MAnchu Lakshmi | ఎట్ట‌కేల‌కి మంచు ల‌క్ష్మీకి క్ష‌మాప‌ణ‌లు.. ఎమోష‌న‌ల్ పోస్ట్ షేర్ చేసిన మంచ‌క్క‌

MAnchu Lakshmi | ప్రముఖ నటి మంచు లక్ష్మిని కించపరిచేలా అడిగిన ప్రశ్నపై ఒక తెలుగు జర్నలిస్టు క్షమాపణలు చెబుతూ వివాదానికి ముగింపు పలికారు. ఇటీవల జరిగిన ఓ ఇంటర్వ్యూలో ఆమె వయసు, దుస్తులపై జర్నలిస్టు వేసిన ప్రశ్న తీవ్ర విమర్శలకు దారితీసింది. దీనిపై మనస్థాపం చెందిన మంచు లక్ష్మి ఫిల్మ్ ఛాంబర్‌లో అధికారికంగా ఫిర్యాదు చేశారు. దాంతో, ఆ జర్నలిస్టు బేషరతుగా క్షమాపణలు చెబుతూ ఓ వీడియో విడుదల చేశారు.

#image_title

క్ష‌మాప‌ణ‌ల‌తో..

ఆ వీడియోలో మాట్లాడుతూ, “అదేంటో నాకు యూనియన్ ద్వారా తెలిసింది. నేను చేసిన ఇంటర్వ్యూలో మంచు లక్ష్మి గారికి మానసికంగా బాధ కలిగిందని అర్థమైంది. నా ఉద్దేశం ఎవ్వరినీ బాధ పెట్టడం కాదు. అందుకే ఈ సందర్భంగా ఆమెకు హృదయపూర్వకంగా క్షమాపణలు చెబుతున్నాను,” అని పేర్కొన్నారు. తన ప్రశ్నకు కారణాలు ఏమిటన్నదానిపై చర్చించదలుచుకోలేదని కూడా స్పష్టం చేశారు.

ఈ ఘటనపై మంచు లక్ష్మి స్పందిస్తూ, జర్నలిజం పేరుతో వ్యక్తిగత విషయాలను తవ్వడం తగదని, ఇది కేవలం క్లిక్‌బైట్ సంస్కృతి వల్లే జరుగుతోందని అన్నారు. జర్నలిస్టులపై ఉన్న గౌరవం దెబ్బతినకూడదని, మానవీయ విలువలు పాటించాల్సిన అవసరం ఉందని ఆమె పేర్కొన్నారు.