Karthika Deepam 2 Today Episode August 21st : జ్యోత్స్నకు సూరజ్ బిగ్ షాక్.. ఎంగేజ్‌మెంట్ వద్దంటూ సంచలన నిర్ణయం..!

Karthika Deepam 2 Today Episode August 21st  : కార్తీక దీపం 2 సీరియల్‌లో రోజురోజుకూ కథ మరింత ఆసక్తికరంగా మారుతోంది. ముఖ్యంగా జ్యోత్స్న, సూరజ్‌ల పెళ్లి వ్యవహారం చుట్టూ కథనం ఊహించని మలుపులు తిరుగుతోంది. ఒకవైపు జ్యోత్స్న పూర్తిగా మారిపోయిందని దశరథ సంతోషిస్తుండగా.. మరోవైపు సూరజ్ మాత్రం పెళ్లి విషయంలో వరుసగా షాకులు ఇస్తున్నాడు. అసలు జ్యోత్స్నపై తనకు ప్రేమ ఉందా లేదా అన్న అనుమానం ఆమెను వెంటాడుతోంది. ఇదే సమయంలో ఎంగేజ్‌మెంట్ వద్దంటూ సూరజ్ చెప్పడంతో ఇంట్లో అందరూ ఒక్కసారిగా షాక్ అవుతారు. ముందుగా గత ఎపిసోడ్‌లో ఏం జరిగిందో చూస్తే.. జ్యోత్స్నకు సూరజ్ కేక్ తినిపించగా, ఆమె కూడా సూరజ్‌కు కేక్ తినిపిస్తుంది. ఆ తర్వాత దాస్‌ను సూరజ్‌కు కార్తీక్ పరిచయం చేస్తాడు. ఈ సమయంలో దాస్ పారును బయటకు తీసుకెళ్లి మాట్లాడుతాడు. తాను చూస్తున్నది నిజంగా జ్యోత్స్ననేనా అని ఆశ్చర్యపోతాడు. అల్లుడు తనకు సర్‌ప్రైజ్ ఇస్తానని చెప్పాడని, కానీ ఇప్పుడు ఏకంగా షాక్ ఇచ్చాడని అంటాడు. తన కూతురు ఇంతగా మారిపోవడం తనకు ఆశ్చర్యంగా ఉందని చెబుతాడు.ఇక దీప ఎవరో నిజం చెప్పాల్సిన సమయం వచ్చిందని దాస్ అనగా.. ఇప్పుడు ఆ అవసరం లేదని పారు చెబుతుంది. దీప, కార్తీక్‌లు ఆస్తి తమకు వద్దని చెప్పడమే కాకుండా.. సూరజ్‌తో పెళ్లి జరిగిన వెంటనే జ్యోత్స్నకు ఆస్తి దక్కేలా వీలునామా కూడా రాయించారని పారు వివరిస్తుంది. దీంతో ఆగ్రహానికి గురైన దాస్ అక్కడి నుంచి లోపలికి వెళ్తాడు.

మరోవైపు దీప, కార్తీక్‌లకు జ్యోత్స్న కృతజ్ఞతలు చెబుతుండగా దాస్ అక్కడికి వస్తాడు. త్వరలోనే నువ్వే నా తండ్రివి అని తాను చెప్పే రోజు వస్తుందని జ్యోత్స్న అంటుంది. గతంలో కోపంతో తన జీవితాన్ని తానే నాశనం చేసుకోవాలని చూసినప్పుడు దీప, కార్తీక్ ఇద్దరూ తనకు అండగా నిలిచారని చెబుతుంది. వారి రుణాన్ని తాను ఎప్పటికీ తీర్చుకోలేనని జ్యోత్స్న భావిస్తుంది. ఆమె మాటలకు దాస్ కూడా స్పందిస్తూ.. దీప, కార్తీక్ చేసిన మేలును ఎప్పటికీ మర్చిపోలేమని అంటాడు.ఇదిలా ఉంటే జ్యోత్స్న గురించి ఆలోచిస్తూ ఉన్న సూరజ్ దగ్గరకు ఆమె వస్తుంది. ఏం ఆలోచిస్తున్నావని అడుగుతుంది. నువ్వు ఇంతగా మారిపోయావు.. ఇప్పుడు నా మీద చూపిస్తున్నది నిజమైన ప్రేమేనా అని సూరజ్ ప్రశ్నిస్తాడు. దీంతో జ్యోత్స్న కంటతడి పెడుతుంది. నువ్వు లేకుండా తాను ఉండలేనని, నీ నోటి నుంచి వచ్చే చిన్న మాట కూడా తనను ఎంతగానో బాధిస్తుందని చెబుతుంది. అదే సమయంలో సూరజ్ వేలికి గాయం కావడంతో రక్తం వస్తుంది. జ్యోత్స్న వెంటనే అతని వేలికి కట్టు కడుతుంది. ఇదంతా గత ఎపిసోడ్‌లో ప్రధానంగా కనిపించింది.అయితే ఆగస్టు 21న ప్రసారమైన 756వ ఎపిసోడ్‌లో ఏం జరిగింది? సూరజ్, జ్యోత్స్నల మధ్య అసలు ఏం జరిగింది? ఎంగేజ్‌మెంట్ విషయంలో సూరజ్ ఎందుకు వెనక్కి తగ్గాడు? జ్యోత్స్నకు సూరజ్‌పై అనుమానం ఎందుకు వచ్చింది? అనే విషయాల్లోకి వెళితే..

