నారు. ఆండ్రాయిడ్ ఫోన్లలో తక్కువ ధరకే 120Hz స్క్రీన్లు లభిస్తున్నప్పుడు, యాపిల్ ఈ విషయంలో వెనుకబడి ఉందనే చెప్పాలి.
పనితీరు – పవర్ ఫుల్, కానీ కొత్తేమీ కాదు
ఈ ఫోన్లో A19 చిప్ను ఉపయోగించనున్నారు. ఇది ప్రో వెర్షన్ కాదు, సాధారణ A19 చిప్ మాత్రమే. యాపిల్ చిప్లు సాధారణంగానే చాలా వేగంగా ఉంటాయి కాబట్టి, పనితీరు విషయంలో ఢోకా ఉండకపోవచ్చు. కానీ, పాత ఫార్ములానే యాపిల్ మళ్లీ వాడుతున్నట్లు అనిపిస్తోంది.
కెమెరా – ఒక్కటే కానీ, పవర్ ఫుల్
ఐఫోన్ 17eలో వెనుక వైపు కేవలం ఒకే ఒక 48MP ఫ్యూజన్ కెమెరా ఉండనుంది. ఇందులో అల్ట్రా-వైడ్ లేదా టెలిఫోటో లెన్స్లు ఉండవు. ఐఫోన్ 16తో పోలిస్తే ఇది కాస్త తక్కువనే చెప్పాలి. అయితే, యాపిల్ తన సాఫ్ట్వేర్ మ్యాజిక్తో Fusion ఫోటోల క్వాలిటీని పెంచే అవకాశం ఉంది.
యాపిల్ సొంత మోడెమ్ Apple C1X Modem
ఈ ఫోన్లో యాపిల్ తొలిసారిగా తన సొంత ‘C1X మోడెమ్’ను ప్రయోగిస్తోంది. ఇప్పటివరకు క్వాల్కామ్ Qualcomm మోడెమ్స్పై ఆధారపడిన యాపిల్, ఇప్పుడు సొంత కాళ్లపై నిలబడే ప్రయత్నం చేస్తోంది. ఇది సక్సెస్ అయితే యాపిల్కు పెద్ద విజయమే. ఒకవేళ సిగ్నల్ సమస్యలు వస్తే మాత్రం ఇబ్బందే.
డిజైన్, కలర్స్
ఈ ఫోన్ బ్లాక్, వైట్, పర్పుల్ రంగుల్లో లభించే అవకాశం ఉంది. మాగ్ సేఫ్ MagSafe వైర్లెస్ ఛార్జింగ్కు సపోర్ట్ చేస్తుంది. డిజైన్ పరంగా సింపుల్ అండ్ క్లీన్గా ఉండనుంది.
ఫిబ్రవరి 19న లాంచ్ కాబోయే ఈ ఐఫోన్ 17e, సాధారణ వినియోగదారులకు సరిపోతుంది కానీ, టెక్ ప్రియులను నిరాశపరిచే అవకాశం ఉంది. 60Hz డిస్ప్లే, సింగిల్ కెమెరా వంటివి దీనికి మైనస్ పాయింట్లుగా మారొచ్చు. అయితే, యాపిల్ బ్రాండ్, iOS ఎకోసిస్టమ్ ఇష్టపడేవారికి ఇది మంచి ఆప్షన్ కావొచ్చు.
(గమనిక: ఈ సమాచారం సోషల్ మీడియాలో వైరల్ అవుతున్న పోస్టుల ఆధారంగా ఇవ్వబడింది. యాపిల్ అధికారిక ప్రకటన తర్వాతే పూర్తి వివరాలు తెలుస్తాయి.)