Karthika Deepam : ఇన్నేళ్లలో ఎప్పుడూ అలా చేయలేదు.. డాక్టర్ బాబుపై భార్య సెటైర్

Karthika Deepam : డాక్టర్ బాబుగా నిరుపమ్, డాక్టర్ బాబు భార్యగా మంజుల నెట్టింట్లో సంపాదించుకున్న క్రేజ్ అంతా ఇంతా కాదు. ఇక ఈ ఇద్దరూ తెరపై నటించే తీరుకు అందరూ ఫిదా అవుతుంటారు. చంద్రముఖి సీరియల్‌తో ఈ జోడి ప్రయాణం మొదలైంది. తెరపై నుంచి నిజ జీవితంలోనూ జంటగా మారిపోయారు. ఈ మధ్య అంటే హిట్లర్ గారి పెళ్లాం సీరియల్‌లో కలిసి నటించారు.

ఇక యూట్యూబ్‌లో అయితే ఈ ఇద్దరూ తమ తమ అభిమానులను అలరిస్తూ ఉన్నారు. రకరకాల వీడియోలను షేర్ చేస్తూ అభిమానులకు ఎన్నో విషయాలను చెబుతూ ఉన్నారు. మొత్తానికి ఈ సంక్రాంతి సెలెబ్రేషన్స్‌కు సంబంధించిన వీడియోను విడుదల చేశారు. మంజుల నిరుపమ్ యూట్యూబ్ చానెల్లో వదిలిన ఈ వీడియో ఇప్పుడు నెట్టింట్లో వైరల్ అవుతోంది.

Karthika Deepam : సంక్రాంతి సెలెబ్రేషన్స్‌లో డాక్టర్ బాబు..

డాక్టర్ బాబు ఓ అపార్ట్మెంట్‌లో ఉంటాడన్న సంగతి తెలిసిందే. ఆ అపార్ట్మెంట్‌ను కూడా చాలా సార్లు చూపించారు. అక్కడకు వచ్చినా దాదాపు ఆరేడేళ్లు అవుతోందట. అయితే ఇందులోకి వచ్చిన ఇన్నేళ్లలో ఏనాడూ కూడా భోగి మంటల కోసం, సంక్రాంతి సెలెబ్రేషన్స్ కోసం ఇలా ఉదయాన్నే నిరుపమ్ లేవలేదట. కానీ ఈ సారి వీడియో కోసం, అభిమానులందరి కోసం ఇలా ఉదయాన్నే లేచి భోగి మంటలు వేశారని మంజుల చెప్పుకొచ్చింది.