Liger Movie : లైగ‌ర్‌పై పెద్ద కుట్రే జ‌రిగింది…ఇప్పుడిప్పుడే బ‌య‌ట‌కు వ‌స్తున్న సంచ‌ల‌న విష‌యాలు

Liger Movie : విజ‌య్ దేవ‌ర‌కొండ‌, పూరీ జ‌గ‌న్నాథ్ కాంబినేష‌న్‌లో భారీ బడ్జెట్‌తో తెర‌కెక్కిన చిత్రం లైగ‌ర్. బాక్సింగ్ నేప‌థ్యంలో వ‌చ్చిన ఈ చిత్రం పెద్ద విజ‌యం సాధిస్తుంద‌ని అనుకున్నారు. ప్రపంచ బాక్సింగ్ లెజెండ్ మైక్ టైస‌న్ కీ రోల్‌లో న‌టించిన ఈ సినిమాలో బాలీవుడ్ బ్యూటీ అనన్య పాండే కథానాయికగా నటించారు. భారీ అంచనాల మధ్య ఆగష్టు 25న విడుదల అయిన లైగర్‌ సినిమా బాక్సాఫీస్ వ‌ద్ద ఆశించిన స్థాయిలో స‌క్సెస్ అందుకోలేక‌పోయింది. మొదటి షో నుంచే నెగటివ్ టాక్ రావడంతో కలెక్షన్స్‌పై భారీ ప్రభావం చూపింది.

Liger Movie : లైగ‌ర్ కాంట్ర‌వ‌ర్సీ..

ఇటీవ‌ల కాలంలో ఆచార్య త‌ర్వాత అంత పెద్ద డిజాస్ట‌ర్ విజ‌య్ దేవ‌ర‌కొండ లైగ‌ర్‌. ఈ సినిమా ఏకంగా 65 – 70 శాతం భారీ న‌ష్టాలు తెచ్చిపెట్టిందంటున్నారు. అయితే ఈ సినిమాపై ఎప్పుడూ లేనంత‌గా సోష‌ల్ మీడియాలో కూడా నెగ‌టివ్ టాక్ భారీ ఎత్తునే న‌డిచింది. నైజాంకు చెందిన వ‌రంగ‌ల్ శ్రీను ఈ సినిమాకు కొంద‌రు కావాల‌నే వెన్నుపోటు పొడిచార‌ని అంటున్నారు. ఓ ఆంగ్ల దిన‌ప‌త్రిక‌కు ఇచ్చిన ఇంట‌ర్వ్యూలో శ్రీను సంచ‌ల‌న విష‌యాలు మాట్లాడారు. టాలీవుడ్ సినిమా ప‌రిశ్ర‌మ చాలా చెడ్డ ద‌శ‌లో ఉంద‌ని.. కొంద‌రు న‌టుల‌తో పాటు, డైరెక్ట‌ర్ల‌ను కూడా బ్యాన్ చేసేందుకు పెద్ద ఎత్తున కుట్ర‌లు జ‌రుగుతున్నాయ‌ని చెప్పారు.

A Big Story Behind Liger Movie Secrets Revealing

న‌టులు, ద‌ర్శ‌కుల మీద వ్య‌క్తిగ‌త క‌క్ష‌ల‌తో జ‌రిగే ఇలాంటి ప్ర‌చారాల వ‌ల్ల సినిమాలు త‌గ్గుతాయ‌ని… దీంతో సినిమా ప‌రిశ్ర‌మ ఆధార‌ప‌డి బ‌తికే వేలాది మంది పేద కార్మికుల కుటుంబాలు రోడ్డున ప‌డ‌తున్నాయ‌ని అన్నారు. సినిమా న‌చ్చ‌క‌పోతే న‌చ్చ‌లేద‌ని చెప్ప‌డం వ‌ర‌కు ఓకే గాని… అయితే లైగ‌ర్ రిలీజ్‌కు ముందు నుంచే ఆ సినిమాను చూడ‌కుండానే కొంద‌రు కావాల‌ని నెగ‌టివ్ ప్ర‌చారం గ‌ట్టిగా చేశారు అని వాపోయాడు. లైగ‌ర్ సినిమా క్లైమాక్స్ చివ‌రి 7-10 నిమిషాలు బాగోలేద‌ని.. సినిమా ఉండాల్సినంత లేక‌పోవ‌డంతో సినిమా ప్లాప్ అయ్యింద‌ని చెప్పాడు. అయితే సినిమాకి నెగెటివ్ ప్రచారం చేసిన వారెవ‌రు అనే విష‌యం చర్చ‌కు రాగా, మెల్ల‌మెల్ల‌గా ఒక్కో విష‌యం బ‌య‌ట‌కు వ‌స్తుంది.