Karthika Deepam 2 Today Episode August 19th : జ్యోత్స్న ప్రేమకు సూరజ్ ఓకే.. పెళ్లికి గ్రీన్ సిగ్నల్!

Karthika Deepam 2 Today Episode August 19th : స్టార్ మాలో ప్రసారమవుతున్న కార్తీక దీపం 2 సీరియల్‌లో ప్రస్తుతం ప్రేమ, పెళ్లి, కుటుంబ భావోద్వేగాలతో కథ ఆసక్తికరంగా సాగుతోంది. ముఖ్యంగా జ్యోత్స్న తన మనసులోని ప్రేమను సూరజ్‌కు చెప్పేందుకు పడుతున్న తిప్పలు ప్రేక్షకుల్లో ఆసక్తిని పెంచుతున్నాయి. ఇంతకాలం సూరజ్ తన ప్రేమను అర్థం చేసుకోవాలని ఎదురుచూసిన జ్యోత్స్న.. చివరకు అందరి ముందే తన మనసులో మాట చెప్పేసింది. అయితే సూరజ్ కూడా ఆమె ప్రేమను అంగీకరిస్తాడా లేదా అనే ఉత్కంఠ కొనసాగింది. తాజాగా ఆగస్ట్ 19న ప్రసారమైన 754వ ఎపిసోడ్‌లో ఈ ప్రశ్నకు సమాధానం దొరికింది. ఇంతకుముందు దీప ఇచ్చిన సలహాతో జ్యోత్స్న.. సూరజ్‌ను పెంచి పెద్ద చేసిన పెద్దాయనను కలుస్తుంది. సూరజ్ గురించి ఆయనను అడిగి తెలుసుకోవడంతో పాటు ఆయనకు డబ్బులు కూడా ఇస్తుంది. జ్యోత్స్నను చూసిన పెద్దాయన.. ఆమె సూరజ్‌కు కేవలం స్నేహితురాలు మాత్రమే కాదని, అంతకుమించి ఏదో ఉందని అనిపిస్తోందని చెబుతాడు. అనంతరం జ్యోత్స్న తనను కలసి వెళ్లిన విషయాన్ని సూరజ్‌కు ఫోన్ చేసి చెబుతాడు.తాను సూరజ్‌ను పెంచిన పెద్దాయనను కలిసిన విషయాన్ని జ్యోత్స్న.. దీప, కార్తీక్‌లకు కూడా చెబుతుంది. ఇదిలా ఉండగా సూరజ్ పెద్దాయనను కలిసి, తనకు డబ్బులు ఇచ్చినందుకు ధన్యవాదాలు చెబుతాడు. దీంతో జ్యోత్స్న చాలా సంతోషిస్తుంది. మరుసటి రోజు సూరజ్ పుట్టినరోజు కావడంతో అతని బర్త్‌డేను గ్రాండ్‌గా సెలబ్రేట్ చేయాలని జ్యోత్స్న నిర్ణయించుకుంటుంది.

Karthika Deepam 2 Today Episode August 19th సూరజ్‌కు ప్రేమను చెప్పేందుకు జ్యోత్స్న ధైర్యం

సూరజ్ పుట్టినరోజు వేడుకల్లో అందరి ముందే అతనికి తన మనసులోని మాట చెప్పాలని కార్తీక్, దీపలు జ్యోత్స్నకు సలహా ఇస్తారు. దీంతో రాత్రంతా ఆ విషయం గురించే ఆలోచిస్తుంది జ్యోత్స్న. ఇక ఆలస్యం చేయకూడదని, అందరి ముందే చెప్పడం కంటే ముందుగానే సూరజ్‌కు తన ప్రేమను తెలియజేయాలని నిర్ణయించుకుంటుంది.సూరజ్ దగ్గరకు వెళ్లిన జ్యోత్స్న.. ‘‘మనం చిన్నపిల్లలం కాదు.. ప్రతిదానికి కొట్టుకోవాల్సిన అవసరం లేదు. నువ్వంటే నాకు ఇష్టం. ఇప్పుడు నా మనసులో నువ్వు మాత్రమే ఉన్నావు. ఈ మాటను నువ్వు నమ్ముతావా? లేక నిన్ను నమ్మించడానికి నేను ఇంకేదైనా చేయాలా?’’ అంటూ తన ప్రేమను వ్యక్తపరచడానికి ప్రయత్నిస్తుంది. కానీ అదే సమయంలో సూరజ్ ఫోన్‌లో మాట్లాడుతూ కనిపించడంతో జ్యోత్స్నకు కోపం, బాధ రెండూ కలుగుతాయి.ఇదే విషయాన్ని తాజాగా కార్తీక్, దీపలతో మాట్లాడుతూ జ్యోత్స్న తన బాధను వెళ్లగక్కుతుంది. ‘‘సూరజ్‌కి నా మనసులోని మాట చెప్పావా?’’ అని వారు అడగ్గా.. చెప్పానని, కానీ సూరజ్ ఫోన్‌లో మాట్లాడుతూనే ఉండిపోయాడని చెబుతుంది. మరోసారి చెప్పొచ్చు కదా అని కార్తీక్ అడిగితే.. ఒక్కసారి చెప్పడానికే చాలా ధైర్యం కూడగట్టుకున్నానని, మళ్లీ ఎలా చెప్పాలని ప్రశ్నిస్తుంది. సూరజ్ తనను అసలు పట్టించుకోవడం లేదని బాధపడుతుంది.ఒక మనిషి మాట్లాడటానికి వస్తే.. అతను ఏం చెప్పాలనుకుంటున్నాడో వినాలనే ఆలోచన ఉండటం కనీస కామన్ సెన్స్ అని జ్యోత్స్న అంటుంది.

