Vidya Balan : పుష్ప మైకంలో విద్యా బాలన్.. అమ్మ‌డు స్టెప్పులేస్తే కేక పెట్టించాల్సిందే..!
Vidya Balan : పుష్ప.. పుష్ప‌రాజ్ ర‌ఫ్ఫాడించేస్తున్నాడు. ఈ సినిమా దేశ వ్యాప్తంగా ఎంత సంచలనం సృష్టించిందో ప్రత్యేకంగా చెప్పాల్సిన పనిలేదు. అల్లు అర్జున్ హీరోగా సుకుమార్ దర్శకత్వంలో తెరకెక్కిన ఈ సినిమా దేశ్యాప్తంగా అనూహ్య విజయాన్ని సాధించింది. విడుదలైన అన్ని చోట్ల భారీ విజయాన్ని దక్కించుకొని కలెక్షన్ల సునామీ సృష్టించింది. నిజానికి పుష్ప సినిమా కేవలం ప్రాంతానికి సంబంధించిన కథాంశంతో తెరకెక్కిన మూవీ, కానీ కథలో కంటెంట్‌ ఉండాలనే కానీ భాష, ప్రాంతంతో సంబంధం లేదని రుజువు చేసిందీ సినిమా. ఈ సినిమా ఓటీటీలో, బుల్లితెర‌పై సంద‌డి చేస్తున్నా కూడా క్రేజ్‌ ఇప్పటికీ తగ్గడం లేదు.
ఈ సినిమా పాటలు సోషల్ మీడియాలో మార్మోగుతూనే ఉన్నాయిఇక పుష్పలో డైలాగ్స్‌ గురించి కూడా ప్రత్యేకంగా చెప్పుకోవాలి. రాయలసీమ స్లాంగ్‌లో అల్లు అర్జున్ పలికించిన డైలాగ్‌లకు ప్రేక్షకులు ఫిదా అయ్యారు. కేవలం తెలుగులోనే కాకుండా అన్ని భాషల్లో డైలాగ్స్‌కు మంచి స్పందన వచ్చింది. ఈ సినిమా పాట‌ల‌కు, డైలాగ్స్‌కి తెగ రీల్స్ చేస్తున్నారు. సామాన్యులు, సెల‌బ్రిటీలు కూడా ఇందులో భాగం అవుతున్నారు. ముఖ్యంగా ‘శ్రీవల్లి’ పాటకు జనం ఫిదా అయిపోయారు. ఈ పాటలో బన్నీ ఎక్స్‌ప్రెషన్స్, ఆయన వేసిన ఐకానిక్ స్టెప్పు నెట్టింట ఎంత వైరల్‌గా మారాయో మనందరికీ తెలిసిందే.
vidya balan dance for pushpa song
Vidya Balan : పుష్ప మానియా..
ఇక పుష్ప స్టెప్పును ఇమిటేట్ చేస్తూ ఎంతో మంది సోషల్ మీడియాలో రీల్స్, వీడియోలు చేస్తూ హంగామా చేస్తూ వచ్చారుడ‌ర్టీ బ్యూటీ విద్యా బాలన్ వేసిన శ్రీవల్లి స్టెప్స్ వీడియో సోషల్ మీడియాలో హల్‌చల్ చేస్తోంది. ఆమె అభిమానులు ఈ వీడియోను తెగ షేర్ చేస్తూ పుష్ప చిత్రం క్రేజ్‌ను మరోసారి వైరల్ చేస్తున్నారు. విద్యా బాలన్ త‌గ్గేదే లే అంటూ భ‌లే కేక పెట్టించిందిగా అంటూ కామెంట్స్ చేస్తున్నారు. ఇక పుష్ప చిత్రానికి సీక్వెల్‌గా పుష్ప పార్ట్ 2 కూడా త్వరలో పట్టాలెక్కేందుకు రెడీ అవుతోంది. ఈ సినిమాలో బన్నీ సరసన అందాల భామ రష్మిక మందన హీరోయిన్‌గా నటించిన సంగతి తెలిసిందే.