Karthika Deepam 2 Today Episode August 20th : జ్యోత్స్న అసలు నిజం బయటపెడతానంటూ షాక్.. సూరజ్కు డౌట్!
Karthika Deepam 2 Today Episode August 20th : కార్తీకదీపం 2 సీరియల్లో ప్రేమ, కుటుంబ బంధాలు, దాచిన నిజాలు మరోసారి కీలకంగా మారాయి. సూరజ్ పుట్టినరోజు వేడుకల్లో జ్యోత్స్న తన ప్రేమను చెప్పడం, సూరజ్ కూడా పెళ్లికి అంగీకరించడం గత ఎపిసోడ్లో హైలైట్గా నిలిచింది. మరోవైపు జ్యోత్స్నకు ఆస్తి మొత్తం దక్కేలా వీలునామా రాయించారనే విషయం తెలుసుకున్న దాస్ తీవ్రంగా స్పందిస్తాడు. ఇదే సమయంలో జ్యోత్స్న తన అసలు తండ్రి దాస్ అని నిజాన్ని తానే బయటపెడతానని చెప్పడం కథలో మరో కీలక మలుపుగా మారింది. ఇక సూరజ్కు జ్యోత్స్నపై నిజంగానే ప్రేమ ఉందా? అనే అనుమానం కూడా మొదలవుతుంది. మరి ఆగస్టు 20న ప్రసారమైన కార్తీకదీపం 2 – 755వ ఎపిసోడ్లో ఏం జరిగిందో ఇప్పుడు వివరంగా చూద్దాం. సూరజ్కి తన మనసులో ఉన్న మాట చెప్పావా? లేదా? అని కార్తీక్, దీప ఇద్దరూ జ్యోత్స్నను అడుగుతారు. తాను సూరజ్కు ప్రపోజ్ చేసినప్పటికీ.. అతను తన మాట పట్టించుకోకుండా ఫోన్ మాట్లాడుతూ కూర్చున్నాడని జ్యోత్స్న చెబుతుంది. మనకు కావాల్సినది చాలా సులభంగా దొరికితే దాని విలువ మనకు తెలియదని కార్తీక్ అంటాడు. అయితే సూరజ్ తనకు మాట్లాడే అవకాశం కూడా ఇవ్వడని, మాటలతో తనను మాయ చేసేస్తాడని జ్యోత్స్న చెబుతుంది. నువ్వు నీ ప్రేమను చెప్పడానికి ఇంతగా కంగారుపడుతున్నావంటే.. రేపు తనపై నీకు ఉన్న ప్రేమను నిరూపించుకోవడానికి సూరజ్ ఎన్ని రుజువులు అడుగుతాడోనని కార్తీక్ అంటాడు.
Karthika Deepam 2 Today Episode August 20th : జ్యోత్స్న అసలు నిజం బయటపెడతానంటూ షాక్.. సూరజ్కు డౌట్!
అయితే సూరజ్ పుట్టినరోజు సందర్భంగా జ్యోత్స్న గ్రాండ్గా వేడుకలు ఏర్పాటు చేస్తుంది. ఇంట్లో బర్త్డే సెలబ్రేషన్స్కు సంబంధించిన ఏర్పాట్లు జరుగుతున్న సమయంలో దాస్ అక్కడికి రావడంతో అందరూ ఒక్కసారిగా ఆశ్చర్యపోతారు. నువ్వు వస్తున్నట్లు ముందుగా చెప్పలేదేంటి అని పారు అడగ్గా.. తన అల్లుడు అర్జెంట్గా ఫోన్ చేసి రమ్మన్నాడని దాస్ చెబుతాడు.కొద్దిసేపటి తర్వాత సూరజ్ అక్కడికి వస్తాడు. తన పుట్టినరోజు కోసం ఇంత పెద్దగా ఏర్పాట్లు చేయడం చూసి.. తన బర్త్డే గురించి వీళ్లకు ఎలా తెలిసిందని అడుగుతాడు. పెద్దాయన చెప్పారని జ్యోత్స్న సమాధానం ఇస్తుంది. ఆ తర్వాత ఇక ఆలస్యం చేయకుండా తన మనసులోని ప్రేమను సూరజ్కు చెప్పేస్తుంది.సూరజ్ నిర్ణయం ఏంటో చెప్పాలని శివన్నారాయణ కుటుంబ సభ్యులు అడగడంతో.. తనకు కూడా జ్యోత్స్న అంటే ఇష్టమేనని, ఆమెను పెళ్లి చేసుకోవడానికి సిద్ధంగా ఉన్నానని సూరజ్ చెబుతాడు. దీంతో అక్కడున్న కుటుంబ సభ్యులంతా ఆనందంతో మురిసిపోతారు. శివన్నారాయణ అయితే భావోద్వేగానికి గురై కంటతడి పెడతాడు. అనంతరం సూరజ్ కేక్ కట్ చేసి జ్యోత్స్నకు తినిపిస్తాడు. జ్యోత్స్న కూడా సూరజ్కు కేక్ తినిపిస్తుంది. కుటుంబ సభ్యులంతా చప్పట్లు కొడుతూ ఈ జంటను ఆశీర్వదిస్తారు.ఇదంతా గత ఎపిసోడ్లో ప్రధాన హైలైట్గా నిలిచింది. అయితే ఆగస్టు 20న ప్రసారమైన 755వ ఎపిసోడ్లో కథ మరింత ఆసక్తికరంగా ముందుకు సాగింది.