తన పరిస్థితికి తనకే చిరాకు వస్తోందని చెబుతుంది. అయితే మనకు కావాల్సినది చాలా సులభంగా దొరికితే దాని విలువ తెలియదని కార్తీక్ అంటాడు. అయినా సూరజ్‌కు ఇంత యాటిట్యూడ్ ఎందుకని, తన ప్రేమ అతనికి అర్థం కావడం లేదా అని జ్యోత్స్న ప్రశ్నిస్తుంది.సూరజ్‌ను పార్టీకి పిలిస్తే ఎందుకు రావాలని అంటున్నాడని, తనతో మాట్లాడటానికే ఎందుకు ఇష్టపడటం లేదని జ్యోత్స్న బాధపడుతుంది. తాను ఒక మెట్టు దిగుతుంటే సూరజ్ మాత్రం ఒక మెట్టు పైకి ఎక్కుతున్నాడని అంటుంది. తాను తన పంతాన్ని వదులుకుంటుంటే.. సూరజ్ మరింత పొగరుగా మాట్లాడుతున్నాడని చెబుతుంది. తన మనసు మారిందనే విషయం అందరికీ అర్థమవుతోందని, ఒక్క సూరజ్‌కు మాత్రం ఎందుకు అర్థం కావడం లేదో తెలియడం లేదని ఆవేదన వ్యక్తం చేస్తుంది.సూరజ్ ఎవరికీ సులభంగా అవకాశం ఇవ్వడని, మాటలతో మన దృష్టిని మళ్లిస్తాడని జ్యోత్స్న చెబుతుంది. తాను ఎంత చెప్పినా అతను వినాలనుకున్నప్పుడే వింటాడని అంటుంది. తన మాటలను గోడలు దాటి వినడానికి కూడా ఎవరికీ ఆసక్తి లేదనిపిస్తోందని బాధపడుతుంది. ఒంటరిగా చెప్పినప్పుడు వినని సూరజ్.. అందరి ముందూ చెబితే అయినా వింటాడా? అలా చెబితే అతని రియాక్షన్ ఎలా ఉంటుందోనని జ్యోత్స్న భయపడుతుంది.

అప్పుడు కార్తీక్.. ‘‘నువ్వు ఫైటర్‌వా? లూజర్‌వా?’’ అని ప్రశ్నిస్తాడు. తాను ఫైటర్‌ని అని జ్యోత్స్న సమాధానం ఇస్తుంది. అయితే పోరాడు, పార్టీకి సూరజ్ తప్పకుండా వస్తాడని కార్తీక్ ధైర్యం చెబుతాడు. అందరి ముందూ సూరజ్‌కు నీ మనసులోని మాటను ధైర్యంగా చెప్పాలని, ముందుగా నీ మీద నువ్వు నమ్మకం పెట్టుకోవాలని సూచిస్తాడు.అయితే సూరజ్ తనను నిజంగా ఇష్టపడుతున్నాడని రుజువు ఏమిటని అడిగితే ఏం చెప్పాలని జ్యోత్స్న ఆలోచిస్తుంది. ‘‘సూరజ్ అదే అడుగుతాడు’’ అంటూ బాధగా అక్కడి నుంచి వెళ్లిపోతుంది. జ్యోత్స్న తన ప్రేమను చెప్పడానికే ఇంతగా భయపడుతుంటే.. సూరజ్‌కు తన ప్రేమను రుజువులతో ఎలా చూపించగలదని కార్తీక్, దీపలు కూడా ఆందోళన చెందుతారు.

