Jabardasth Nookaraju : స్కిట్‌కి రూ.5 వేలు ఇస్తే ఈఎంఐలే దిక్కు.. జబర్దస్త్ నూకరాజు షాకింగ్ కామెంట్స్
Jabardasth Nookaraju : తెలుగు ప్రేక్షకులను గత 13 ఏళ్లుగా కడుపుబ్బా నవ్విస్తున్న కామెడీ షో జబర్దస్త్. ఈ షోలో ఎప్పటికప్పుడు కొత్త కమెడియన్లు వస్తూనే ఉన్నా.. పాత కమెడియన్లు మళ్లీ ఒక్కొక్కరుగా రీఎంట్రీ ఇవ్వడంతో ప్రస్తుతం కామెడీ మరింత రసవత్తరంగా మారింది. పాత కమెడియన్లతో పాటు కొత్త టీమ్‌ల పంచులు, సెటైర్లు కలవడంతో జబర్దస్త్‌లో నవ్వుల సందడి మళ్లీ పెరిగింది. తాజాగా ఈ వారం ప్రసారం కానున్న ఎపిసోడ్‌కు సంబంధించిన ప్రోమోను ఈటీవీ విడుదల చేసింది. బతుకమ్మ పర్వదినాన్ని పురస్కరించుకుని ప్రత్యేకంగా ముస్తాబైన జబర్దస్త్ స్టేజ్‌పై కమెడియన్లు తమదైన శైలిలో నవ్వులు పూయించారు. ముఖ్యంగా చాలాకాలం తర్వాత నూకరాజు, చమ్మక్ చంద్ర తిరిగి జబర్దస్త్ స్టేజ్‌పై కనిపించడం ఈ ప్రోమోకు ప్రత్యేక ఆకర్షణగా మారింది. ఇక ఈ వారం ఎవరెవరు ఎలాంటి స్కిట్లు చేశారు? ఏయే పంచ్ డైలాగ్స్ పేలాయి? వాటికి నాగబాబు, ఇంద్రజ ఇచ్చిన రియాక్షన్స్ ఏంటి? నూకరాజు ఎందుకు మళ్లీ జబర్దస్త్‌కు వచ్చాడు? స్కిట్‌కు వచ్చే డబ్బులపై ఆయన చేసిన కామెంట్ ఏంటి? అనే విషయాల్లోకి వెళితే..
Jabardasth Nookaraju : స్కిట్‌కి రూ.5 వేలు ఇస్తే ఈఎంఐలే దిక్కు.. జబర్దస్త్ నూకరాజు షాకింగ్ కామెంట్స్
Jabardasth Nookaraju బతుకమ్మ స్పెషల్ జబర్దస్త్.. రమేశ్ నుంచి చంటి వరకు అదిరిపోయే పంచులు
బతుకమ్మ పండుగ సందర్భంగా జబర్దస్త్ స్టేజ్‌ను ఎంతో అందంగా అలంకరించారు. ప్రోమో ప్రారంభంలోనే తాగుబోతు రమేశ్, ధరణి ప్రియ తమదైన కామెడీతో సందడి చేశారు. తనకు ‘ఐ లవ్ యూ’ చెప్పాలని రమేశ్ అడగగా.. ధరణి మాత్రం అసలు చెప్పనంటూ మొండికేస్తుంది. అయితే తాను మంచి ఆర్టిస్ట్ అని మాత్రం ఒప్పుకోవాలని రమేశ్ కోరుతాడు. దీంతో ధరణి ఒక్కసారిగా ఐ లవ్ యూ.. ఐ లవ్ యూ అంటూ చెప్పుకుంటూ వెళ్లిపోతుంది. దీనికి తోడు రష్మి గౌతమ్ కూడా రమేశ్‌కు ‘ఐ లవ్ యూ’ చెప్పడంతో అక్కడున్న వారంతా నవ్వుల్లో మునిగిపోతారు. ఆ తర్వాత చలాకీ చంటి తాగుబోతు గెటప్‌లో స్టేజ్‌పైకి వస్తాడు. అసలు ఎందుకు తాగుతున్నావు? ఎవరిని చూసి తాగుతున్నావు? నీకు ఇన్‌స్పిరేషన్ ఎవరు? అంటూ అసిస్టెంట్ ప్రశ్నలు వేస్తాడు. దీనికి చంటి ఎలాంటి తడబాటు లేకుండా రష్మి వైపు చూస్తూ.. ‘ఆమె నా ఇన్‌స్పిరేషన్’ అంటూ పంచ్ పేలుస్తాడు. అంతలో దొరబాబు పెద్ద మాంత్రికుడి గెటప్‌లో ఎంట్రీ ఇస్తాడు. అతడి పర్ఫార్మెన్స్‌పై రష్మి కూడా తనదైన పంచ్ వేస్తుంది. ‘రాత్రి తాగింది ఇంకా దిగలేదు.. కళ్లు ఎర్రగా ఉన్నాయి’ అంటూ దొరబాబును ఆటపట్టిస్తుంది. ఇక దొరబాబు.. సన్నీ సమస్య ఏంటో చెప్పమని అడగ్గా, సన్నీ తన బాధను కామెడీగా చెప్పుకొస్తాడు. ‘మేము ఇంతకుముందు నలుగురం ఉండేవాళ్లం. ఒకడు యాంకర్ అయిపోయాడు.. ఇంకొకడు పెద్ద పెద్ద సినిమాలు చేస్తున్నాడు.. మరొకడు ఇంకో ఇంటికి వెళ్లిపోయాడు. చివరికి నేను ఒక్కడినే మిగిలిపోయా. నన్నైనా ఆర్టిస్ట్‌ను చేయండి’ అంటూ సన్నీ కోరడం ప్రోమోలో నవ్వులు పూయించింది.