Karthika Deepam 2 Today Episode August 20th ఆస్తి మొత్తం జ్యోత్స్నకే.. దాస్కు షాక్ ఇచ్చిన పారు
సూరజ్ జ్యోత్స్నకు కేక్ తినిపించిన తర్వాత.. జ్యోత్స్న కూడా సూరజ్కు కేక్ తినిపిస్తుంది. దీంతో కుటుంబ సభ్యులంతా ఆనందంగా చప్పట్లు కొడతారు. ఆ తర్వాత కార్తీక్, సూరజ్కు దాస్ను పరిచయం చేస్తాడు. కుటుంబంలోని వారంతా సూరజ్కు కేక్ తినిపిస్తారు. అనంతరం పారు దాస్ను బయటకు తీసుకెళ్లి మాట్లాడుతుంది. తాను చూస్తున్నది తన కూతురినేనా అని దాస్ను అడుగుతాడు. కార్తీక్ సర్ప్రైజ్ ఉందని చెప్పాడని.. కానీ ఇంత పెద్ద షాక్ ఇస్తాడని ఊహించలేదని దాస్ అంటాడు. సూరజ్ గురించి కార్తీక్ కొంత చెప్పాడని, అతడి గురించి తెలుసుకుని తనకు చాలా ఆనందంగా ఉందని చెబుతాడు.అప్పుడు పారు అసలు విషయం బయటపెడుతుంది. తన కూతురిని తాను ఊయల మార్చిన కారణం ఇప్పుడు నెరవేరిందని చెబుతుంది. సూరజ్తో జ్యోత్స్న పెళ్లి జరిగితే.. ఆస్తి మొత్తం జ్యోత్స్నకే దక్కేలా వీలునామా రాయించారని వెల్లడిస్తుంది.ఈ విషయం విన్న దాస్ ఒక్కసారిగా షాక్ అవుతాడు. ఇది అన్యాయమని, ఆ ఆస్తి దక్కాల్సింది జ్యోత్స్నకు కాదని.. దీపకు దక్కాలని అంటాడు. అయితే పారు మాత్రం దీప, కార్తీక్లే ఆ ఆస్తి వద్దని చెప్పారని వివరిస్తుంది. కావాలంటే కార్తీక్ను వెళ్లి అడగాలని, ఈ ఆస్తిలో తనకు ఒక్క రూపాయి కూడా అవసరం లేదని కార్తీక్ స్వయంగా చెప్పాడని చెబుతుంది. అంతేకాదు.. ఆస్తి మొత్తం జ్యోత్స్నకే చెందేలా వీలునామా కూడా కార్తీక్నే రాయించాడని పారు చెబుతుంది.అది నిజమే అయితే కార్తీక్, దీపల కాళ్లు మొక్కినా తప్పులేదని దాస్ అంటాడు. తమకు దక్కాల్సిన ఆస్తిని తన కూతురికి రాసిచ్చారని భావోద్వేగానికి గురవుతాడు. అయితే పారు మాత్రం దీపకు ఆ ఆస్తి రాతలో లేదని చెబుతుంది. దీప, జ్యోత్స్న, సూరజ్, కార్తీక్ అందరూ ఒక్కటైపోయారని.. ఇప్పుడు దాస్ వెళ్లి అనవసరమైన గొడవలు సృష్టించవద్దని సూచిస్తుంది.
