Varun Tej : కనివిని ఎరు‘గని’ గెటప్‌లో వరుణ్ తేజ్.. ఫస్ట్ గ్లింప్స్ ఔట్..!

Varun Tej : మెగాప్రిన్స్ వరుణ్ తేజ్ ‘ముకుంద’ చిత్రంతో టాలీవుడ్ ఎంట్రీ ఇచ్చి సినిమాలు సెలక్టివ్‌గా చేసుకుంటూ దూసుకుపోతున్నారు. వరుణ్ తేజ్ ప్రస్తుతం నటిస్తున్న చిత్రం ‘గని’. కిరణ్ కొర్రపాటి దర్శకత్వంలో వస్తున్న ఈ మూవీలో వరుణ్ తేజ్ బాక్సర్‌గా నటిస్తున్నారు.

Varun Tej Glimpse of Ghani First Punch

బాక్సింగ్ నేపథ్యంలో వస్తున్న ఈ చిత్రం వరుణ్ తేజ్ గత చిత్రాల కంటే చాలా భిన్నంగా ఉంటుందని మేకర్స్ చెప్తున్నారు. ఈ సినిమాకు సంబంధించిన ఫస్ట్ గ్లింప్స్‌ను ‘గ్లింప్స్ ఆఫ్ గని ఫస్ట్ పంచ్’ పేరిట మేకర్స్ బుధవారం విడుదల చేశారు. ఇక ఈ ఫస్ట్ గ్లింప్స్‌ను చూసి నెటిజన్లు, మెగా అభిమానులు ఆనందం వ్యక్తం చేస్తున్నారు.

ఈ సారి కూడా వరుణ్ తేజ్ కచ్చితంగా సిక్స్ కొట్టబోతున్నారని మెగా ఫ్యాన్స్ ధీమా వ్యక్తం చేస్తున్నారు. ఈ చిత్రం ద్వారా ప్రొడ్యూసర్ అల్లు అరవింద్ తనయుడు బాబీ ప్రొడ్యూసర్‌గా టాలీవుడ్ కు ఇంట్రడ్యూస్ కాబోతున్నాడు. ఈ ఫిల్మ్‌లో శాండల్ వుడ్ యాక్టర్, డైరెక్టర్ ఉపేంద్ర కీలక పాత్ర పోషించాడు.