Jabardasth Nookaraju నూకరాజు రీఎంట్రీ.. ‘స్కిట్‌కు రూ.5 వేలు ఇస్తే ఈఎంఐలే దిక్కు’ అంటూ పంచ్!
చాలాకాలం తర్వాత నూకరాజు మళ్లీ జబర్దస్త్ స్టేజ్‌పై అడుగుపెట్టాడు. దీంతో తోటి కమెడియన్లు అతడికి ఘనంగా వెల్‌కమ్ చెప్పారు. స్టేజ్‌పైకి వచ్చిన వెంటనే నూకరాజు నాగబాబు, ఇంద్రజలకు బిస్కెట్లు వేస్తూ తన కామెడీ మార్క్‌ను చూపించాడు. ఇంతకీ మళ్లీ జబర్దస్త్‌కు ఎందుకు వచ్చావు? అని అసిస్టెంట్ ప్రశ్నించగా.. ‘అమ్మ కోసం’ అంటూ నూకరాజు సమాధానం ఇస్తాడు. అయితే ‘ఇప్పుడు నిజం చెప్పు’ అంటూ రష్మి గౌతమ్ అడగడంతో అసలు కారణాన్ని బయటపెట్టాడు.‘కొంచెం ఈఎంఐలు ఎక్కువగా ఉన్నాయి’ అంటూ నూకరాజు చెప్పడంతో అక్కడ నవ్వులు పూశాయి. దాంతో అసిస్టెంట్ మరో పంచ్ వేస్తాడు. ‘నువ్వు ఉన్నావని శ్రీదేవిని వదిలేసింది.. నువ్వు మళ్లీ జబర్దస్త్‌కు వచ్చావు. పాపం ఆమె ఎక్కడికి పోతుందో ఏంటో’ అంటూ కామెడీ చేస్తాడు.దీనికి ఇంద్రజ కూడా వెంటనే స్పందిస్తూ.. ‘మీకే కాదు.. మాక్కూడా ఈఎంఐలు ఉన్నాయి’ అంటూ నవ్వులు తెప్పించారు.అక్కడితో ఆగకుండా నూకరాజు వేసిన మరో పంచ్ ఇప్పుడు ప్రోమోలో హైలైట్‌గా మారింది. ‘స్కిట్‌కి రూ.5 వేలు ఇస్తే ఈఎంఐలు కాకపోతే ఇంకేముంటాయి?’ అంటూ నూకరాజు సెటైర్ వేయడంతో జబర్దస్త్ స్టేజ్ మొత్తం నవ్వులతో మార్మోగింది. నూకరాజు రీఎంట్రీకి సంబంధించిన ఈ కామెడీ ప్రస్తుతం ప్రేక్షకుల దృష్టిని ఆకర్షిస్తోంది.
Also rEAD : Vijayasai Reddy : జగన్ హిందువుగా మారాలి.. విజయసాయిరెడ్డి సంచలన వ్యాఖ్యలు!
భాస్కర్ జాతకం.. ఫైమా పెళ్లి తర్వాత ట్విస్ట్!