తన కూతురికి జరుగుతున్న మంచిని చూశావు కాబట్టి.. ఒక కేక్ తిని అక్కడి నుంచి వెళ్లిపోవాలని, అంతే కానీ జ్యోత్స్న నీ మనవరాలు కాదని చెప్పే ప్రయత్నం చేయొద్దని పారు దాస్ను హెచ్చరిస్తుంది.అయితే ఈ నిజం ఎప్పటికైనా బయటకు రావాల్సిందేనని దాస్ అంటాడు. పాపం చేసిన విషయం దాచిపెడితే అది ఎప్పటికీ దాగిపోదనే భావనను వ్యక్తం చేస్తాడు. దీప, జ్యోత్స్న ఇద్దరూ తన మనవరాళ్లేనని, కార్తీక్, సూరజ్ తన మనవళ్లేనని చెబుతాడు. అంతకంటే తనకు ఇంకేం కావాలని ప్రశ్నిస్తాడు.దీపకు ఇప్పుడు అమ్మానాన్నలు లేరని.. ఇక వాళ్ల అవసరం లేదని పారు అంటుంది. దీప సుమిత్రమ్మ, చిన్నయ్యగారిని పిలుచుకుంటూ ఉంటే అదే చాలంటుంది. దేవుడు ఎవరికి ఏం ఇవ్వాలో ఆయనకు బాగా తెలుసని చెబుతుంది. జ్యోత్స్న కార్తీక్ను మనసులో నుంచి తీసేసి సూరజ్ను ప్రేమించిందని, ఇక దాని గురించి మనం ఎక్కువగా ఆలోచించాల్సిన అవసరం లేదని పారు అంటుంది.అయితే చేసిన పాపం నీడలా వెంటాడుతుందని దాస్ హెచ్చరిస్తాడు. చీకట్లో చేసిన తప్పులు ఎప్పటికీ బయటకు రావని అనుకోవడం సరికాదని పారు భావించినా.. దాస్ మాత్రం ఆ నిజం ఎప్పటికైనా బయటపడుతుందని చెబుతాడు. మరోవైపు జ్యోత్స్నకు కార్తీక్ కంగ్రాట్స్ చెబుతాడు. నువ్వు ఎవరి కోసం మారవని తాము అనుకున్నామని.. కానీ కాలం నీలో చాలా పెద్ద మార్పు తీసుకొచ్చిందని దీప కూడా అంటుంది.అందుకు జ్యోత్స్న స్పందిస్తూ.. తనలో వచ్చిన మార్పు మొత్తం కార్తీక్, దీపల వల్లేనని చెబుతుంది. సూరజ్ తనను రిజెక్ట్ చేసినప్పటి నుంచి ఇప్పటి వరకు తాను ఎంతో మారిపోయానని అంటుంది. ఇక పెళ్లి చేసుకోకుండా జీవితాంతం ఒంటరిగానే ఉండిపోదామని అనుకున్నానని, కానీ కార్తీక్, దీప ఇద్దరూ తనను సూరజ్కు దగ్గర చేశారని చెబుతుంది. అందుకు వారిద్దరికీ తాను ఎప్పటికీ రుణపడి ఉంటానని జ్యోత్స్న చెబుతుంది.ఈ కథకు ఇప్పుడు సరైన ముగింపు దొరికిందని జ్యోత్స్న అంటుంది. అయితే కార్తీక్ మాత్రం నీ పెళ్లితో కథ ముగియడం కాదు.. సరికొత్త ఆరంభం మొదలవుతుందని చెబుతాడు. ఇన్నాళ్లూ మనమంతా ఎన్నో ఇబ్బందులు పడ్డామని, నీ పెళ్లితో ఆ సమస్యలన్నీ తొలగిపోయినట్టేనని అంటాడు.
Karthika Deepam 2 Today Episode August 20th జ్యోత్స్న అసలు నిజం బయటపెడతానంటూ సంచలనం
ఇంతలో దాస్ తన కూతురు జ్యోత్స్నను చూసుకుని మురిసిపోతాడు. చివరిసారి తనను కలిసినప్పుడు.. తనను చూస్తేనే అసహ్యం వేస్తోందని జ్యోత్స్న చెప్పిన విషయాన్ని గుర్తు చేస్తాడు. ఇప్పుడు ఆ అసహ్యం పూర్తిగా పోయిందా అని అడుగుతాడు.అందుకు జ్యోత్స్న గతంలో తాను కళ్లు మూసుకుని ఉన్నానని చెబుతుంది. జీవితంలో నిజంగా ఏది విలువైనదో గుర్తించలేని పరిస్థితిలో ఉన్నానని అంటుంది. ఇప్పుడు తాను పూర్తిగా మారిపోయానని చెబుతుంది. తాను ఇలాగే మారాలని అనుకున్నానని దాస్ అంటాడు.డబ్బే ప్రపంచంగా భావించి బతికిన తన కూతురు చివరికి బంధాలను మాత్రమే కాదు.. తనను తానే కూడా కోల్పోయిందని దాస్ బాధపడతాడు. కానీ ఇప్పుడు కొత్తగా తయారైందని, మనసున్న మనిషిగా మారిందని చెప్పడంతో జ్యోత్స్న తండ్రిని ప్రేమగా హత్తుకుంటుంది.తనకు చాలా సంతోషంగా ఉందని దాస్ చెబుతాడు. అయితే జ్యోత్స్న మరో కీలక మాట చెబుతుంది. నువ్వే నా తండ్రివి అనే నిజాన్ని బయటపెట్టే రోజు ఎంతో దూరంలో లేదని అంటుంది. తాను దీపే సుమిత్ర, దశరథల కూతురని.. తాను మాత్రం కళ్యాణి, దాస్ల కూతురినని స్పష్టం చేస్తుంది. ఈ నిజాన్ని తానే ఖచ్చితంగా బయటపెడతానని చెబుతుంది.