Karthika Deepam 2 Today Episode August 21st జ్యోత్స్న ప్రేమపై సూరజ్‌కు అనుమానం.. దశరథ కళ్లలోని ఆనందంపై ప్రశ్న

జ్యోత్స్న తనపై చూపిస్తున్న ప్రేమను సూరజ్ మరోసారి ప్రశ్నిస్తాడు. తన ప్రేమకు పరీక్షలు పెట్టడం మానేయాలని, తన విషయంలో చిన్నపాటి నిర్లక్ష్యం కూడా చేయకూడదని జ్యోత్స్నకు చెబుతాడు. అదే సమయంలో దాస్ గారు ఎవరు? నీకు పెళ్లి జరగబోతోందని తెలిసినప్పుడు ఆయన ఎందుకు అంతగా సంతోషపడుతున్నారని సూరజ్ అడుగుతాడు.దానికి జ్యోత్స్న స్పందిస్తూ.. దాస్ తనకు బాబాయ్ అవుతాడని చెబుతుంది. అన్నయ్య కూతురికి పెళ్లి జరుగుతుంటే ఎవరైనా సంతోషిస్తారని వివరిస్తుంది. అయితే సూరజ్ మాత్రం అక్కడితో ఆగడు. దశరథ గారి కళ్లలో కనిపించిన ఆనందం కంటే దాస్ గారి కళ్లలోనే ఎక్కువ సంతోషం కనిపించిందని అంటాడు. కొంతమంది మనల్ని ఎంతగా అభిమానిస్తారో తెలుసుకోవాలంటే వారు మాట్లాడే మాటల కంటే వారి కళ్లను చూస్తేనే అర్థమవుతుందని జ్యోత్స్న సమాధానం ఇస్తుంది.ఇక ఉదయం పారిజాతం చాలా అందంగా తయారై దీప, కార్తీక్‌ల ముందుకు వస్తుంది. ఆమెను చూసిన కార్తీక్ సరదాగా స్పందిస్తాడు. పనిమనుషుల సంఘానికి ప్రెసిడెంట్‌లా ఉండే నువ్వు ఇప్పుడు ఏకంగా అందాల పోటీకి జడ్జిలా తయారయ్యావని అంటాడు. తాత చూస్తే ఏమంటాడో అని కార్తీక్ సరదాగా ప్రశ్నిస్తాడు.

