Banana : అరటిపండు సూపర్ ఫుడే కానీ .. సరైన సమయంలో తినకపోతే ఆరోగ్యానికి ముప్పే అని తెలుసా..!

Banana : అరటిపండులో పోషకాలు పుష్కలంగా ఉండటంతో దీన్ని ‘సూపర్ ఫుడ్’గా Super food  పిలుస్తారు. ఏడాది పొడవునా అందుబాటులో ఉండే ఈ పండు చిన్నా, పెద్దా తేడా లేకుండా అందరికీ ఇష్టమే. రుచిగా ఉండడమే కాదు తినడానికి సులభం ధర కూడా అందుబాటులో ఉంటుంది. అయితే ఎంత మంచిదైనా మితిమీరితే సమస్యే అని ఆరోగ్య నిపుణులు హెచ్చరిస్తున్నారు. ముఖ్యంగా అరటిపండ్లు ఎప్పుడు తినాలి? ఎప్పుడు తినకూడదు? అనే అవగాహన లేకపోవడం వల్లే కొన్ని ఆరోగ్య సమస్యలు తలెత్తుతున్నాయని చెబుతున్నారు. మరి డైటీషియన్ల సూచనల ప్రకారం అరటిపండ్లను సరైన సమయంలో తింటే కలిగే లాభాలు తప్పు సమయంలో తింటే వచ్చే నష్టాలు ఏంటో ఇప్పుడు తెలుసుకుందాం.

Banana : అరటిపండు సూపర్ ఫుడే కానీ .. సరైన సమయంలో తినకపోతే ఆరోగ్యానికి ముప్పే అని తెలుసా..!

Banana : అరటిపండులోని పోషకాలు … శరీరానికి ఎంత అవసరం?

అరటిపండులో పొటాషియం, విటమిన్ B6, విటమిన్ C, ఫైబర్, మెగ్నీషియం వంటి కీలక పోషకాలు సమృద్ధిగా ఉంటాయి. ఒక మధ్య తరహా అరటిపండులో సుమారు 100–110 కేలరీలు ఉండగా దాదాపు 93 శాతం కార్బోహైడ్రేట్లే ఉంటాయని నిపుణులు చెబుతున్నారు. ఇవి శరీరానికి తక్షణ శక్తిని అందించడంలో కీలక పాత్ర పోషిస్తాయి. ముఖ్యంగా అలసట, బలహీనత ఉన్నవారికి అరటిపండు మంచి ఎనర్జీ బూస్టర్‌గా పనిచేస్తుంది. అంతేకాదు జీర్ణవ్యవస్థను మెరుగుపరచే ఫైబర్ కూడా ఇందులో ఎక్కువగానే ఉంటుంది.

Banana : అరటిపండ్లు తినడానికి ఇదే సరైన సమయం!

అల్పాహారంతో పాటు: ఖాళీ కడుపుతో అరటిపండు తినడం కంటే ఓట్స్, గంజి లేదా పాలతో కలిపి తినడం చాలా మంచిది. ఇలా తినడం వల్ల కడుపు ఎక్కువసేపు నిండుగా ఉండి, జీవక్రియ వేగవంతమవుతుంది.
వ్యాయామానికి ముందు: వ్యాయామానికి సుమారు 30 నిమిషాల ముందు అరటిపండు తింటే తక్షణ శక్తి లభిస్తుంది. కండరాల తిమ్మిరిని తగ్గించడంలో కూడా ఇది సహాయపడుతుంది.
సాయంత్రం స్నాక్‌గా: భోజనం, రాత్రి భోజనం మధ్యలో ఆకలి వేసినప్పుడు అరటిపండు ఆరోగ్యకరమైన ప్రత్యామ్నాయం. జంక్ ఫుడ్ కోరికలను తగ్గిస్తుంది.

Banana : ఈ సమయంలో అరటిపండ్లు తినకపోవడమే మంచిది!

ఖాళీ కడుపుతో: అరటిపండులో మెగ్నీషియం అధికంగా ఉంటుంది. ఖాళీ కడుపుతో తింటే రక్తంలో కాల్షియం–మెగ్నీషియం సమతుల్యత దెబ్బతినే అవకాశం ఉంది.
రాత్రిపూట: అరటిపండుకు చల్లదనం ఎక్కువ. దీంతో కఫం, దగ్గు, జలుబు సమస్యలు పెరిగే ప్రమాదం ఉంటుంది.
పడుకునే ముందు: ఇది జీర్ణం కావడానికి సమయం పడుతుంది. పడుకునే ముందు తింటే కడుపులో భారంగా అనిపించి నిద్రకు అంతరాయం కలగవచ్చు.

Banana : అరటిపండ్లు తినడం వల్ల కలిగే ముఖ్యమైన లాభాలు

అరటిపండ్లు శక్తిని పెంచడమే కాదు జీర్ణక్రియను మెరుగుపరుస్తాయి, రక్తపోటును నియంత్రిస్తాయి, గుండె ఆరోగ్యాన్ని కాపాడుతాయి. ఇందులోని ట్రిప్టోఫాన్ మానసిక ఒత్తిడిని తగ్గించి నిద్రను మెరుగుపరుస్తుంది. అలాగే ఫైబర్ ఎక్కువగా ఉండటం వల్ల బరువు నియంత్రణలో కూడా అరటిపండు కీలక పాత్ర పోషిస్తుంది. ఐరన్ ఉండటంతో రక్తహీనత సమస్య ఉన్నవారికీ ఇది మేలు చేస్తుంది. కాగా, అరటిపండు ఆరోగ్యానికి మిత్రమే. కానీ సరైన సమయంలో పరిమితంగా తింటేనే పూర్తి ప్రయోజనాలు పొందవచ్చు.