Ustaad Bhagat Singh : పవన్ ఫ్యాన్స్ vs మహేష్ , అల్లు అర్జున్ , ఎన్టీఆర్.. బిగ్ వార్..!
Ustaad Bhagat Singh : ఉగాది పండుగ రోజున బాక్స్ ఆఫీస్ వద్ద ఆసక్తికరమైన పోరు నెలకొంది. ప్రధానంగా రెండు సినిమాలు ప్రేక్షకుల ముందుకు వచ్చాయి. ఒకటి దేశభక్తి నేపథ్యంలో వచ్చిన దురందర్ 2 కాగా మరొకటి పవన్ కళ్యాణ్ నటించిన ఉస్తాద్ భగత్ సింగ్. అయితే సినిమా విడుదలైన మొదటి ఆట నుంచే ఫలితాల్లో స్పష్టమైన తేడా కనిపించింది. దురందర్ 2 సినిమాకు అద్భుతమైన స్పందన రావడమే కాకుండా అది ఒక బ్లాక్ బస్టర్ హిట్ అని అందరూ ప్రశంసిస్తున్నారు. మరోవైపు మన తెలుగు సినిమా ఉస్తాద్ భగత్ సింగ్ కు మాత్రం చాలా మిశ్రమ స్పందన వస్తోంది. పరిస్థితి ఎలా ఉందంటే పవన్ కళ్యాణ్ అభిమానులు సైతం ఈ సినిమా తీసిన విధానంపై దర్శకుడి మీద తీవ్ర అసహనంతో ఉన్నారు.
Ustaad Bhagat Singh : పవన్ ఫ్యాన్స్ vs మహేష్ , అల్లు అర్జున్ , ఎన్టీఆర్.. బిగ్ వార్..!
అసలు వివాదం ఇక్కడే మొదలైంది. దురందర్ 2 సినిమా చాలా బాగుందని మన టాలీవుడ్ ప్రముఖ హీరోలు అల్లు అర్జున్ మరియు మహేష్ బాబు అలాగే జూనియర్ ఎన్టీఆర్ తో పాటు విజయ్ దేవరకొండ వంటి వారు సోషల్ మీడియా వేదికగా ప్రశంసలు కురిపించారు. కానీ పవన్ కళ్యాణ్ సినిమా గురించి వారు ఎక్కడా ఒక్క మాట కూడా మాట్లాడలేదు.సొంత ఇండస్ట్రీకి చెందిన ఒక పెద్ద హీరో సినిమా విడుదలైనప్పుడు దాని గురించి పట్టించుకోకుండా ఎక్కడో హిందీ సినిమాను ప్రమోట్ చేయడం ఏమిటని పవన్ కళ్యాణ్ అభిమానులు మండిపడుతున్నారు. సోషల్ మీడియాలో నెట్టింట ఈ హీరోల మీద పెద్ద ఎత్తున విమర్శలు చేస్తున్నారు. హిందీ సినిమాలకు ఇచ్చే ప్రాధాన్యత మన తెలుగు సినిమాలకు ఎందుకు ఇవ్వరని కొందరు ప్రశ్నిస్తుంటే మరికొందరు అభిమానులు ఇంకో అడుగు ముందుకేసి తమ హీరో అంటే వీరికి కుళ్ళు అని అందుకే స్పందించడం లేదని కామెంట్స్ చేస్తున్నారు.
Ustaad Bhagat Singh టాలీవుడ్ హీరోల తీరుపై పవన్ అభిమానుల అసహనం
పవన్ కళ్యాణ్ మిగిలిన హీరోలకు అందనంత ఎత్తులో ఉన్నారని ఆ అసూయతోనే సినిమా బాగున్నా లేకపోయినా కనీసం విష్ కూడా చేయడం లేదని వారు ఆరోపిస్తున్నారు. నిజానికి ఏ హీరో అయినా ఒక సినిమాను పొగడాలి అంటే అందులో విషయం ఉండాలి. దురందర్ మొదటి భాగం హిట్ అవ్వడం మరియు రెండో భాగంలో దేశభక్తి అంశాలు ఉండటంతో దానికి సహజంగానే ఆకర్షణ పెరిగింది. కానీ ఉస్తాద్ భగత్ సింగ్ విషయంలో కథా బలం లేకపోవడం మరియు సినిమాకు నెగటివ్ టాక్ రావడం వల్ల ఇతర హీరోలు స్పందించలేకపోయి ఉండవచ్చు. సినిమా బాగుంటే తప్పకుండా అందరూ సపోర్ట్ చేస్తారు కానీ కేవలం ప్రమోషన్ కోసం పని చేసే వారు కాదు కదా అని మరికొందరు వాదిస్తున్నారు. మొత్తం మీద తమ హీరో సినిమా సరిగ్గా ఆడలేదన్న ఫ్రస్ట్రేషన్ ను అభిమానులు ఇలా వేరే హీరోలపై చూపిస్తున్నట్టు కనిపిస్తోంది.S