AP Influencer Policy : ఏపీ ఇన్ఫ్లుయెన్సర్లకు గుడ్న్యూస్.. లక్ష ఫాలోవర్లు ఉంటే రూ.15 వేల వరకు!
Authored By Ramu Tandu Ramalingaiah
| The Telugu News |
Published on: September 24, 2026, 6:00 am
AP Influencer Policy : ఆంధ్రప్రదేశ్లో సోషల్ మీడియా ఇన్ఫ్లుయెన్సర్లు, కంటెంట్ క్రియేటర్లకు సంబంధించి రాష్ట్ర ప్రభుత్వం కొత్త విధానానికి శ్రీకారం…
AP Influencer Policy : ఆంధ్రప్రదేశ్లో andhra pradesh సోషల్ మీడియా ఇన్ఫ్లుయెన్సర్లు, కంటెంట్ క్రియేటర్లకు సంబంధించి రాష్ట్ర ప్రభుత్వం కొత్త విధానానికి శ్రీకారం చుట్టింది. సోషల్ మీడియా ఇన్ఫ్లుయెన్సర్ల ఎంప్యానెల్మెంట్ పాలసీకి ఏపీ క్యాబినెట్ ఆమోదం తెలిపింది. ప్రభుత్వ కార్యక్రమాలు, సంక్షేమ పథకాలు, అభివృద్ధి పనులకు సంబంధించిన సమాచారాన్ని డిజిటల్ ప్లాట్ఫామ్ల ద్వారా మరింత విస్తృతంగా ప్రజల్లోకి తీసుకెళ్లడం ఈ విధానం ప్రధాన ఉద్దేశమని ప్రభుత్వం తెలిపింది.ఎంప్యానెల్మెంట్ ప్రక్రియను సులభంగా, పారదర్శకంగా నిర్వహించేందుకు ప్రత్యేక యాప్ను అందుబాటులోకి తీసుకురానున్నట్లు రిపోర్టులు చెబుతున్నాయి. ఇన్ఫ్లుయెన్సర్లు, కంటెంట్ క్రియేటర్లు ఆ యాప్లో తమ వివరాలను నమోదు చేసుకోవాల్సి ఉంటుంది. దరఖాస్తులు, సోషల్ మీడియా ఖాతాలకు సంబంధించిన వివరాలను పరిశీలించి వెరిఫికేషన్ పూర్తయిన తర్వాత అర్హులైన వారికి గుర్తింపు కోసం ID కార్డులు ఇవ్వనున్నట్లు సమాచారం.
AP Influencer Policy : ఏపీ ఇన్ఫ్లుయెన్సర్లకు గుడ్న్యూస్.. లక్ష ఫాలోవర్లు ఉంటే రూ.15 వేల వరకు!
AP Influencer Policy ఫాలోవర్ల ఆధారంగా నాలుగు కేటగిరీలు.. గరిష్ఠంగా రూ.15 వేలు
కొత్త విధానంలో కేవలం ఫాలోవర్ల సంఖ్యనే కాకుండా ఇన్ఫ్లుయెన్సర్ రీచ్, కంటెంట్ పనితీరు, విశ్వసనీయత వంటి అంశాలను కూడా పరిగణనలోకి తీసుకునే అవకాశం ఉంది. ఎంపికైన వారిని వివిధ కేటగిరీలుగా విభజించి ప్రభుత్వ ప్రచార కార్యక్రమాల్లో భాగస్వాములను చేయనున్నారు. అందుబాటులో ఉన్న వివరాల ప్రకారం కేటగిరీ-Aలో లక్షకు పైగా ఫాలోవర్లు ఉన్న వారికి నెలకు గరిష్ఠంగా రూ.15,000 వరకు చెల్లింపు ఉంటుంది. కేటగిరీ-Bలో 50,000 నుంచి 99,999 ఫాలోవర్లు ఉన్నవారికి రూ.7,500, కేటగిరీ-Cలో 25,000 నుంచి 49,999 ఫాలోవర్లు ఉన్నవారికి రూ.5,000, కేటగిరీ-Dలో 10,000 నుంచి 24,999 ఫాలోవర్లు ఉన్నవారికి రూ.2,500 వరకు చెల్లించనున్నట్లు రిపోర్టులు పేర్కొంటున్నాయి. అర్హత సాధించిన వారికి ఈ మొత్తాలను బ్యాంకు ఖాతాల్లో జమ చేయనున్నట్లు మంత్రి పార్థసారథి వెల్లడించారు. ప్రతి వీడియో లేదా ప్రచార కంటెంట్కు నిర్దిష్ట నిబంధనలు, షరతులు వర్తించే విధంగా పాలసీ రూపొందిస్తున్నట్లు సమాచారం. వీడియోలకు వచ్చే వ్యూస్, సోషల్ మీడియా అకౌంట్ రీచ్, ఫాలోవర్ల సంఖ్య, కంటెంట్ నాణ్యత వంటి అంశాలకు ప్రాధాన్యం ఉండనుంది.