ఆ తర్వాత బుల్లెట్ భాస్కర్, అప్పారావు, వర్ష, ఫైమా కలిసి ఓ ఆసక్తికరమైన స్కిట్‌తో వచ్చారు. ఇందులో భాస్కర్ జాతకం గురించి అప్పారావు చెప్పే కామెడీ ఆసక్తికరంగా ఉంటుంది.భాస్కర్ జాతకం ప్రకారం తెల్లగా ఉన్న అమ్మాయిని పెళ్లి చేసుకుంటే.. ఆమె రాత్రికి నల్లగా మారిపోతుందట. అదే నల్లగా ఉన్న అమ్మాయిని పెళ్లి చేసుకుంటే.. ఆమె రాత్రికి తెల్లగా మారిపోతుందట.దీంతో నల్లగా ఉన్న ఫైమాను భాస్కర్ పెళ్లి చేసుకుంటాడు. కానీ రాత్రి అయ్యేసరికి ఆమె వర్షగా మారిపోవడంతో భాస్కర్ షాక్ అవుతాడు. ఈ కాన్సెప్ట్ చుట్టూ సాగిన స్కిట్‌లో ఎలాంటి కామెడీ పండిందో పూర్తి ఎపిసోడ్‌లో చూడాల్సిందే.
చమ్మక్ చంద్ర గ్రాండ్ రీఎంట్రీ.. సత్తిపండుతో కలిసి మళ్లీ సందడి
ప్రోమో చివర్లో మరో సీనియర్ కమెడియన్ చమ్మక్ చంద్ర రీఎంట్రీని చూపించారు. చమ్మక్ చంద్రతో పాటు సత్తిపండును కూడా తిరిగి తీసుకొచ్చారు. స్టేజ్‌పైకి వచ్చిన వెంటనే సత్తిపండుతో తనదైన శైలిలో కామెడీ మొదలుపెట్టిన చంద్ర.. అతడిని ఆటపట్టిస్తూ నవ్వులు పూయించాడు.చమ్మక్ చంద్ర తన ఇంట్లో సత్తిపండుకు పప్పు భోజనం పెడతాడు. పప్పు చాలా బాగుందని సత్తిపండు చెప్పడంతో.. వెంటనే పప్పు, బియ్యం, కరివేపాకు, కొత్తిమీర, ఉల్లిపాయలు పండించిన రైతులను పిలిపించి ఒక్కొక్కరికి రూ.5 వేల చొప్పున ఇప్పిస్తాడు.ఈ సన్నివేశం కూడా ప్రోమోలో ప్రత్యేకంగా ఆకట్టుకుంది. ఇక చాలా రోజుల తర్వాత తన ఇంట్లోకి అడుగుపెట్టిన సందర్భాన్ని ప్రస్తావిస్తూ చంద్ర జబర్దస్త్ గురించి ఎమోషనల్ అయ్యాడు. చాలా కాలం తర్వాత తిరిగి ఈ వేదికపైకి రావడం తనకు ప్రత్యేకమైన అనుభూతి అన్నట్టుగా అతడి మాటలు సాగాయి.
ఇక సత్తిపండుకు కొన్ని సమస్యలు ఉన్నాయని విన్నానని నాగబాబు అడగగా.. ‘మొత్తం క్లియర్ చేసి తీసుకొచ్చాను’ అంటూ చమ్మక్ చంద్ర సమాధానం ఇచ్చాడు. దీంతో సత్తిపండు రీఎంట్రీ వెనుక ఉన్న అంశం కూడా ప్రోమోలో ఆసక్తిని పెంచింది.ప్రస్తుతం జబర్దస్త్ ఈ వారం ప్రోమో సోషల్ మీడియాలో వైరల్ అవుతోంది. తాగుబోతు రమేశ్ చివరకు తనను మంచి ఆర్టిస్ట్ అని అనిపించుకున్నాడా? సన్నీ కోరిక తీరిందా? నూకరాజు చెప్పిన ఈఎంఐ కష్టాలు నిజంగానే తీరుతాయా? ఫైమాను పెళ్లి చేసుకున్న తర్వాత భాస్కర్‌కు ఎలాంటి ఇబ్బందులు ఎదురయ్యాయి? చమ్మక్ చంద్ర రీఎంట్రీ స్కిట్ ప్రేక్షకులను ఎంతగా నవ్వించింది? సత్తిపండు రీఎంట్రీ ఎలా సాగింది? వంటి విషయాలకు సమాధానం తెలియాలంటే పూర్తి ఎపిసోడ్ చూడాల్సిందే.జబర్దస్త్ ఫుల్ ఎపిసోడ్ ఈ ఆదివారం సాయంత్రం 6 గంటలకు ప్రసారం కానుంది. నూకరాజు రీఎంట్రీ, చమ్మక్ చంద్ర–సత్తిపండు కాంబినేషన్, రమేశ్–ధరణి ప్రియ, చంటి, దొరబాబు, సన్నీ, భాస్కర్–ఫైమా స్కిట్లతో ఈ ఎపిసోడ్ ప్రేక్షకులకు నవ్వుల విందు అందించనుంది.