Karthika Deepam 2 Today Episode November 16 2026 : పారిజాతం కిడ్నాప్.. జ్యోత్స్నను విడదీయడానికి మాలిని మాస్టర్ ప్లాన్.. సూరజ్‌కు బిగ్ షాక్!

Authored By Ramalingaiah Tandu | The Telugu News | Published on: November 16, 2026, 9:40 am

Karthika Deepam 2 Today Episode 831 November 16 2026 : కార్తీక దీపం 2 సీరియల్‌లో జ్యోత్స్న, సూరజ్ ప్రేమ వ్యవహారం రోజుకో మలుపు తిరుగుతోంది. వీరిద్దరూ ఒక్కటవుతారా? లేక కుటుంబాల మధ్య ఉన్న పగలు మరోసారి వారి ప్రేమకు అడ్డుగా నిలుస్తాయా? అన్న ఉత్కంఠ కొనసాగుతోంది. తాజాగా నవంబర్ 16న ప్రసారమైన 831వ ఎపిసోడ్‌లో పారిజాతాన్ని కిడ్నాప్ చేయడం, జ్యోత్స్నను సూరజ్‌కు దూరం చేయడానికి మాలిని భారీ ప్లాన్ వేయడం కథను మరింత ఆసక్తికరంగా మార్చాయి. మరోవైపు సూరజ్ చేతిలో తాళి పట్టుకుని ఆలోచనల్లో మునిగిపోగా, అతడి మనసును మార్చేందుకు మాలిని వేసిన ఎత్తుగడతో ఎపిసోడ్ కీలక మలుపు వద్ద ముగిసింది. గత ఎపిసోడ్‌లో కార్తీక్ ఇంట్లో అందరూ కలిసి భోజనం చేస్తున్న సమయంలో జ్యోత్స్న పెళ్లి ప్రస్తావన వస్తుంది. నెల రోజుల్లో జ్యోత్స్నకు పెళ్లి చేసేస్తామని సుమిత్ర, దశరథలు ప్రకటించడంతో అక్కడున్న వారంతా ఒక్కసారిగా షాక్ అవుతారు. అయితే జ్యోత్స్న మాత్రం ఏమీ మాట్లాడకుండా మౌనంగా ఉండిపోతుంది. అప్పుడు కార్తీక్ జోక్యం చేసుకుంటాడు. జ్యోత్స్న కోరుకుంటున్న జీవితం ఇది కాదని, ఆమె మనసులో మరో ఆలోచన ఉందని చెబుతాడు. తామిద్దరం చిన్నప్పటి నుంచి కలిసి పెరిగామని, మంచి స్నేహితులమని గుర్తుచేస్తాడు. జ్యోత్స్న జీవితం బాగుండాలనే తాను కోరుకుంటున్నానని స్పష్టం చేస్తాడు.

Karthika Deepam 2 Today Episode : పారిజాతం కిడ్నాప్.. జ్యోత్స్నను విడదీయడానికి మాలిని మాస్టర్ ప్లాన్.. సూరజ్‌కు బిగ్ షాక్!

Karthika Deepam 2 Today Episode : పారిజాతం కిడ్నాప్.. జ్యోత్స్నను విడదీయడానికి మాలిని మాస్టర్ ప్లాన్.. సూరజ్‌కు బిగ్ షాక్!

Karthika Deepam 2 Today Episode జ్యోత్స్న పెళ్లిపై సుమిత్ర డెడ్‌లైన్.. పారిజాతాన్ని కిడ్నాప్ చేసిన మాలిని!

పెళ్లికి నెల రోజుల గడువు ఇచ్చారు కాబట్టి ఆలోచించి నిర్ణయం తీసుకుంటుందని అంటాడు. ఇదిలా ఉంటే జ్యోత్స్నతో సూరజ్ పెళ్లి జరగాలని దక్షిణామూర్తి కూడా బలంగా కోరుకుంటాడు. దీంతో సూరజ్ తీవ్ర ఆలోచనలో పడతాడు. అర్ధరాత్రి జ్యోత్స్నకు ఫోన్ చేసి మరుసటి రోజు ఉదయం కలవాలని, అన్నింటికీ ఫుల్‌స్టాప్ పెట్టే నిర్ణయం తీసుకోబోతున్నానని చెబుతాడు. ఫోన్ మాట్లాడిన తర్వాత వెనక్కి తిరిగి చూసిన సూరజ్‌కు తల్లి మాలిని కనిపించడంతో షాక్ అవుతాడు. కొడుకు ఏదో కీలక నిర్ణయం తీసుకోబోతున్నాడని అనుమానించిన మాలిని ఆందోళన చెందుతుంది. ఆ రాత్రి సోఫాలోనే నిద్రపోతుంది. నిద్రలో సూరజ్, జ్యోత్స్నలకు పెళ్లి జరిగినట్లు కల రావడంతో ఉలిక్కిపడి లేస్తుంది. ఈ విషయాన్ని దక్షిణామూర్తికి చెప్పగా ఆయన మాత్రం చాలా మంచి విషయమని అంటాడు. కానీ మాలినికి ఈ పెళ్లి జరగడం ఏమాత్రం ఇష్టం ఉండదు.

