Chiranjeevi : మెగాస్టార్ చిరంజీవితో మాస్ మహారాజ.. పాన్ ఇండియన్ రేంజ్‌లో భారీ మల్టీస్టారర్..?

Chiranjeevi : మెగాస్టార్ చిరంజీవితో ఏ హీరో అయినా స్క్రీన్ షేర్ చేసుకోవాలని ఎంతగానో ఎదురు చూస్తుంటారు. ఆయనతో ఒక్క ఫ్రేం లో కనిపించినా చాలనుకునే స్టార్ హీరోలున్నారు. అది కేవలం మన టాలీవుడ్ మాత్రమే కాదు బాలీవుడ్ సహా మిగతా సౌత్ భాషలలో ఉన్న స్టార్స్ అందరూ చిరుతో చిన్న సీన్ చేయాలనుకుంటారు. అయితే ఇప్పటికే చాలాసార్లు చిరంజీవితో రవితేజ నటిస్తాడని వార్తలు వచ్చాయి. వాస్తవంగా శంకర్ దాదా సినిమాలో కూడా శ్రీకాంత్‌కి బదులు రవితేజనే చేయాల్సింది.

కానీ ఆ సమయంలో రవితేజ వరుసగా సినిమాలు చేస్తూ చాలా బిజీగా ఉండటం వల్ల చిరు-రవితేజ కాంబినేషన్ సెట్ కాలేదు. అయితే అన్నయ్య సినిమాలో చిరుకి తమ్ముడిగా నటించాడు రవితేజ. ‘శంకర్ దాదా జిందాబాద్’ సినిమాలో మెగాస్టార్ ఆఫర్ చేసిన ఫుల్ లెంగ్త్ క్యారెక్టర్ కాకుండా కొన్ని క్షణాలు మెరిశాడు. అయితే ఇప్పుడు మరోసారి చిరంజీవి – రవితేజ కలిసి భారీ మల్టీస్టారర్‌గా రూపొందనున్న సినిమాలో నటించబోతున్నట్టు ప్రస్తుతం సోషల్ మీడియాలో ఓ న్యూస్ వచ్చి బాగా వైరల్ అవుతోంది. ప్రస్తుతం రవితేజ ఖిలాడి, రామారావు సినిమాలు చేస్తున్నాడు. ఆ తర్వాత త్రినాథరావు నక్కిన దర్శకత్వంలో సినిమా చేయనున్నాడు.

Chiranjeevi : వాల్తేరు వీరయ్య అనే టైటిల్ పరిశీలిస్తున్నారు.

ఆ తర్వాత మెగాస్టార్.. బాబి దర్శకత్వంలో నటించబోతున్న సినిమాలో రవితేజ నటించనున్నాడట. వాల్తేరు వీరయ్య అనే టైటిల్ పరిశీలిస్తున్నారు. ఇటీవలే ఆచార్య పూర్తి చేసిన మెగాస్టార్, ప్రస్తుతం మోహన్ రాజా దర్శకత్వంలో గాడ్ ఫాదర్ సినిమా చేస్తున్నారు. ఇటీవలే ఊటీలో షెడ్యూల్ మొదలైంది. ఆ తర్వాత మెహర్ రమేశ్ దర్శకత్వంలో భోళా శంకర్, బాబీ దర్శకత్వంలో తెరకెక్కనున్న సినిమాలు మొదలవనున్నాయి. ఈ క్రమంలోనే బాబి – మెగాస్టార్ కాంబినేషన్‌లో రూపొందనున్న సినిమాలో రవితేజ ముఖ్య పాత్ర చేయనున్నారట. త్వరలో దీనికి సంబంధించిన అధికారిక ప్రకటన రానుందని సమాచారం.