Karthika Deepam 2 Today Episode August 19th సూరజ్ బర్త్‌డే పార్టీలో అసలు ట్విస్ట్

మరోవైపు సూరజ్ పుట్టినరోజు కోసం జ్యోత్స్న అన్ని ఏర్పాట్లు పూర్తి చేస్తుంది. కుటుంబ సభ్యులందరినీ పార్టీకి ఆహ్వానిస్తుంది. సూరజ్‌ను కూడా పిలిచావా అని శివన్నారాయణ అడగ్గా.. పిలిచానని జ్యోత్స్న చెబుతుంది.అప్పుడే దాస్ అక్కడికి రావడంతో కుటుంబ సభ్యులంతా ఒక్కసారిగా ఆశ్చర్యపోతారు. దాస్ ఎప్పుడు ఊరికి వచ్చాడని పారిజాతం అడుగుతుంది. తాను స్వయంగా రాలేదని, కార్తీక్ పిలవడంతో వచ్చానని దాస్ చెబుతాడు. మంచి పని జరుగుతున్నప్పుడు అయినవాళ్లు పక్కనే ఉండాలని, దాస్ తన తమ్ముడని, తన కూతురికి మంచి జరుగుతున్నప్పుడు అతను లేకుండా ఎలా ఉంటాడని దశరథ అంటాడు.అయితే పారిజాతం మాత్రం వ్యంగ్యంగా స్పందిస్తుంది. ‘‘ఇప్పుడు అంత మంచి ఏం జరిగింది? సూరజ్ దీనిని రిజెక్ట్ చేశాడు. ఇదేమో జీవితాంతం పెళ్లి చేసుకోనని చెప్పేసింది’’ అని అంటుంది.ఇంతలో సూరజ్ పార్టీకి రావడంతో అందరూ సంతోషిస్తారు. తన పుట్టినరోజు వేడుకలు జరుగుతుండటాన్ని చూసిన సూరజ్.. తన బర్త్‌డే గురించి మీకు ఎలా తెలుసని అడుగుతాడు. పెద్దాయన చెప్పారని జ్యోత్స్న సమాధానం ఇస్తుంది.

అదే సమయంలో కార్తీక్, దీపలు జ్యోత్స్నకు ధైర్యం చెబుతూ.. ఇక ఆలస్యం చేయకుండా సూరజ్‌కు తన మనసులోని మాట చెప్పాలని సూచిస్తారు. దీంతో జ్యోత్స్న సిగ్గుపడుతూ తన ప్రేమను అందరి ముందూ వ్యక్తపరచడం మొదలుపెడుతుంది.‘‘నాకు మనుషుల్ని చదవడం రాదు. ఎవరి గురించి కూడా తెలుసుకోవాలనే ఆసక్తి ఉండదు. అలాంటిది నీ గురించి నేను తెలుసుకోవడానికి ప్రయత్నిస్తున్నానంటే నువ్వు అర్థం చేసుకోవాలి. నీలాంటి తెలివైన మనిషికి నా ప్రయత్నం ఎందుకు అర్థం కావడం లేదు?’’ అంటూ సూరజ్‌ను ప్రశ్నిస్తుంది.తనను ఎంతో గారాబంగా పెంచారని, తన జీవితంలో ఏదీ లోటు లేదని జ్యోత్స్న చెబుతుంది. ఇప్పటివరకు తనకు ఏదైనా కావాలని ఎవరినీ అడిగిన సందర్భం లేదని, ఇవ్వడం తప్ప తీసుకోవడం తెలియదని అంటుంది. అయితే జీవితం ఎప్పుడూ ఒకేలా ఉండదనే విషయం తన బావ కార్తీక్, దీప చెప్పిన తర్వాతే అర్థమైందని వివరిస్తుంది.

తన చుట్టూ ఉన్న ప్రతి ఒక్కరూ తనవాళ్లేనని, తన శ్రేయోభిలాషులేనని జ్యోత్స్న చెబుతుంది. తన సంతోషం కోసం ఆలోచించేవారు, తన కోసం ఏదైనా చేసేవారు, తాను మంచి చేస్తే మెచ్చుకునేవారు, కష్టాల్లో ఉన్నప్పుడు అండగా నిలిచేవారు తన చుట్టూ ఉన్నారని అంటుంది. అందుకే వారి ముందే ఎలాంటి భయం లేకుండా తన మనసులోని మాటను చెబుతున్నానని స్పష్టం చేస్తుంది.‘‘సూరజ్ అంటే నాకు ఇష్టం. సూరజ్‌తో జీవితాంతం కలిసి బతకగలననే నమ్మకం నాకు ఉంది. నా మనసులో ఉన్న విషయాన్ని ఇంతకంటే బాగా చెప్పలేను’’ అని జ్యోత్స్న స్పష్టంగా చెబుతుంది. అనంతరం తనంటే సూరజ్‌కు ఇష్టమో లేదో అతనే చెప్పాలని అంటుంది.దీంతో సూరజ్‌ను తన మనసులో ఏముందో చెప్పాలని కుటుంబ సభ్యులంతా అడుగుతారు. జ్యోత్స్న తన ప్రేమను చెప్పిందని, ఇప్పుడు సూరజ్ నిర్ణయంపై ఒకరి జీవితం ఆధారపడి ఉందని దీప చెబుతుంది. నిర్ణయం చెప్పే ముందు బాగా ఆలోచించాలని సుమిత్ర సూచిస్తుంది. సూరజ్ ఏ నిర్ణయం తీసుకున్నా తాము అంగీకరిస్తామని చెబుతుంది.జ్యోత్స్నను పెళ్లి చేసుకుంటావా? లేదా? ఆమె అంటే నీకు ఇష్టమా లేదా? అనే విషయం ఈరోజే తేలిపోవాలని శివన్నారాయణ అంటాడు. దీంతో అందరి చూపులు సూరజ్‌పైనే నిలుస్తాయి.