మరుసటి రోజు టిఫిన్ బండి వద్ద పనిచేస్తున్న జ్యోత్స్నకు సూరజ్ ఫోన్ చేసి బయటకు రమ్మని పిలుస్తాడు. ఇక్కడి నుంచి తాజా ఎపిసోడ్‌లో అసలు కథ మొదలవుతుంది. జ్యోత్స్నను వెంబడిస్తూ వచ్చిన పారిజాతం, ఆమె సూరజ్ కారులో ఎక్కడం చూసి ఆశ్చర్యపోతుంది. వెంటనే శివన్నారాయణకు ఈ విషయం చెప్పాలని అనుకుంటుంది. ఇంతలో ముసుగు ధరించిన ఓ వ్యక్తి అక్కడికి వచ్చి పారిజాతాన్ని కిడ్నాప్ చేస్తాడు. మరోవైపు జ్యోత్స్న, సూరజ్ ఓ ప్రశాంతమైన ప్రదేశంలో ఏకాంతంగా మాట్లాడుకుంటారు. ఇద్దరి జీవితాలకు సంబంధించిన ముఖ్యమైన విషయం చెప్పాలని సూరజ్ అంటాడు. తమ ఇద్దరి భవిష్యత్తు గురించి అతడొక్కడే ఎలా నిర్ణయం తీసుకుంటాడని జ్యోత్స్న ప్రశ్నిస్తుంది. దానికి సూరజ్ మరింత ఆసక్తికరమైన సమాధానం ఇస్తాడు. త్వరలోనే ఊహించని విషయం జరగబోతోందని, అయితే ఏ నిర్ణయం తీసుకున్నా ముందుగా తన తల్లికి చెప్పే చేస్తానని స్పష్టం చేస్తాడు. తన కోసం బతుకుతున్న ఏకైక వ్యక్తి తల్లి మాలిని అని సూరజ్ చెప్పడంతో జ్యోత్స్న బాధపడుతుంది. మరి తాను అతడి జీవితంలో లేనా అని ప్రశ్నిస్తుంది. అప్పుడు జ్యోత్స్న తన మనసులోని బాధను బయటపెడుతుంది. సూరజ్ జీవితం ఒక మంచి కథల పుస్తకంలా కనిపిస్తున్నప్పటికీ అందులోని ప్రతి అధ్యాయం ముగింపు లేకుండానే ఆగిపోతున్నట్లు అనిపిస్తోందని అంటుంది.

దానికి సూరజ్ తమ వద్ద జ్ఞాపకాలుగా మిగిలిపోయిన వస్తువులే ఆ కథకు ముగింపు ఇస్తాయని చెబుతాడు. ఒకప్పుడు జ్యోత్స్న దగ్గర ఉండి, ప్రస్తుతం లేనిది, చివరకు ఆమెకే చెందాల్సినది ఏదో ఉందని పరోక్షంగా సూచిస్తాడు. తాను ఏ నిర్ణయం తీసుకున్నా అంగీకరిస్తావా అని సూరజ్ అడుగుతాడు. ఏం జరిగినా ఇద్దరి మంచికేనని, సాయంత్రానికి అసలు విషయం చెబుతానని అంటాడు. మళ్లీ కలిసేటప్పుడు సమస్యలకు ముగింపు తీసుకొస్తానని చెప్పి వెళ్లిపోతాడు. అతడి మాటల వెనుక ఉన్న అర్థం జ్యోత్స్నకు అంతుచిక్కదు. సూరజ్ ఎలాంటి నిర్ణయం తీసుకోబోతున్నాడోనని ఆందోళన చెందుతుంది. మరోవైపు కారులో వెళ్తున్న సూరజ్ తన దగ్గరున్న తాళిని చూస్తూ ఆలోచనల్లో మునిగిపోతాడు.

