Telangana : తెలంగాణ ప్రభుత్వానికి కొత్త తలనొప్పులు..!

Telangana  : తెలంగాణలో రైతుల రుణాల గురించి కేంద్ర వ్యవసాయ శాఖ సహాయ మంత్రి రామ్ నాథ్ ఠాకూర్ లోక్‌సభలో చేసిన ప్రకటన సీఎం రేవంత్ రెడ్డి ప్రభుత్వానికి కొత్త తలనొప్పులు తెచ్చిపెట్టింది. కాంగ్రెస్ ప్రభుత్వం ఇటీవల రాష్ట్రంలోని 25 లక్షల మంది రైతులకు రూ.21 వేల కోట్ల రుణమాఫీ చేశామని గొప్పగా చెప్పుకుంటున్న నేపథ్యంలో కేంద్ర మంత్రి అధికారిక గణాంకాలు ఇందుకు విరుద్ధంగా ఉండడమే దీనికి కారణం. ఇంత భారీగా రుణమాఫీ చేసిన తర్వాత కూడా రైతులపై రుణభారం తక్కువగా ఉండాలి, కానీ వాస్తవం దీనికి భిన్నంగా ఉంది.

Telangana : తెలంగాణ ప్రభుత్వానికి కొత్త తలనొప్పులు..!

Telangana  తెలంగాణ రైతులపై రెట్టింపు కంటే ఎక్కువ అప్పు భారం – కేంద్ర మంత్రి కీలక వ్యాఖ్యలు

కేంద్ర మంత్రి చెప్పిన వివరాల ప్రకారం.. దేశవ్యాప్తంగా ప్రతి రైతు కుటుంబం మీద సగటున రూ. 74,121 అప్పు భారం ఉండగా, తెలంగాణలో మాత్రం ఈ అప్పు ఏకంగా రూ. 1.52 లక్షలుగా ఉంది. అంటే, దేశ సగటుతో పోలిస్తే తెలంగాణ రైతులకు రెట్టింపు కంటే ఎక్కువ అప్పు భారం ఉన్నట్లు తేలింది. ఇది రేవంత్ ప్రభుత్వం భారీ రుణమాఫీని అమలు చేసిన తర్వాత వెలువడిన గణాంకాలు కావడం ఆందోళన కలిగించే విషయం. ఇది విపక్షాలకు ఒక బలమైన అస్త్రంగా మారే అవకాశం ఉంది.

రేవంత్ సర్కారుపై విపక్షాలు విరుచుకుపడటం ఖాయమని చెప్పవచ్చు. భారీ రుణమాఫీ తర్వాత కూడా రైతు కుటుంబాలపై ఇంత భారం ఎందుకు ఉందని ప్రశ్నించడంతో పాటు, దీనికి ప్రభుత్వం బాధ్యత వహించాలని డిమాండ్ చేసే అవకాశం ఉంది. ప్రభుత్వం రుణమాఫీని అమలు చేసినప్పటికీ, రైతులపై అప్పుల భారం ఇంకా ఎక్కువగా ఉండటం అనేది ప్రభుత్వ విధానాలపైనా, రుణమాఫీ అమలు తీరుపైనా ప్రశ్నలు లేవనెత్తుతోంది. ఇప్పుడు రేవంత్ సర్కారు ఈ విమర్శలను ఎలా ఎదుర్కొంటుందో చూడాలి.