Cancer : క్యాన్సర్ ప్రమాదాన్ని తగ్గించే ఆహారాలు.. రోజువారీ డైట్‌లో ఇవి ఉంటే ఆరోగ్యానికి రక్షణ

cancer : ప్రస్తుత కాలంలో క్యాన్సర్ అనేది చాప కింద నీరులా విస్తరిస్తోంది. వయసుతో సంబంధం లేకుండా చిన్న పిల్లల నుంచి వృద్ధుల వరకు అనేక మంది ఈ ప్రాణాంతక వ్యాధి బారిన పడుతున్నారు. మారుతున్న జీవనశైలి అనారోగ్యకరమైన ఆహారపు అలవాట్లు, ఒత్తిడి వంటి అంశాలు క్యాన్సర్‌కు ప్రధాన కారణాలుగా మారుతున్నాయి. అయితే సరైన ఆహారపు ఎంపికలతో ఈ ప్రమాదాన్ని కొంతవరకు తగ్గించుకోవచ్చని వైద్య నిపుణులు చెబుతున్నారు. ముఖ్యంగా పోషకాలు సమృద్ధిగా ఉన్న పండ్లు, కూరగాయలు, తృణధాన్యాలు, బీన్స్ వంటి ఆహార పదార్థాలు క్యాన్సర్‌ను ఎదుర్కొనే శక్తిని శరీరానికి అందిస్తాయని పరిశోధనలు సూచిస్తున్నాయి.

Cancer : క్యాన్సర్ ప్రమాదాన్ని తగ్గించే ఆహారాలు.. రోజువారీ డైట్‌లో ఇవి ఉంటే ఆరోగ్యానికి రక్షణ

cancer : పోషకాలు పుష్కలంగా ఉన్న పండ్లు..సహజ రక్షణ కవచం

ఆరోగ్యానికి పండ్లు ఎంత ముఖ్యమో ప్రత్యేకంగా చెప్పనక్కర్లేదు. వాటిలో ముఖ్యంగా యాపిల్స్ క్యాన్సర్ నివారణలో కీలక పాత్ర పోషిస్తాయని నిపుణులు చెబుతున్నారు. యాపిల్స్‌లో డైటరీ ఫైబర్, పాలీఫెనాల్స్ వంటి శక్తివంతమైన యాంటీ ఆక్సిడెంట్లు అధికంగా ఉంటాయి. ఇవి గట్ ఆరోగ్యాన్ని మెరుగుపరచడమే కాకుండా క్యాన్సర్ కణాల పెరుగుదలను అడ్డుకునే సామర్థ్యం కలిగి ఉంటాయి. కొన్ని అధ్యయనాల ప్రకారం యాపిల్స్‌లోని కొన్ని సమ్మేళనాలు ఈస్ట్రోజెన్ రిసెప్టర్ నెగటివ్‌గా పనిచేసి రొమ్ము క్యాన్సర్ ప్రమాదాన్ని తగ్గించవచ్చని తెలుస్తోంది. అదేవిధంగా నారింజ వంటి సిట్రస్ పండ్లు కూడా క్యాన్సర్ నిరోధక లక్షణాలతో నిండి ఉంటాయి. విటమిన్ సి, ఫ్లావనాయిడ్స్, యాంటీ ఆక్సిడెంట్లు అధికంగా ఉండటం వల్ల ఇవి శరీరంలోని హానికర ఫ్రీ రాడికల్స్‌ను నియంత్రిస్తాయి. రోజూ ఆహారంలో నారింజను చేర్చుకోవడం వల్ల రోగనిరోధక శక్తి పెరగడమే కాకుండా క్యాన్సర్ ముప్పు తగ్గే అవకాశాలు ఉంటాయని నిపుణుల అభిప్రాయం…

cancer : కూరగాయలు, క్యారెట్..క్యాన్సర్‌తో పోరాడే శక్తి

కూరగాయల్లో ముఖ్యంగా క్యారెట్ ఆరోగ్యానికి ఎంతో మేలు చేస్తుంది. కంటి, చర్మ ఆరోగ్యానికి ఉపయోగపడే క్యారెట్‌లో కెరోటినాయిడ్స్, ఫైటోకెమికల్స్ పుష్కలంగా ఉంటాయి. ఇవి శరీరంలో క్యాన్సర్ కణాల పెరుగుదలను అడ్డుకోవడంలో సహాయపడతాయని పరిశోధనలు చెబుతున్నాయి. క్యారెట్ ఒక స్టార్చ్ లేని కూరగాయ కావడంతో దీన్ని నిత్యం డైట్‌లో చేర్చుకోవచ్చు. అలాగే తృణధాన్యాలు, బీన్స్ కూడా క్యాన్సర్ నివారణలో కీలక పాత్ర పోషిస్తాయి. ఇవి ఫైబర్‌తో పాటు విటమిన్లు, మినరల్స్‌ను అందించి జీర్ణక్రియను మెరుగుపరుస్తాయి. శరీరంలోని టాక్సిన్స్‌ను బయటకు పంపడంలో సహాయపడటం వల్ల క్యాన్సర్ ప్రమాదం తగ్గే అవకాశం ఉంటుంది.

cancer : వెల్లుల్లి, కాఫీ..పరిశోధనల్లో కనిపిస్తున్న ఆశాజనక ఫలితాలు

వెల్లుల్లిని సహజ ఔషధంగా భావిస్తారు. ఇందులో ఉన్న సల్ఫర్ సమ్మేళనాలు క్యాన్సర్ నిరోధక లక్షణాలను కలిగి ఉన్నాయని అనేక అధ్యయనాలు సూచిస్తున్నాయి. అయితే వెల్లుల్లి క్యాన్సర్ ప్రమాదాన్ని ఎంతవరకు తగ్గిస్తుందనే అంశంపై ఇంకా విస్తృతమైన మానవ అధ్యయనాలు అవసరమని నిపుణులు చెబుతున్నారు. ఇక కాఫీ విషయానికి వస్తే రోజుకు ఒక కప్పు కాఫీ తాగడం వల్ల ఎండోమెట్రియల్ కాలేయ క్యాన్సర్ ప్రమాదం తగ్గవచ్చని కొన్ని పరిశోధనలు వెల్లడించాయి. ముఖ్యంగా డెకాఫ్ కాఫీలో కెఫిన్ తక్కువగా ఉండటం వల్ల ఇందులోని ఫినోలిక్ ఆమ్లాలు శరీరానికి మేలు చేస్తాయని భావిస్తున్నారు. క్యాన్సర్‌ను పూర్తిగా నివారించడం సాధ్యంకాకపోయినా సరైన ఆహారపు అలవాట్లతో ప్రమాదాన్ని గణనీయంగా తగ్గించుకోవచ్చని నిపుణులు సూచిస్తున్నారు. రోజువారీ డైట్‌లో సహజ పోషక విలువలు ఉన్న ఆహారాలను చేర్చుకోవడం ఆరోగ్యకరమైన భవిష్యత్తుకు మార్గం చూపుతుంది.