Naga Chaitanya : నాగ చైత‌న్య‌కి బిగ్ షాక్ ఇచ్చిన ట్రాఫిక్ పోలీసులు..!

Naga Chaitanya : అక్కినేని నాగ చైత‌న్య వివాదాల‌కి చాలా దూరంగా ఉంటాడు. ఆయ‌న స‌మంత నుండి విడిపోయిన త‌ర్వాత సోష‌ల్ మీడియాలో కూడా పెద్ద‌గా యాక్టివ్‌గా ఉండ‌డం లేదు. అయితే నాగ చైత‌న్య‌కు తాజాగా ట్రాఫిక్ పోలీసులు ఊహించ‌ని జ‌ల‌క్ ఇచ్చారు. ఇటీవలి కాలంలో టాలీవుడ్ సెలబ్రిటీలకు వరుసపెట్టి జరిమానాలు విధిస్తున్నారు ట్రాఫిక్ పోలీసులు. నిబంధనలు అతిక్రమిస్తే సామాన్యులైనా, సెలబ్రిటీలైనా ఒక్కటేనని చెప్పకనే చెబుతున్నారు. కొద్దిరోజుల క్రితం హీరోలు ఎన్టీఆర్, అల్లు అర్జున్, కల్యాణ్ రామ్‌‌లకు కూడా ‘బ్లాక్ ఫిల్మ్’ కారణంగా ట్రాఫిక్ పోలీసులు జరిమానా విధించారు. గత వారం దర్శకుడు త్రివిక్రమ్ శ్రీనివాస్ కూడా కారుకు బ్లాక్‌ ఫిల్మ్‌తో వెళ్తుండగా… వాహనాన్ని ఆపి జరిమానా విధించారు.

తాజాగా టాలీవుడ్ హీరో నాగ చైతన్యకు హైదరాబాద్ పోలీసులు ఫైన్ వేశారు. హైదరాబాద్ జూబ్లిహిల్స్‌లో పోలీసులు తనిఖీలు నిర్వహించారు. ఈ నేపథ్యంలో నాగ చైతన్య కారుకు నిబంధనలకు విరుద్ధంగా బ్లాక్ ఫిల్మ్ అద్దాలు అమర్చి ఉండటంతో పోలీసులు బ్లాక్ ఫిల్మ్‌ను తొలిగించారు. అంతేకాదు ఈయన నడిపిస్తోన్నకారుకు రూ. 700 రూపాయల చలాన్‌ విధించారు. దీంతో పాటు ఆ దారిలో నిబంధనలకు విరుద్దంగా వెళుతున్న మరికొంత మందిపై పోలీసులు జరిమానాలు విధించారు. కేవలం ‘వై’ కేటగిరీ భద్రత ఉన్నవారికి మాత్రమే బ్లాక్ ఫిల్మ్ నుంచి మినహాయింపు ఉంది.ఈ మేరకు గతంలో సుప్రీం కోర్టు స్పష్టమైన ఆదేశాలిచ్చింది.

Naga Chaitanya fined by police

Naga Chaitanya : అడ్డంగా బుక్క‌య్యాడుగా..

ఈ నేపథ్యంలో బ్లాక్ ఫిల్మ్‌తో కనిపించే కార్లకు జరిమానా తప్పట్లేదు. ఇకనైనా సెలబ్రిటీలు రోడ్ల పైకి వచ్చే ముందు తమ వాహనాలకు బ్లాక్ ఫిల్మ్ తొలగించాలని ట్రాఫిక్ పోలీసులు సూచిస్తున్నారు. నాగ చైతన్య విషయానికొస్తే.. గత యేడాది ‘లవ్ స్టోరీ’ సినిమాతో మంచి విజయం అందుకున్నారు. కరోనా సెకండ్ వేవ్ తర్వాత టాలీవుడ్ బాక్సాఫీస్ దగ్గర మంచి వసూళ్లనే సాధించింది. ఇక ఇటీవల సంక్రాంతి కానుకగా తన తండ్రి నాగార్జునతో కలిసి ఈయన చేసిన సినిమా బంగార్రాజు. ఈ సినిమా కూడా మంచి విజయాన్ని అందుకుంది. ప్ర‌స్తుతం ఓ వెబ్ సిరీస్‌లో నటిస్తున్నారు. అమెజాన్ ప్రైమ్ కోసం ఆయన విక్రమ్ కె.కుమార్‌తో కలిసి ఓ క్రైమ్ థ్రిల్లర్ జానర్‌లో వెబ్ సిరీస్ చేస్తున్నారు.