RBI Jobs : 10వ తరగతి అర్హతతో గ్రామీణ బ్యాంకుల్లో భారీ ఉద్యోగ అవకాశాలు.. నోటిఫికేషన్ ముఖ్య వివరాలు ఇవే..!

RBI Jobs : 10వ తరగతి పూర్తిచేసిన యువతకు ఇది నిజంగా శుభవార్త. గవర్నమెంట్ ఉద్యోగం Government job కోసం ఎదురుచూస్తున్న అభ్యర్థుల కోసం రిజర్వ్ బ్యాంక్ ఆఫ్ ఇండియా RBI భారీ నోటిఫికేషన్‌ను విడుదల చేసింది. గ్రామీణ ప్రాంతాల అభ్యర్థులకు కూడా మంచి అవకాశం కల్పించేలా మొత్తం 572 ఆఫీస్ అటెండెంట్ పోస్టులు భర్తీ చేయనున్నట్లు అధికారికంగా ప్రకటించింది. ఈ ఉద్యోగాలకు అర్హులైన అభ్యర్థుల నుంచి ఆన్‌లైన్ విధానంలో మాత్రమే దరఖాస్తులు స్వీకరిస్తున్నారు. ఈ నోటిఫికేషన్ ద్వారా 10వ తరగతి అర్హత ఉన్నవారు తక్కువ వయస్సులోనే కేంద్ర ప్రభుత్వ ఉద్యోగం సాధించే అవకాశం పొందవచ్చు. దరఖాస్తు ప్రక్రియ అర్హతలు, జీతభత్యాలు, ఎంపిక విధానం వంటి పూర్తి వివరాలు క్రింద ఇవ్వబడ్డాయి.

RBI Jobs : నోటిఫికేషన్ ముఖ్య వివరాలు

రిజర్వ్ బ్యాంక్ ఆఫ్ ఇండియా  Reserve Bank of India దేశవ్యాప్తంగా వివిధ రిక్రూటింగ్ ఆఫీసుల్లో ఆఫీస్ అటెండెంట్ పోస్టులను భర్తీ చేయనుంది. మొత్తం ఖాళీలు 572 ఉండగా ఇవి రెగ్యులర్ ప్రభుత్వ ఉద్యోగాలు కావడం విశేషం. ఈ ఉద్యోగాలకు దరఖాస్తు చేసుకునే అభ్యర్థులు తప్పనిసరిగా సంబంధిత రాష్ట్రం లేదా కేంద్రపాలిత ప్రాంతానికి చెందిన గుర్తింపు పొందిన బోర్డు నుంచి 10వ తరగతి (SSC/మెట్రిక్యులేషన్) ఉత్తీర్ణులై ఉండాలి. అభ్యర్థి చదువుకున్న రాష్ట్రం దరఖాస్తు చేస్తున్న రిక్రూటింగ్ ఆఫీస్ పరిధిలో ఉండాలి. దరఖాస్తు ప్రక్రియ పూర్తిగా ఆన్‌లైన్‌లోనే జరుగుతుంది. RBI అధికారిక వెబ్‌సైట్ https://rbi.org.in/ ద్వారా మాత్రమే అప్లై చేయాలి. వేరే ఏ విధమైన దరఖాస్తులు స్వీకరించబడవు. నోటిఫికేషన్‌కు సంబంధించిన ఏవైనా సవరణలు లేదా మార్పులు కూడా అదే వెబ్‌సైట్‌లో మాత్రమే ప్రచురించబడతాయి.

RBI Jobs : వయోపరిమితి, జీతం.. దరఖాస్తు ఫీజు

ఈ ఆఫీస్ అటెండెంట్ ఉద్యోగాలకు Attendant jobs దరఖాస్తు చేసుకునే అభ్యర్థుల వయస్సు 01/01/2026 నాటికి 18 నుండి 25 సంవత్సరాల మధ్య ఉండాలి. అంటే అభ్యర్థులు 02/01/2001 కి ముందు మరియు 01/01/2008 తర్వాత (రెండు తేదీలు కలుపుకొని) జన్మించి ఉండాలి. ప్రభుత్వ నిబంధనల ప్రకారం రిజర్వేషన్ వర్గాలకు వయోపరిమితిలో సడలింపు ఉంటుంది. ఎంపికైన అభ్యర్థులకు ప్రారంభ స్థాయిలో మంచి జీతభత్యాలు అందించనున్నారు. ఆఫీస్ అటెండెంట్ పోస్టుకు నెలవారీ స్థూల జీతం (HRA లేకుండా) సుమారు ₹46,029/- ఉంటుంది. ఇతర అలవెన్సులు సదుపాయాలు కూడా కేంద్ర ప్రభుత్వ నియమాల ప్రకారం వర్తిస్తాయి.

RBI Jobs : దరఖాస్తు ఫీజు విషయానికి వస్తే:

. SC / ST / PwBD / Ex-Servicemen అభ్యర్థులకు: ₹50 + 18% GST
. General / OBC / EWS అభ్యర్థులకు: ₹450 + 18% GST
. ఫీజును ఆన్‌లైన్ విధానంలో చెల్లించాలి. బ్యాంక్ లావాదేవీ ఛార్జీలను అభ్యర్థులే భరించాలి.

RBI Jobs : ఎంపిక విధానం .. దరఖాస్తు తేదీలు

ఈ పోస్టులకు ఎంపిక విధానం రెండు దశల్లో జరుగుతుంది. మొదటిగా ఆన్‌లైన్ పోటీ పరీక్ష నిర్వహిస్తారు. ఈ పరీక్షలో ఉత్తీర్ణులై షార్ట్‌లిస్ట్ అయిన అభ్యర్థులను రెండో దశకు పిలుస్తారు. రెండో దశలో భాషా ప్రావీణ్య పరీక్ష Language Proficiency Test – LPT నిర్వహించబడుతుంది. అభ్యర్థి సంబంధిత రాష్ట్ర భాషలో చదవడం, రాయడం, మాట్లాడడం తెలుసుకుని ఉండాలి.

RBI Jobs : దరఖాస్తు తేదీలు చాలా ముఖ్యమైనవి:

. ఆన్‌లైన్ అప్లికేషన్ ప్రారంభ తేదీ: జనవరి 15, 2026
. దరఖాస్తు చేయడానికి చివరి తేదీ: ఫిబ్రవరి 04, 2026
. చివరి తేదీ వరకు వేచి ఉండకుండా అర్హత కలిగిన అభ్యర్థులు ముందుగానే దరఖాస్తు చేసుకోవడం మంచిది.

ఇక 10వ తరగతి అర్హతతో కేంద్ర ప్రభుత్వ బ్యాంక్‌లో ఉద్యోగం పొందే అరుదైన అవకాశం ఇది. కాబట్టి ఈ అవకాశాన్ని వదులుకోకుండా వెంటనే RBI అధికారిక వెబ్‌సైట్‌ను సందర్శించి పూర్తి వివరాలు తెలుసుకుని దరఖాస్తు చేసుకోండి.