దానికి పారిజాతం కూడా తగ్గకుండా సమాధానం ఇస్తుంది. తాత చూసినా ఏమీ అనడని, అనలేడని చెబుతుంది. ఎందుకంటే తనను నియమాలు ఉల్లంఘించడానికి ఆయనే అనుమతించారని అంటుంది. మనవరాలి పెళ్లి కాబట్టి శివన్నారాయణ గారి భార్య ఎక్కడ అని తనను అడిగితే బాగుండదని.. అందుకే తనకు ఈ బాధ్యత నుంచి విముక్తి కల్పించాలని ఆయనను కోరినట్లు పారిజాతం చెబుతుంది. ఇదే విషయంపై మీతో మాట్లాడాలని తనను పక్కకు తీసుకెళ్లారని చెబుతుంది.ఇదిలా ఉండగా కార్తీక్ దశరథతో మరో ఆసక్తికరమైన విషయం చెబుతాడు. సూరజ్ జ్యోత్స్నను మార్చేశాడని, పారిజాతం తాతను మార్చేసిందని సరదాగా అంటాడు. దశరథ మాత్రం దీప, కార్తీక్‌లకు కృతజ్ఞతలు చెబుతాడు. ఇన్ని రోజులుగా జ్యోత్స్న, దీపల విషయంలో తన మనసులో ఎంతో బాధ ఉండేదని చెబుతాడు.జ్యోత్స్న తన కూతురు కాదనే విషయం తెలిసినప్పటి నుంచి ఆమె ప్రవర్తన తనకు నచ్చేది కాదని దశరథ వివరిస్తాడు. అయితే ఆ తర్వాత ఒక విషయాన్ని తాను అర్థం చేసుకున్నానని అంటాడు. పుట్టుక ఎలా ఉన్నా.. తాను కోరుకున్నట్లుగా ఉండే కూతురు కావాలని తాను కోరుకున్నానని చెబుతాడు. ఇప్పుడు దీప, కార్తీక్ ఇద్దరూ కలిసి జ్యోత్స్న జీవితాన్ని సరిదిద్దారని, తాను కోరుకున్న కూతురిగా ఆమెను మార్చారని దశరథ ప్రశంసిస్తాడు.

అయితే కార్తీక్ ఈ క్రెడిట్ అంతా సూరజ్‌దేనని చెబుతాడు. జ్యోత్స్న కోరుకున్న వ్యక్తిగా, ఆమెకు నచ్చే విధంగా సూరజ్ ఆమెతో మాట్లాడాడని అంటాడు. సూరజ్ మీ వల్లే తమ ఆఫీస్‌లోకి, ఇంట్లోకి, చివరకు జ్యోత్స్న జీవితంలోకి వచ్చాడని దశరథ చెబుతాడు. సూరజ్‌ను మీరు ఇద్దరూ నమ్మారని, కార్తీక్ లాంటి మంచి వ్యక్తి ఒకరిని నమ్ముతున్నాడంటే అతను ఎలాంటి వ్యక్తో అర్థం చేసుకోవచ్చని అంటాడు.సూరజ్‌తో జ్యోత్స్న పెళ్లికి మొదటి ప్రతిపాదన చేసింది కూడా దీపేనని దశరథ గుర్తుచేస్తాడు. అక్క తన చెల్లెలి కోసం ఒక సంబంధం తీసుకొచ్చిందంటే అది మంచిదే అయి ఉంటుందని చెబుతాడు. మీరు చెప్పారు, నేను అంగీకరించాను.. కానీ ఈ కథలో జ్యోత్స్నలో వచ్చిన మార్పు మాత్రం మరో పెద్ద విషయం అని అంటాడు. జ్యోత్స్న ఇంతగా మారిపోతుందని తన జీవితంలో ఎప్పుడూ ఊహించలేదని చెబుతాడు. ఇప్పుడు జ్యోత్స్న కూడా తన కూతురేనని దశరథ అంటాడు.

“జ్యోత్స్నతో ఎంగేజ్‌మెంట్ వద్దు”.. సూరజ్ నిర్ణయంతో ఇంట్లో షాక్

ఇదే సమయంలో దీప ఒక కీలకమైన మాట చెబుతుంది. ఇక ఈ దీప నీ కూతురేనని ఎవరికీ ప్రత్యేకంగా చెప్పాల్సిన అవసరం లేదనుకుంటా అని అంటుంది. దీంతో కార్తీక్, దశరథ ఇద్దరూ షాక్ అవుతారు. దశరథ మాత్రం మీ ఇద్దరూ నా కూతుళ్లేనని చెబుతాడు. రేపు నిజాలు బయటకు వచ్చిన రోజు తానే సుమిత్రతో మీ ఇద్దరి గురించి చెబుతానని అంటాడు.అయితే దీప సూరజ్ అనే వ్యక్తిని తమ జీవితాల్లోకి తీసుకురాకపోయి ఉంటే జ్యోత్స్నకు అసలు జీవితం ఉండేది కాదని దశరథ చెబుతాడు. జ్యోత్స్న జీవితాన్ని మార్చిన గొప్పతనం దీప, కార్తీక్‌లకే దక్కుతుందని ప్రశంసిస్తాడు. జ్యోత్స్న తన జీవితాంతం వీరిద్దరికీ రుణపడి ఉండాలని చెబుతాడు.తర్వాత కార్తీక్ పెళ్లి ముహూర్తాల సంగతి ఏమైందని దశరథను అడుగుతాడు. దానికి నాన్న మాట్లాడతారని దశరథ సమాధానం ఇస్తాడు. మరోవైపు శివన్నారాయణ కుటుంబం మొత్తం పెళ్లి ముహూర్తాల గురించి మాట్లాడుకునేందుకు ఒకచోట చేరుతుంది.తన మనవరాలి పెళ్లిని చాలా గ్రాండ్‌గా చేయాలని అనుకుంటున్నానని శివన్నారాయణ చెబుతాడు. ముందుగా జ్యోత్స్న, సూరజ్‌లకు కూడా గ్రాండ్‌గా ఎంగేజ్‌మెంట్ నిర్వహించాలని అనుకుంటున్నామని చెబుతూ.. నీ నిర్ణయం ఏమిటని సూరజ్‌ను నేరుగా అడుగుతాడు.

