Akira Nandan : ఓజీ కి అకీరా నంద‌న్ మ్యూజిక్.. థ‌మ‌న్ చెప్పిన ఇంట్రెస్టింగ్ విష‌యాలు..!

Akira Nandan : ప‌వ‌న్ క‌ళ్యాణ్ న‌టిస్తున్న క్రేజీ ప్రాజెక్ట్స్‌లో ఓజీ ఒక‌టి. ఈ చిత్రం ర‌న్ రాజా ర‌న్, సాహో చిత్రాల‌తో స్టార్ ద‌ర్శ‌కుడిగా పేరు తెచ్చుకున్న‌ సుజిత్ ద‌ర్శ‌క‌త్వంలో రూపొందుతుంది. జపాన్‌ బ్యాక్‌డ్రాప్‌లో గ్యాంగ్‌స్టర్‌ కథాంశంతో ఈ సినిమా సిద్ధమవుతుండ‌గా.. ఇటీవ‌లే మ‌ళ్లీ షూటింగ్ ప్రారంభించింది. ఇప్పటికే మూవీ నుంచి ఫ‌స్ట్ లుక్‌తో పాటు గ్లింప్స్ విడుద‌ల చేయ‌గా అభిమానులను అలరించాయి. బాలీవుడ్ న‌టుడు ఇమ్రాన్ హ‌ష్మీ ఒమీ భావు అనే గ్యాంగ్‌స్ట‌ర్ పాత్ర‌లో క‌నిపించ‌నున్నాడు. ఈ సినిమాలో పవన్‌కు జోడీగా ప్రియాంక అరుళ్‌ మోహన్‌ నటిస్తుంది. అర్జున్‌ దాస్‌, శ్రియా రెడ్డిలు కీలకపాత్రలు పోషిస్తున్నారు. అయితే ఈ సినిమా కోసం అకీరా నంద‌న్ ప‌ని చేయ‌నున్న‌ట్టు కొన్నాళ్లుగా ప్ర‌చారం జ‌రుగుతుంది.

Akira Nandan అకీరా ఎంట్రీకి సిద్ధం..

అకీరా నందన్ కు మ్యూజిక్ పై ఎంత ఇంట్రెస్ట్ ఉందో అందరికీ తెలిసిందే. ఆ విషయాన్ని తల్లి రేణు దేశాయ్ ఇప్పటికే పలుమార్లు తెలిపింది. రీసెంట్ గా అకీరా క్రియేట్ చేసిన వివిధ వీడియోస్ కూడా పోస్ట్ చేసింది. కానీ ఫ్యాన్స్ మాత్రం.. అకీరా హీరో అవ్వాలనే కోరుకుంటున్నారు. ఇటీవల అకీరా కెరీర్ ఏంటి అనేది తన నిర్ణయానికే వదిలేస్తామని రేణు దేశాయ్ వెల్లడించింది. దీంతో అకీరా నందన్.. హీరో మెటీరియల్ అని, అందుకే హీరోగానే అడుగు పెట్టాలనేది తమ కోరిక అని మెగా ఫ్యాన్స్ చెబుతున్నారు. మెగాస్టార్ చిరంజీవి అప్ కమింగ్ మూవీ విశ్వంభరలో అకీరా ఓ కీలక పాత్ర పోషిస్తున్నట్లు ఊహాగానాలు వ‌చ్చాయి. సినిమాలో అకీరా రోల్ ఎవరూ ఊహించని విధంగా ఉండబోతుందని టాక్ నడిచింది.

Akira Nandan : ఓజీ కి అకీరా నంద‌న్ మ్యూజిక్.. థ‌మ‌న్ చెప్పిన ఇంట్రెస్టింగ్ విష‌యాలు..!

ఇక ఇదిలా ఉంటే థ‌మ‌న్.. ఓజీకి అకీరా ప‌ని చేయ‌నున్న‌ట్టు ఓ ఆస‌క్తిక‌ర విష‌యాన్ని తెలియ‌జేశాడు. ‘ఓజీ’లోఅకీరా నందన్‌తో మ్యూజిక్ చేయించుకుంటున్నారా? అని అడ‌గ్గా.. ‘ఓజీ’లో రమణ గోగుల గారితో ఓ పాట పాడించాలని చూస్తున్నాను. అకీరా పియానో అద్భుతంగా ప్లే చేస్తాడు. ‘ఓజీ’ కోసం అకీరాను పిలుస్తాను. అకీరా చేతి వేళ్లు కూడా చాలా పెద్దగా ఉంటాయి. పర్ఫెక్ట్ పియానో ప్లే చేసే వ్యక్తిలా ఉంటాడు. రెండు నెలలు నాతో అకీరా పని చేశాడు అని థ‌మ‌న్ అన్నారు. ఈ విష‌యం తెలుసుకున్న ఫ్యాన్స్ ఫుల్ ఖుష్ అవుతున్నారు.