పారుకు డబ్బుల సూట్‌కేస్ ఇచ్చిన మాలిని.. జ్యోత్స్నపై చెప్పుడు మాటలతో సూరజ్‌కు షాక్!

ఇదిలా ఉంటే కిడ్నాప్‌కు గురైన పారిజాతం స్పృహలోకి వచ్చి కళ్లు తెరుస్తుంది. ఎదురుగా మాలిని ఉండటంతో ఒక్కసారిగా షాక్ అవుతుంది. కానీ మాలిని మాత్రం ఏమీ జరగనట్లుగా కాఫీ తాగుతూ మాట్లాడుకుందామని అంటుంది. ముందుగా జ్యోత్స్న నిజంగా నీ మనవరాలేనా అని పారిజాతాన్ని ప్రశ్నిస్తుంది. జ్యోత్స్న అంటే తనకు ప్రాణమని పారు చెప్పడంతో మాలిని ఎదురుదాడికి దిగుతుంది. అంత ప్రేమ ఉంటే మనవరాలిని రోడ్డుపై అలా వదిలేస్తావా అని నిలదీస్తుంది. దీంతో పారిజాతం అసలు విషయం చెబుతుంది. జ్యోత్స్నకు పెళ్లి సంబంధాలు చూస్తున్నప్పటికీ ఆమె పెళ్లికి అంగీకరించడం లేదని అంటుంది. ఎందుకు ఒప్పుకోవడం లేదో నీ కొడుకును అడిగితే తెలుస్తుందని మాలినికి సమాధానం ఇస్తుంది. అంతేకాదు, జ్యోత్స్న ప్రస్తుతం సూరజ్‌తో కలిసి కారులో వెళ్లిందని చెబుతుంది. ఈ విషయం శివన్నారాయణకు చెప్పాలనుకునేలోపే మాలిని పంపించిన ముసుగు వ్యక్తి తనను తీసుకొచ్చాడని ఆరోపిస్తుంది. దీంతో మాలిని మరింత ఆగ్రహంతో జ్యోత్స్న ఎవరిమాట వింటుందని అడుగుతుంది. జ్యోత్స్న ఎవరు చెప్పినా వినే పరిస్థితిలో లేదని పారిజాతం స్పష్టం చేస్తుంది. ఆ తర్వాత మాలినిని నేరుగా ప్రశ్నిస్తుంది. సూరజ్‌తో జ్యోత్స్న పెళ్లి చేయాలనే ఆలోచన ఉందా అని అడుగుతుంది. తన మనవరాలి మనసులో సూరజ్ ఉన్నాడని, అతడిని తప్ప మరెవరినీ పెళ్లి చేసుకోదని చెబుతుంది. సూరజ్ మనసులోనూ జ్యోత్స్న ఉందని, ఏదో ఒకరోజు ఇద్దరూ పెళ్లి చేసుకుని పెద్దల ఆశీర్వాదం కోరతారని ధీమా వ్యక్తం చేస్తుంది. ఈ మాటలు మాలినికి తీవ్ర కోపాన్ని తెప్పిస్తాయి. అలాంటి పెళ్లి ఎప్పటికీ జరగదని తేల్చి చెబుతుంది. తన కొడుకు తాను గీసిన గీత దాటడని హెచ్చరిస్తుంది. ఒకవేళ సూరజ్ జ్యోత్స్నను పెళ్లి చేసుకోకపోతే ఆమె పరిస్థితి ఏమవుతుందని ప్రశ్నిస్తుంది.

