Maha Shivaratri 2026 : శివనామ స్మరణతో మార్మోగుతున్న శైవక్షేత్రాలు

Maha Shivaratri 2026 : మహాశివరాత్రి Maha Shivaratri పర్వదినాన్ని పురస్కరించుకుని దేశవ్యాప్తంగా శైవక్షేత్రాలు భక్తి పారవశ్యంలో మునిగిపోయాయి. రెండు తెలుగు రాష్ట్రాల్లోని ప్రముఖ ఆలయాలు తెల్లవారుజాము నుంచే ‘ఓం నమః శివాయ’ అనే పంచాక్షరీ మంత్రంతో మారుమోగుతున్నాయి. భక్తులు నదీ స్నానాలు ఆచరించి, శంభో శంకర అంటూ శివలింగాలకు అభిషేకాలు, ప్రత్యేక పూజలు నిర్వహిస్తున్నారు. ప్రతి ఏటా వచ్చే శివరాత్రి కంటే ఈసారి భక్తుల రద్దీ ఊహించని విధంగా పెరగడంతో, ఆలయ ప్రాంగణాలన్నీ కిక్కిరిసిపోయి కోలాహలంగా కనిపిస్తున్నాయి.

Maha Shivaratri 2026 : శివనామ స్మరణతో మార్మోగుతున్న శైవక్షేత్రాలు..!

Maha Shivaratri 2026 శ్రీశైలంలో బ్రహ్మోత్సవాల వైభవం

ద్వాదశ జ్యోతిర్లింగాలలో ఒకటైన శ్రీశైల క్షేత్రంలో మహాశివరాత్రి వేడుకలు అత్యంత కనువిందుగా సాగుతున్నాయి. భ్రమరాంబ సమేత మల్లికార్జున స్వామివారిని దర్శించుకునేందుకు భక్తులు తెల్లవారుజామున 2:30 గంటల నుంచే క్యూలైన్లలో వేచి ఉన్నారు. ఈ పర్వదినాన స్వామివారికి జరిగే విశేష కార్యక్రమాల్లో భాగంగా సాయంత్రం 5:00 గంటలకు ప్రభోత్సవం, రాత్రి 7:00 గంటలకు జగద్గురు పీఠాధిపతుల ఆధ్వర్యంలో జరిగే ప్రత్యేక అభిషేకాలు ప్రధాన ఆకర్షణగా నిలవనున్నాయి. నంది వాహన సేవలో స్వామి అమ్మవార్లు భక్తులకు దర్శనమివ్వనుండటంతో క్షేత్రమంతా ఆధ్యాత్మిక శోభ సంతరించుకుంది.

Maha Shivaratri 2026 అర్ధరాత్రి వేళ పాగాలంకరణ – కల్యాణోత్సవం

శివరాత్రి పర్వదినాన శ్రీశైలంలో అత్యంత కీలకమైన ఘట్టం లింగోద్భవ కాల మహన్యాస పూర్వక ఏకాదశ రుద్రాభిషేకం. రాత్రి 10:00 గంటల నుంచి 12:00 గంటల వరకు స్వామివారి ఆలయ విమాన గోపురానికి అత్యంత భక్తిశ్రద్ధలతో ‘పాగాలంకరణ’ చేయనున్నారు. అనంతరం అర్ధరాత్రి 12:00 గంటలకు స్వామి అమ్మవార్లకు వైభవంగా బ్రహ్మోత్సవ కల్యాణాన్ని నిర్వహించనున్నారు. ఈ వేడుకలను వీక్షించేందుకు వచ్చే భక్తుల సౌకర్యార్థం ఆలయ కమిటీ ప్రతి ఒక్కరికీ 50 గ్రాముల లడ్డూ ప్రసాదాన్ని ఉచితంగా పంపిణీ చేస్తోంది. ఈ అపూర్వ ఘట్టాన్ని కళ్లారా చూసేందుకు వేలాది మంది భక్తులు క్షేత్రంలోనే జాగరణ చేస్తున్నారు.