Also Read : Pawan Kalyan : స్థానిక ఎన్నికల్లో జనసేన కొత్త వ్యూహం.. టీడీపీపై పోటీ..?
ప్రభుత్వ పథకాల ప్రచారంలో ఇన్ఫ్లుయెన్సర్లకు కొత్త పాత్ర
ఈ పాలసీ ద్వారా ప్రభుత్వ సంక్షేమ పథకాలు, అభివృద్ధి కార్యక్రమాలు, ప్రజలకు అందుబాటులో ఉన్న సేవలకు సంబంధించిన సమాచారాన్ని Instagram, YouTube, Facebook వంటి సోషల్ మీడియా వేదికల ద్వారా మరింత వేగంగా చేరవేయాలని ప్రభుత్వం భావిస్తోంది. ముఖ్యంగా ఇప్పటికే నిర్దిష్ట ప్రాంతాలు లేదా వర్గాల్లో మంచి రీచ్ ఉన్న కంటెంట్ క్రియేటర్లను ఉపయోగించడం ద్వారా సంబంధిత ఆడియన్స్ను నేరుగా చేరుకోవచ్చనే ఆలోచన ఈ విధానం వెనుక ఉంది. ఇక రాష్ట్రంలో అధికార కూటమి, విపక్ష వైసీపీ మధ్య సోషల్ మీడియా వేదికలపై రాజకీయ ప్రచారం తీవ్రంగా సాగుతున్న నేపథ్యంలో ఈ పాలసీపై రాజకీయ కోణంలోనూ చర్చ మొదలైంది. కొన్ని మీడియా కథనాలు దీనిని సోషల్ మీడియా రాజకీయ పోటీతో అనుసంధానించాయి. అయితే క్యాబినెట్ అనంతరం ప్రభుత్వం వెల్లడించిన ప్రధాన ఉద్దేశం మాత్రం ప్రభుత్వ కార్యక్రమాలు, విధానాలు, ప్రజా సమాచారాన్ని మరింత విస్తృతంగా చేరవేయడం అని పేర్కొంది.ఈ విధానం ద్వారా చిన్న, మధ్యస్థాయి కంటెంట్ క్రియేటర్లకు కూడా ప్రభుత్వ ప్రచార కార్యక్రమాల్లో భాగస్వామ్యం అయ్యే అవకాశం లభించవచ్చు. అయితే ఎవరు అర్హులు? ఏ ప్లాట్ఫామ్లకు పాలసీ వర్తిస్తుంది? ఒక నెలలో ఎన్ని ప్రచార పోస్టులు చేయాలి? కంటెంట్కు ఎలాంటి నిబంధనలు ఉంటాయి? వంటి పూర్తి వివరాలు అధికారిక మార్గదర్శకాలు విడుదలైన తర్వాతే స్పష్టత వచ్చే అవకాశం ఉంది.
Also read
