Pawan Kalyan : ఎవ్వరి వల్లా కానిది సాధించాడు రా .. పవన్ కళ్యాణ్ మొనగాడు నిజంగా..!
Pawan Kalyan : ఆంధ్రప్రదేశ్ ప్రభుత్వం కేంద్రంతో సమన్వయం పెంచుకుంటూ రాష్ట్రానికి కీలకమైన ప్రాజెక్టులు, పథకాలను తీసుకురావడంలో మరోసారి సక్సెస్ సాధించింది. తాజాగా దేశవ్యాప్తంగా అమలు చేయనున్న “వికసిత్ భారత్ గ్యారంటీ ఫర్ రోజ్గార్ అండ్ అజీవికా మిషన్-గ్రామీణ్” (VB-G RAM G) అనే జాతీయ స్థాయి పథకాన్ని ఆంధ్రప్రదేశ్ నుంచే ప్రారంభించేందుకు కేంద్ర ప్రభుత్వం నిర్ణయించడం విశేషం. ఈ పథకాన్ని ఏపీలో ప్రారంభించడంలో డిప్యూటీ సీఎం పవన్ కళ్యాణ్ కీలక పాత్ర పోషించినట్లు రాజకీయ వర్గాలు పేర్కొంటున్నాయి.జులై 2వ తేదీన తిరుపతి జిల్లాలోని ముక్కావారిపల్లి గ్రామంలో ఈ పథకాన్ని ఘనంగా ప్రారంభించనున్నారు. గ్రామీణ కుటుంబాల జీవనోపాధిని మెరుగుపరచడం, ఉపాధి అవకాశాలను పెంచడం, గ్రామీణ ప్రాంతాల్లో ఆర్థికాభివృద్ధిని వేగవంతం చేయడం ఈ పథకం ప్రధాన లక్ష్యంగా ఉంది.ఇటీవల ఢిల్లీలో పర్యటించిన డిప్యూటీ సీఎం పవన్ కళ్యాణ్, కేంద్ర గ్రామీణాభివృద్ధి శాఖ మంత్రిని కలిసి ఈ పథకాన్ని ఏపీ నుంచే ప్రారంభించాలని ప్రత్యేకంగా విజ్ఞప్తి చేసినట్లు సమాచారం. పవన్ విజ్ఞప్తిని సానుకూలంగా పరిశీలించిన కేంద్ర ప్రభుత్వం చివరకు ఆంధ్రప్రదేశ్ను తొలి రాష్ట్రంగా ఎంపిక చేసింది. దీంతో రాష్ట్ర ప్రభుత్వ వర్గాల్లో ఆనందం వ్యక్తమవుతోంది.
Pawan Kalyan : ఎవ్వరి వల్లా కానిది సాధించాడు రా .. పవన్ కళ్యాణ్ మొనగాడు నిజంగా..!
Pawan Kalyan : గ్రామీణ కుటుంబాలకు 125 రోజుల ఉపాధి హామీ.. VB-G RAM G పథకం ప్రత్యేకతలు ఇవే
ఈ కార్యక్రమానికి కేంద్ర గ్రామీణాభివృద్ధి శాఖ మంత్రి శివరాజ్ సింగ్ చౌహాన్, ముఖ్యమంత్రి చంద్రబాబు నాయుడు, డిప్యూటీ సీఎం పవన్ కళ్యాణ్తో పాటు పలువురు ప్రజాప్రతినిధులు హాజరుకానున్నారు. రాష్ట్ర పంచాయతీరాజ్, గ్రామీణాభివృద్ధి శాఖ అధికారులు ఇప్పటికే ఏర్పాట్లను వేగవంతం చేశారు.VB-G RAM G పథకం ద్వారా గ్రామీణ ప్రాంతాల్లో నివసించే అర్హులైన కుటుంబాలకు సంవత్సరానికి 125 రోజుల వరకు చట్టబద్ధమైన వేతన ఉపాధి కల్పించనున్నారు. ఈ పథకం కింద అందించే వేతనాలను నేరుగా లబ్ధిదారుల బ్యాంకు లేదా పోస్టాఫీస్ ఖాతాల్లో జమ చేసే విధానాన్ని అమలు చేయనున్నారు. పారదర్శకత, వేగవంతమైన సేవలందించడం ఈ పథకం ప్రత్యేకతగా నిలవనుంది.జాబ్ కార్డు లేని గ్రామీణ కుటుంబాలు స్థానిక గ్రామ పంచాయతీ కార్యాలయంలో నమోదు చేసుకుని ఈ పథకంలో భాగస్వాములు కావచ్చు. గ్రామీణ యువత, మహిళలు, కార్మికులకు ఈ పథకం ద్వారా పెద్దఎత్తున ప్రయోజనం కలగనుంది.
గ్రామీణ ప్రాంతాల్లో మౌలిక సదుపాయాల అభివృద్ధి, ఉపాధి కల్పన, ఆదాయ వృద్ధి, జీవన ప్రమాణాల మెరుగుదల వంటి అంశాలకు ఈ పథకం దోహదపడనుంది. గ్రామీణ ఆర్థిక వ్యవస్థను బలోపేతం చేయడంతో పాటు పేద కుటుంబాలకు ఆర్థిక భద్రతను కల్పించడం దీని ప్రధాన ఉద్దేశ్యం.గతంలో మహాత్మాగాంధీ జాతీయ గ్రామీణ ఉపాధి హామీ పథకం (MGNREGA) కూడా ఆంధ్రప్రదేశ్లోని అనంతపురం జిల్లా నుంచే ప్రారంభమైంది. ఇప్పుడు మరోసారి కొత్త జాతీయ పథకం కూడా ఏపీ నుంచే ప్రారంభం కావడం రాష్ట్రానికి ప్రత్యేక గుర్తింపును తీసుకువచ్చిందని రాజకీయ విశ్లేషకులు అభిప్రాయపడుతున్నారు.కేంద్ర ప్రభుత్వం ఏపీకి ప్రాధాన్యత ఇవ్వడం, రాష్ట్ర నాయకత్వం కేంద్రంతో సమర్థవంతమైన సమన్వయం కొనసాగించడం వల్లే ఈ అవకాశం లభించిందని రాజకీయ వర్గాలు చెబుతున్నాయి. ముఖ్యంగా పవన్ కళ్యాణ్ చొరవతో ఈ పథకం రాష్ట్రానికి దక్కడం జనసేన శ్రేణుల్లో ఉత్సాహాన్ని నింపింది.గ్రామీణాభివృద్ధికి కొత్త ఊపిరి పోసే ఈ పథకం అమలుతో లక్షలాది గ్రామీణ కుటుంబాలకు ప్రత్యక్ష లబ్ధి చేకూరే అవకాశం ఉందని అధికారులు అంచనా వేస్తున్నారు. రాష్ట్రంలోని పేద, నిరుద్యోగ గ్రామీణ కుటుంబాలకు ఇది వరంలా మారనుందని భావిస్తున్నారు.