Gold Rate Today : పసిడి ప్రియులకు గుడ్‌న్యూస్‌.. వేల‌ల్లో తగ్గిన బంగారం , వెండి ధరలు.. ఈ రోజు ఎంతంటే !

Gold Rate Today : బంగారం, Goldd వెండి Silver  ధరల్లో గత కొద్దీ రోజులుగా కొనసాగుతున్న పెరుగుదలకు ఒక్కసారిగా బ్రేక్ పడింది. అంతర్జాతీయ మార్కెట్లో చోటుచేసుకున్న అనూహ్య పరిణామాల వల్ల పసిడి ధరలు చరిత్రలో ఎన్నడూ లేని విధంగా భారీగా కుప్పకూలాయి. ఈ రికార్డు స్థాయి పతనం కొనుగోలుదారులకు పెద్ద ఊరటనిస్తోంది.

Gold Rate Today : పసిడి ప్రియులకు గుడ్‌న్యూస్‌.. వేల‌ల్లో తగ్గిన బంగారం , వెండి ధరలు.. ఈ రోజు ఎంతంటే !

Gold Rate Today on January 31st 2026 అంతర్జాతీయ మార్కెట్లో ప్రకంపనలు

అంతర్జాతీయ మార్కెట్లో బంగారం ధరలు ఆల్ టైమ్ హై నుంచి ఒకేసారి 15 శాతం పతనం కావడం ఇన్వెస్టర్లను విస్మయానికి గురిచేసింది. గడిచిన రెండు రోజుల్లో స్పాట్ గోల్డ్ రేటు ఔన్సుకు 5,600 డాలర్ల నుంచి 4,885 డాలర్ల స్థాయికి పడిపోయింది. దీనికి ప్రధాన కారణం అమెరికా డాలర్ విలువ పుంజుకోవడం మరియు గరిష్ఠ స్థాయిల వద్ద ఇన్వెస్టర్లు భారీగా లాభాల స్వీకరణకు (Profit Booking) దిగడమే. వెండి పరిస్థితి మరింత దారుణంగా ఉంది; ఇది రికార్డు స్థాయి నుంచి ఏకంగా 30 శాతం కుదేలై, 120 డాలర్ల నుంచి 85 డాలర్ల మార్కుకు చేరుకుంది. అంతర్జాతీయంగా చోటుచేసుకున్న ఈ ‘గోల్డ్ క్రాష్’ ప్రభావం నేరుగా దేశీయ మార్కెట్లపై పడింది.

Gold Rate Today on January 31st 2026 హైదరాబాద్ మార్కెట్లో భారీగా తగ్గిన ధరలు

హైదరాబాద్ మార్కెట్లో బంగారం ధరలు నేలచూపులు చూస్తున్నాయి. ఈరోజు ఒక్కరోజే 22 క్యారెట్ల బంగారం ధర రూ. 8,850 తగ్గి తులం (10 గ్రాములు) రూ. 1,55,100 వద్దకు చేరింది. అలాగే 24 క్యారెట్ల స్వచ్ఛమైన బంగారం ధర రూ. 9,650 క్షీణించి రూ. 1,69,200 వద్ద కొనసాగుతోంది. వెండి ధర కూడా కిలోకు రూ. 20,000 తగ్గి ప్రస్తుతం రూ. 4.05 లక్షల వద్ద ఉంది. ధరలు మరింత తగ్గే అవకాశం ఉందని మార్కెట్ నిపుణులు అంచనా వేస్తున్నారు.

కొనుగోలుదారులకు ఇది సరైన సమయమేనా? సాధారణంగా అంతర్జాతీయ ఉద్రిక్తతలు ఉన్నప్పుడు పెరిగే బంగారం ధరలు, ఇప్పుడు డాలర్ బలోపేతం కావడంతో ఒక్కసారిగా అదుపులోకి వచ్చాయి. పెళ్లిళ్ల సీజన్ ప్రారంభం కానున్న తరుణంలో ఈ భారీ తగ్గింపు సామాన్యులకు శుభవార్త అనే చెప్పాలి. అయితే, ఈ పతనం ఇక్కడితో ఆగుతుందా లేక మళ్లీ పుంజుకుంటుందా అనేది ఆసక్తికరంగా మారింది. ధరలు ఇంకా తగ్గే అవకాశం ఉందని భావిస్తున్న వారు శనివారం మధ్యాహ్నం వరకు వేచి చూడటం ఉత్తమం. మార్కెట్ చరిత్రలోనే ఒక్కరోజులో ఈ స్థాయిలో ధరలు తగ్గడం ఇదే మొదటిసారి కావడంతో, జ్యువెలరీ షాపుల వద్ద సందడి పెరిగే అవకాశం ఉంది.