అక్కడే సూరజ్ అందరికీ ఊహించని షాక్ ఇస్తాడు. జ్యోత్స్నతో తనకు ఎంగేజ్‌మెంట్ ఇష్టం లేదని స్పష్టంగా చెబుతాడు. దీంతో ఇంట్లో ఉన్నవారంతా ఒక్కసారిగా షాక్‌కు గురవుతారు. పారు మాత్రం సూరజ్‌పై మండిపడుతుంది. మనసులో ఏదో పెట్టుకుని ఇలా మాట్లాడుతున్నాడని, అందరం కలిసి సంతోషంగా ఉండాలని అనుకుంటున్న సమయంలో ఏదో ఒక షాక్ ఇస్తాడని కోపంగా అంటుంది.ఎంగేజ్‌మెంట్ ఎందుకు వద్దంటున్నావని సుమిత్ర, దీప ఇద్దరూ సూరజ్‌ను ప్రశ్నిస్తారు. కానీ సూరజ్ తన నిర్ణయంలో మార్పు లేదని చెబుతాడు. తనకు ఎంగేజ్‌మెంట్ అవసరం లేదని, నేరుగా పెళ్లి ముహూర్తాలే పెట్టాలని అంటాడు. దీంతో అక్కడున్న వారంతా ఒక్కసారిగా నవ్వుతారు.అయితే దీప వెంటనే అసలు విషయం అడుగుతుంది. పెళ్లికి ఏమైనా అభ్యంతరాలు ఉన్నాయా అని ప్రశ్నిస్తుంది. అందుకు సూరజ్ మాత్రం ఉన్నాయని చెబుతాడు. అంతేకాదు.. పంతులుగారిని ఈరోజే పిలిపించి పెళ్లి ముహూర్తాలు పెట్టించాలని చెప్పి అక్కడి నుంచి వెళ్లిపోతాడు.

సూరజ్ ప్రవర్తనతో అయోమయానికి గురైన జ్యోత్స్న అతని దగ్గరకు వెళ్తుంది. అసలు ఎంగేజ్‌మెంట్ ఎందుకు వద్దని చెప్పావని నిలదీస్తుంది. పెళ్లి అనేది జీవితంలో ఒక్కసారే జరుగుతుందని, ఇప్పుడు పెళ్లిళ్లను చాలా గ్రాండ్‌గా, జీవితాంతం గుర్తుండిపోయేలా చేసుకుంటున్నారని జ్యోత్స్న చెబుతుంది.అయితే సూరజ్ కూడా తన వైపు నుంచి ప్రశ్నిస్తాడు. తన మాట చెప్పానని, అందరూ ఓకే అన్నారని.. ఇప్పుడు ఎందుకు వద్దంటున్నావని జ్యోత్స్నను అడుగుతాడు. ఇదే సమయంలో గతంలో తమ మధ్య గొడవ జరిగిన విషయం తాను చెప్పానని, కానీ తాను కొట్టిన నిజాన్ని మాత్రం తన తాతకు చెప్పలేదని సూరజ్ అంటాడు.జ్యోత్స్న తనపై చూపిస్తున్న ప్రేమ నిజమేనా అనే అనుమానం తనకు వచ్చిందని సూరజ్ చెబుతాడు. తన మీద నీకున్న ప్రేమ అబద్ధమని చెప్పబోతున్నావని తాను అనుకున్నానని అంటాడు. దీనికి జ్యోత్స్న తీవ్రంగా స్పందిస్తూ.. నువ్వే తన సొంతమని చెబుతుంది.ఇక సూరజ్‌కు ఒక ప్రత్యేకమైన గిఫ్ట్ ఇవ్వాలని జ్యోత్స్న నిర్ణయిస్తుంది. అతని కోసం ఒక చైన్ తీసుకొస్తుంది. ఆ చైన్ లాకెట్‌లో సూరజ్, జ్యోత్స్నల ఫొటోలు ఉండటాన్ని చూసి సూరజ్ సంతోషిస్తాడు. ఇది మన ఇద్దరి జీవితానికి ఒక అందమైన జ్ఞాపకంగా ఉంటుందని జ్యోత్స్న చెబుతుంది.