ఈ మాటలు విన్న దాస్ ఒక్కసారిగా షాక్ అవుతాడు. తాను చూస్తున్నది నిజంగా తన కూతురినేనా? ఇంత మారిపోయి ఇలా మాట్లాడుతున్నది నువ్వేనా? అని ఆశ్చర్యంగా అడుగుతాడు.అప్పుడు జ్యోత్స్న తన గతాన్ని గుర్తు చేసుకుంటుంది. కోపంతో తన జీవితాన్ని తానే నాశనం చేసుకునే పరిస్థితికి వెళ్లిపోయానని చెబుతుంది. కానీ కార్తీక్, దీప ఇద్దరూ తనకు అండగా నిలిచి తన జీవితాన్ని తిరిగి సరిదిద్దారని అంటుంది.దీంతో దాస్ భావోద్వేగానికి గురవుతాడు. తాను కోరుకున్నట్లుగానే జ్యోత్స్నను తీర్చిదిద్దినందుకు కార్తీక్, దీపలకు ధన్యవాదాలు చెబుతాడు. తన కూతురిని మళ్లీ తనకు ఇచ్చినట్టుగా ఉందని అంటాడు.ఇక దీప కూడా తన భావాలను బయటపెడుతుంది. నువ్వు లేకపోతే తాను కేవలం కుబేరుడి కూతురిగానే మిగిలిపోయేదానినని అంటుంది. దాస్ మాత్రం నువ్వు నాకు నా కూతురిని తిరిగి ఇచ్చావని దీపతో చెబుతాడు.
ఇక పెళ్లికి సంబంధించిన పనులు కూడా మొదలుపెట్టాలని కార్తీక్ అంటాడు. ముహూర్తాలు పెట్టి పెళ్లి చేయాలని చెబుతాడు. అందుకు దాస్ స్పందిస్తూ.. జ్యోత్స్న తండ్రిగానే కాదు, తాను కూడా కార్తీక్కు రుణపడి ఉంటానని చెబుతాడు.జ్యోత్స్న పెళ్లితో ఎన్నో జీవితాలు మారాలని, ముఖ్యంగా దీపకు ఎప్పటికీ అన్యాయం చేయొద్దని దాస్ తన కూతురిని వేడుకుంటాడు. అందరి జీవితాల్లో మంచి మార్పులు వస్తాయని, తాను బాధపడాల్సిన అవసరం లేదని దీప దాస్కు ధైర్యం చెబుతుంది.ఇదిలా ఉంటే జ్యోత్స్న గురించి ఆలోచిస్తూ ఒంటరిగా ఉన్న సూరజ్ దగ్గరకు జ్యోత్స్న వస్తుంది. అంతలా ఏం ఆలోచిస్తున్నావని అడుగుతుంది. తాను కోరుకున్నట్లుగానే సూరజ్ తనను పెళ్లి చేసుకోబోతున్నాడని, తనను అర్థం చేసుకుని పెళ్లికి అంగీకరించాడని జ్యోత్స్న అంటుంది.అయితే సూరజ్ మాత్రం ఆమెను ఒక కీలక ప్రశ్న అడుగుతాడు. “అసలు నీ ప్రేమ నిజమేనా?” అని ప్రశ్నించడంతో జ్యోత్స్న కళ్లలో నీళ్లు తిరుగుతాయి.
