BSNL | బీఎస్‌ఎన్‌ఎల్ నుంచి భారీ డేటా ఆఫర్లు .. జియో, ఎయిర్‌టెల్‌కు గట్టి పోటీ!

BSNL | ప్రభుత్వ రంగ టెలికాం సంస్థ బీఎస్‌ఎన్‌ఎల్ (BSNL) మరోసారి ఆకర్షణీయమైన డేటా ప్లాన్‌లతో కస్టమర్లను ఆకట్టుకుంటోంది. ప్రైవేట్ దిగ్గజాలైన జియో, ఎయిర్‌టెల్ సంస్థలకు గట్టి పోటీ ఇవ్వాలని, వినియోగదారుల సంఖ్యను పెంచుకోవాలని బీఎస్‌ఎన్‌ఎల్ స్ట్రాటజిక్‌గా చౌక ధరల ప్లాన్లను ప్రవేశపెడుతోంది.

రూ. 299 ప్లాన్ – ఇప్పుడు డబుల్ డేటా

బీఎస్‌ఎన్‌ఎల్ ఇటీవల తన పాత రూ. 299 ప్లాన్‌ను రీ-లాంచ్ చేసింది. గతంలో ఈ ప్యాక్‌లో రోజుకు 1.5 జీబీ డేటా మాత్రమే లభించేది. ఇప్పుడు అది రోజుకు 3 జీబీకి పెంచుతూ, మొత్తం 90 జీబీ డేటా (30 రోజులకి) అందిస్తోంది.

ఫీచర్లు:

రోజుకు 3 జీబీ డేటా

అన్‌లిమిటెడ్ వాయిస్ కాలింగ్

రోజుకు 100 SMSలు

ఫుల్ 30 రోజుల వ్యాలిడిటీ

ఇంత బడ్జెట్‌లో ఇలాంటి ప్రయోజనాలు ఇవ్వడం ప్రైవేట్ సంస్థలవల్ల సాధ్యం కాదని టెలికాం వినియోగదారులు చెబుతున్నారు.

రూ. 199 ప్లాన్ – చౌకగా, ఎక్కువ ఉపయోగంగా

299 ప్లాన్ కంటే తక్కువలో, మరింత సులభంగా ఉండే రూ. 199 ప్లాన్‌ను కూడా బీఎస్‌ఎన్‌ఎల్ అందిస్తోంది. దీంట్లోనూ 30 రోజుల వ్యాలిడిటీతో మంచి ప్రయోజనాలు ఉన్నాయి.

ఫీచర్లు:

రోజుకు 2 జీబీ డేటా (మొత్తం 60 జీబీ)

అన్‌లిమిటెడ్ వాయిస్ కాల్స్

రోజుకు 100 SMSలు

ఈ ప్లాన్, రూ. 200 లోపల మంచి డేటా, కాలింగ్ అవసరాలను తీర్చే వారికీ బాగా సరిపోతుంది.