CM Revanth Reddy : ఏపీ సీఎం చంద్రబాబుకు సీఎం రేవంత్ రెడ్డి కృత‌జ్ఞ‌త‌లు

CM Revanth Reddy : తిరుమల ఆలయంలో Tirumala Tirupati దర్శనం కోసం తెలంగాణ ప్రజాప్రతినిధుల సిఫార్సు లేఖలను ఆమోదించిన ఆంధ్రప్రదేశ్ ముఖ్యమంత్రి చంద్రబాబు నాయుడు, AP CM Chandrababu  తిరుమల తిరుపతి దేవస్థానం (టిటిడి)కి TTD  తెలంగాణ Telangana CM Revanth reddy ముఖ్యమంత్రి రేవంత్ రెడ్డి కృతజ్ఞతలు తెలిపారు. కలియుగ దైవంగా భావించే శ్రీవేంకటేశ్వర స్వామి దర్శనానికి ఏర్పాట్లు చేసినందుకు సీఎం చంద్రబాబుకు కృతజ్ఞతలు తెలుపుతూ తెలంగాణ ముఖ్యమంత్రి కార్యాలయం (CMO) ఈ విషయాన్ని ట్వీట్ ద్వారా తెలియజేసింది.

తెలంగాణ ప్రజాప్రతినిధుల సిఫార్సు లేఖలను టీటీడీ ఆమోదించాలని కోరుతూ రేవంత్ రెడ్డి ఇటీవల చంద్రబాబుకు లేఖ రాశారు. ఈ వినతిపై స్పందించిన చంద్రబాబు, టీటీడీ చైర్మన్ బి.ఆర్. నాయుడు, ఈ అంశంపై చర్చించి కీలక నిర్ణయం తీసుకున్నారు. సోమ‌వారం తెలంగాణ ప్రభుత్వానికి ఈ విష‌యాన్ని తెలియజేశారు.

ఈ నిర్ణయం ప్రకారం, వీఐపీ బ్రేక్ దర్శనం (₹ 500 టికెట్) కోసం తెలంగాణలోని ప్రతి ఎమ్మెల్యే, ఎమ్మెల్సీ మరియు ఎంపీ నుండి వారానికి రెండు లేఖలు మరియు ప్రత్యేక ప్రవేశ దర్శనం (₹ 300 టికెట్) కోసం రెండు లేఖలను టిటిడి అంగీకరిస్తుంది. ఒక్కో లేఖ ఆరుగురు భక్తులను దర్శనం కోసం సిఫార్సు చేయవచ్చు. ఈ అమరిక ప్రతి వారం సోమవారం నుండి గురువారం వరకు ఏదైనా రెండు రోజులకు వర్తిస్తుంది.