Karthika Deepam 2 Today Episode August 19th సూరజ్‌ నుంచి జ్యోత్స్నకు గ్రీన్ సిగ్నల్

చివరకు సూరజ్ తన మనసులోని మాటను బయటపెడతాడు. ‘‘జ్యోత్స్న అంటే నాకు ఇష్టమే’’ అని చెప్పడంతో అక్కడున్న వారంతా ఆనందంతో పొంగిపోతారు. అంతేకాదు, జ్యోత్స్నను పెళ్లి చేసుకోవడానికి తనకు ఎలాంటి అభ్యంతరం లేదని సూరజ్ స్పష్టం చేస్తాడు.జ్యోత్స్న తన మనసులో తాను ఉన్నాననే విషయం తనకు అర్థమైందని చెబుతాడు. ఆమె మాటల్లో, చేతల్లో, చూపుల్లో తనపై ఉన్న ప్రేమ చాలా స్పష్టంగా కనిపిస్తోందని అంటాడు. ఆమెతో కలిసి జీవితాన్ని కొనసాగించాలని తాను కూడా అనుకుంటున్నానని సూరజ్ చెప్పడంతో జ్యోత్స్నతో పాటు కుటుంబ సభ్యులంతా సంతోషిస్తారు.కార్తీక్ తనకు ఈ విషయాన్ని ముందే చెప్పాడని, కానీ ఇంత పెద్ద సర్‌ప్రైజ్ ఇస్తాడని మాత్రం ఊహించలేదని దాస్ ఆనందంగా చెబుతాడు. మరోవైపు శివన్నారాయణ సూరజ్‌ను చూసి.. ‘‘ఇప్పటి నుంచి నువ్వు నాకు చిన్న మనవడివి’’ అని అంటాడు. ఈ రోజు తనకు మళ్లీ పుట్టిన రోజు లాంటిదని భావోద్వేగానికి గురై కంటతడి పెడతాడు.

ఆ తర్వాత సూరజ్ పుట్టినరోజు కేక్ కట్ చేస్తాడు. కేక్‌లో మొదటి ముక్కను కార్తీక్‌కు తినిపిస్తానని అంటాడు. అయితే కార్తీక్.. సూరజ్ మనసులో ఒకటి పెట్టుకుని తనతో మరొకటి మాట్లాడుతున్నాడని, నిజంగా ఎవరికి తినిపించాలని అనుకుంటున్నాడో వాళ్లకే తినిపించాలని అంటాడు.అప్పుడు దీప కూడా సూరజ్‌కు సూచన చేస్తూ.. ‘‘నీ మొదటి ప్రాధాన్యత జ్యోత్స్నకే ఉండాలి. ఆమెకే కేక్ తినిపించు’’ అని చెబుతుంది. దీంతో సూరజ్ జ్యోత్స్నకు కేక్ తినిపిస్తాడు. జ్యోత్స్న ముఖంలో ఆనందం వెల్లివిరుస్తుంది.ఇలా ఇంతకాలం కొనసాగిన జ్యోత్స్న ప్రేమకథకు ఈ ఎపిసోడ్‌లో కీలక మలుపు వచ్చింది. సూరజ్ తన ప్రేమను అంగీకరించడంతో వారి బంధం మరో దశలోకి అడుగుపెట్టింది. జ్యోత్స్న ప్రేమను అంగీకరించిన సూరజ్.. ఇక వారి పెళ్లి విషయంలో ఎలాంటి పరిణామాలు చోటుచేసుకుంటాయన్నది ఆసక్తిగా మారింది. ఇంతటితో 754వ ఎపిసోడ్ ముగుస్తుంది.