Sanathana Dharmam : అర్జంటు గా ఆపని చేయండి.. హిందువులు అందరికీ పవన్ కళ్యాణ్ పిలుపు

Pawan Kalyan : ఏపీలో తిరుమల లడ్డూ ప్రసాదం నెయ్యి కల్తీ వ్యవహారం రాజకీయంగానే కాకుండా ఆధ్యాత్మికంగానూ పెను దుమారం రేపుతోంది. ఈ అంశంపై సుప్రీంకోర్టు ఆదేశాల మేరకు జరిగిన సిట్ విచారణ తాజాగా దాఖలైన ఛార్జిషీట్ నివేదికలపై ఉత్కంఠ కొనసాగుతుండగానే, ఉప ముఖ్యమంత్రి పవన్ కళ్యాణ్ హిందూ సమాజానికి ఒక భావోద్వేగపూరితమైన పిలుపునిచ్చారు. దేవాలయాల పవిత్రతకు భంగం కలిగినప్పుడు, ప్రసాదాలు అపవిత్రం చేయబడినప్పుడు భక్తులు మౌనంగా ఉండటం సరికాదని ఆయన అభిప్రాయపడ్డారు. “కర్మ చూసుకుంటుందిలే” అని సరిపెట్టుకోకుండా, ధర్మానికి ముప్పు వాటిల్లినప్పుడు గళం విప్పాల్సిన బాధ్యత ప్రతి హిందువుపై ఉందని పవన్ స్పష్టం చేశారు.

Sanathana Dharmam : అర్జంటు గా ఆపని చేయండి . హిందువులు అందరికీ పవన్ కళ్యాణ్ పిలుపు

సనాతన ధర్మం విషయంలో అందరం ఒక్కటే

పవన్ కళ్యాణ్ తన సందేశంలో హిందువుల మధ్య ఉన్న ‘అలసత్వం’ గురించి లోతుగా విశ్లేషించారు. మన దేశంలో కులం, ప్రాంతం, భాషల పేరుతో మనం విడిపోయి ఉండవచ్చు, కానీ సనాతన ధర్మం విషయంలో అందరం ఒక్కటేనని ఆయన గుర్తు చేశారు. హిందూ దేవతలను అవమానించినప్పుడు లేదా ధర్మాన్ని ఎగతాళి చేసినప్పుడు మౌనంగా ఉండటం మన బలహీనతగా మారుతుందని, ఆ వేదనను బహిరంగంగా వ్యక్తపరచాలని కోరారు. భక్తులు కేవలం పూజలకే పరిమితం కాకుండా, ధర్మ పరిరక్షకులుగా మారాలని ఆయన పిలుపునిచ్చారు. ఈ పోరాటం ఇతర మతాలకు వ్యతిరేకం కాదని, కేవలం మన ఆత్మగౌరవాన్ని, మన విశ్వాసాన్ని కాపాడుకోవడమేనని ఆయన తేల్చి చెప్పారు.

కల్తీ వ్యవహారంపై ప్రత్యేక విచారణ కమిటీ

ప్రస్తుతం ఈ కల్తీ వ్యవహారంపై ప్రభుత్వం ఒక ప్రత్యేక విచారణ కమిటీని ఏర్పాటు చేసే దిశగా అడుగులు వేస్తోంది. ఒకవైపు న్యాయస్థానాల్లో ప్రక్రియ కొనసాగుతుండగా, మరోవైపు పవన్ కళ్యాణ్ చేస్తున్న ఈ వ్యాఖ్యలు రాష్ట్రంలో సరికొత్త చర్చకు దారితీశాయి. హిందూ ధర్మంపై దాడి జరిగినప్పుడు అందరూ ఐక్యంగా స్పందించాలనే ఆయన పిలుపు సామాజిక మాధ్యమాల్లో వైరల్‌గా మారింది. రాజకీయాలకు అతీతంగా భక్తుల మనోభావాలను గౌరవిస్తూ, భవిష్యత్తులో ఇలాంటి అపవిత్ర పనులు జరగకుండా అడ్డుకోవడమే లక్ష్యంగా ఈ ‘ధార్మిక ఉద్యమం’ సాగుతోంది.