అంతేకాదు.. చైన్‌తో పాటు ఒక రింగ్ కూడా తీసుకొచ్చానని చూపిస్తుంది. ఆ రింగ్‌పై ‘J’, ‘S’ అక్షరాలు ఉంటాయి. పది సంవత్సరాలు గడిచినా ఈ జ్ఞాపకాలను మనం గుర్తు చేసుకోవాలని జ్యోత్స్న భావోద్వేగంగా చెబుతుంది. ఒకసారి అమ్మాయిలు ఒక వ్యక్తితో మనస్ఫూర్తిగా కనెక్ట్ అయితే.. తాము ప్రేమించిన మనిషి కోసం ఎంత దూరమైనా వెళ్లడానికి సిద్ధపడతారని చెబుతుంది.తర్వాత సూరజ్ మెడలో ఆ చైన్ వేస్తానని జ్యోత్స్న అంటుంది. కానీ సూరజ్ మాత్రం తన దగ్గర విలువైన వస్తువులు ఏవీ ఉండవని, ఏదైనా ఉంటే తాను పోగొట్టుకుంటానని చెబుతూ చైన్ వేయొద్దని అంటాడు. అయినప్పటికీ జ్యోత్స్న అతని మాట వినదు. సూరజ్ ఎంతగా వద్దని చెప్పినా.. అతని మెడలో చైన్ వేస్తుంది. అనంతరం రింగ్ కూడా తొడగడానికి ప్రయత్నిస్తుంది.అయితే అదే సమయంలో సూరజ్ ఒక్కసారిగా అక్కడి నుంచి లేచి వెళ్లిపోతాడు. అతని ప్రవర్తనతో జ్యోత్స్నకు మరింత బాధ కలుగుతుంది. ముహూర్తం ఎలాంటిదో, ఈ ఘడియ నిజంగా మంచిదో కాదో తెలియదని సూరజ్ అంటాడు. ఈ ముహూర్తం తమకు చెడుకు దారి తీస్తే పరిస్థితి ఏమవుతుందని ప్రశ్నించడంతో జ్యోత్స్న షాక్ అవుతుంది.తన ప్రేమను అర్థం చేసుకోవడం లేదని బాధపడిన జ్యోత్స్న.. ఈరోజు నీకు ఏమైందో తనకు అర్థం కావడం లేదని అంటుంది. నీకు తనపై ప్రేమ లేదని కోపంగా అక్కడి నుంచి వెళ్లిపోతుంది. దీంతో సూరజ్ కూడా ఆలోచనలో పడిపోతాడు.ఇలా కార్తీక దీపం 2 ఆగస్టు 21 ఎపిసోడ్ సూరజ్, జ్యోత్స్నల మధ్య పెరుగుతున్న దూరం, పెళ్లిపై సూరజ్ వ్యక్తం చేస్తున్న అనుమానాలు, మరోవైపు జ్యోత్స్న చూపిస్తున్న గాఢమైన ప్రేమతో ఉత్కంఠగా ముగిసింది. అసలు సూరజ్ పెళ్లికి అభ్యంతరం ఏమిటి? జ్యోత్స్నతో ఎంగేజ్‌మెంట్‌ను ఎందుకు నిరాకరించాడు? ముహూర్తం తమకు చెడు చేస్తుందని అతను ఎందుకు అన్నాడు? అనే ప్రశ్నలకు సమాధానం కోసం తదుపరి ఎపిసోడ్‌పై ఆసక్తి పెరిగింది.