సూరజ్ కూడా ఆశ్చర్యపోతాడు. ఇంత సున్నితంగా నువ్వు ఎప్పుడు మారిపోయావని ప్రశ్నిస్తాడు. గతంలో తన మాటలు, చేతలతో ఎంతమందిని ఎన్నిసార్లు బాధపెట్టావో గుర్తు చేస్తూ.. అలాంటి జ్యోత్స్న ఇప్పుడు ఒక్క మాటకే కన్నీళ్లు పెట్టుకోవడం తనకు ఆశ్చర్యంగా ఉందని చెబుతాడు.అందుకు జ్యోత్స్న.. తనలో ఈ మార్పుకు కారణం సూరజే అని చెబుతుంది. తనను మార్చడం తన తల్లిదండ్రులు, తాతయ్య, గ్రానీ.. చివరకు తన బావ కూడా చేయలేకపోయారని, కానీ సూరజ్ వల్ల మాత్రమే తాను మారగలిగానని అంటుంది.అయితే నిన్ను మారమని తాను ఎప్పుడూ అడగలేదని సూరజ్ చెబుతాడు. నువ్వు తనను ప్రేమించమని అడిగినప్పుడు తాను నిన్ను ప్రేమించలేదని అంటాడు. కానీ నువ్వు మారతావో లేదో అని తనను వదిలేసినప్పుడే నీపై ఇష్టం మొదలైందని చెబుతాడు.జ్యోత్స్న తనలో వచ్చిన మార్పును మరింతగా వివరించుకుంటుంది. ఇంతకాలం శివన్నారాయణ గారి మనవరాలిగా మాత్రమే ఉన్న తాను.. ఇప్పుడు ఒక అచ్చమైన ఆడపిల్లగా మారిపోయానని చెబుతుంది. చివరకు తన మనసులోని ప్రేమను సూరజ్కు అర్థమయ్యేలా చెప్పగలిగానని అంటుంది.
సూరజ్ను చూడకపోతే తనకు బాధగా ఉంటుందని, అతనితో ఎవరైనా చనువుగా ఉంటే అసలు తట్టుకోలేని పరిస్థితికి వచ్చేశానని జ్యోత్స్న చెబుతుంది. రాతి విగ్రహంలా ఉన్న తనను సూరజ్ గాజు బొమ్మలా మార్చేశాడని అంటుంది. ఇప్పుడు ఆ గాజు బొమ్మను ముక్కలు చేయడానికి ఒక్క మాట చాలు అని, తన ప్రేమకు తాను పూర్తిగా బానిస అయిపోయానని భావోద్వేగంతో చెబుతుంది.ప్రేమ అంటే అసలు ఏమిటో ఇప్పుడు తనకు అర్థమైందని జ్యోత్స్న అంటుంది. సూరజ్ లేకపోతే తాను లేనట్టేనని, అతను కాస్త దూరంగా ఉన్నా తాను తట్టుకోలేనని చెబుతుంది. ఇంతగా నిన్ను ప్రేమిస్తున్నప్పుడు కూడా తనకు పరీక్షలు పెడుతున్నావా? అంటూ బాధపడుతుంది.ఇంతలో సూరజ్ చేతికి గాయం కావడంతో జ్యోత్స్న తీవ్రంగా కలత చెందుతుంది. అతనికి ఏదైనా అవుతుందేమో అన్నట్లుగా విలవిలలాడిపోతుంది. నువ్వు ఇంత సున్నితంగా మారిపోవడం తాను భరించలేనని సూరజ్ అంటాడు.అయితే జ్యోత్స్న మాత్రం సూరజ్ను వదులుకోలేని స్థితికి వచ్చానని చెబుతుంది. ఈ జన్మంతా తనతోనే ఉండాలని, తన జీవితంలో నుంచి దూరం కాకూడదని ప్రేమగా కోరుతుంది.ఇలా ఒకవైపు జ్యోత్స్న-సూరజ్ ప్రేమకు కొత్త మలుపు రావడం, మరోవైపు జ్యోత్స్న అసలు కుటుంబ రహస్యం బయటపెట్టాలనే నిర్ణయం తీసుకోవడం, ఇంకోవైపు ఆస్తి మొత్తం జ్యోత్స్నకు దక్కేలా వీలునామా ఉండటం వంటి పరిణామాలతో కార్తీకదీపం 2 ఆగస్టు 20 ఎపిసోడ్ ఆసక్తికరంగా ముగిసింది. ఇక జ్యోత్స్న నిజాన్ని ఎప్పుడు బయటపెడుతుంది? ఆ నిజం తెలిసిన తర్వాత కుటుంబంలో ఎలాంటి పరిణామాలు చోటుచేసుకుంటాయి? సూరజ్తో ఆమె పెళ్లి సాఫీగా జరుగుతుందా? అనే ప్రశ్నలకు సమాధానాలు తెలుసుకోవాలంటే తదుపరి ఎపిసోడ్ వరకు వేచి చూడాల్సిందే