దీంతో మనవరాలి భవిష్యత్తు గురించి పారిజాతం భయపడుతుంది. ఇదే అదునుగా మాలిని ఆమెను తనవైపు తిప్పుకునే ప్రయత్నం చేస్తుంది. జ్యోత్స్న జీవితాన్ని కాపాడాలంటే ఆమె సూరజ్‌ను మరిచిపోయేలా చేయాలని చెబుతుంది. ఇందుకు తన దగ్గర ఓ ఉపాయం ఉందంటూ డబ్బులతో నిండిన సూట్‌కేస్‌ను పారిజాతానికి అందిస్తుం ది. తాను చెప్పినట్లుగానే చేయాలని కోరుతుంది. మాలిని పథకం ప్రకారం పారిజాతం జ్యోత్స్నను కలుస్తుంది. కోల్పోయిన బంధాలు, గౌరవం తిరిగి రావాలంటే తన జీవితాన్ని తానే మార్చుకోవాలని మనవరాలికి చెబుతుంది. సుమిత్ర, దశరథ, శివన్నారాయణలతో ఉన్న బంధాలను, వాటి తాలూకు భావోద్వేగాలను పక్కనపెట్టి తన కోసం తాను బతకాలని సూచిస్తుంది. ముఖ్యంగా సూరజ్‌ను మనసులో నుంచి పూర్తిగా తొలగించుకోవాలని కోరుతుంది. అయితే జ్యోత్స్న మాత్రం సూరజ్‌ను మరిచిపోలేనని స్పష్టం చేస్తుంది.

దీంతో పారిజాతం మరింత ఆందోళన చెందుతుంది. జ్యోత్స్న తన కొడుకు రక్తసంబంధమని, ఆమె తనను నమ్మకపోయినా జరగబోయే ప్రమాదం గురించి చెప్పాల్సిన బాధ్యత తనపై ఉందని అంటుంది. గతంలో పిల్లలను మార్చినప్పుడు మాత్రమే ముహూర్తాలు చూసుకున్నానని గుర్తుచేసుకుంటుంది. భవిష్యత్తులో ఇలాంటి పరిస్థితులు వస్తాయని ముందే తెలిసి ఉంటే అసలు పిల్లలను మార్చేదానిని కాదని ఆవేదన వ్యక్తం చేస్తుంది. గతాన్ని మార్చలేకపోయినా జ్యోత్స్న భవిష్యత్తును మాత్రం మార్చాలని అనుకుంటున్నట్లు చెబుతుంది. సూరజ్ వెంటపడటం ఆపకపోతే పెద్ద ప్రమాదంలో చిక్కుకుంటుందని హెచ్చరిస్తుంది. మాలిని ఆమెను వదిలిపెట్టదని స్పష్టం చేస్తుంది. అయినా జ్యోత్స్న తన నిర్ణయాన్ని మార్చుకోకపోవడంతో మనవరాలిని ఎలా కాపాడుకోవాలో తనకు తెలుసని పారిజాతం మనసులో అనుకుంటుంది. మరోవైపు ఆఫీసులో సూరజ్ చేతిలో తాళి పట్టుకుని ఆలోచిస్తుంటాడు. జ్యోత్స్నకు పెళ్లి విషయాన్ని ఎలా చెప్పాలనే సందిగ్ధంలో ఉంటాడు.

ఇంతలో ఎవరో వచ్చినట్లు అలికిడి వినిపించడంతో జ్యోత్స్న వచ్చిందనుకుని లోపలికి రమ్మంటాడు. కానీ ఎదురుగా మాలిని కనిపించడంతో ఆశ్చర్యపోతాడు. అప్పుడు మాలిని కొడుకును సూటిగా ప్రశ్నిస్తుంది. జ్యోత్స్నను నిజంగా ప్రేమిస్తున్నావా? ఆమెతో జీవితాంతం కలిసి బతకాలనుకుంటున్నావా? అని అడుగుతుంది. సూరజ్ ఏం చెప్పాలో తెలియక షాక్ అవుతాడు. అయితే మాలిని అనూహ్యంగా మాట మార్చుతుంది. జ్యోత్స్నను మనస్ఫూర్తిగా జీవితంలోకి ఆహ్వానించాలనుకుంటే తాను అడ్డుకోనని చెబుతుంది. తన భర్త మరణానికి కారణమైన సుమిత్ర కూతురైనా సరే జ్యోత్స్నను అంగీకరిస్తానని అంటుంది. శివన్నారాయణ కుటుంబం వల్ల తనకు జరిగిన అన్యాయాలన్నింటినీ కొడుకు సంతోషం కోసం మరిచిపోతానని భావోద్వేగంగా మాట్లాడుతుంది. తనకు సూరజ్ కంటే ముఖ్యమైనది ఏదీ లేదని, కొడుకు ఆనందం కోసం ఎంతటి త్యాగానికైనా సిద్ధమని చెబుతుంది.

Also Read :  Gold Rate Today : బంగారం కొనాలనుకునేవారికి శుభవార్త.. వరుసగా దిగొస్తున్న ధరలు.. 2026 నవంబర్ 16న తాజా రేట్లు ఇవే!

ఇంతవరకు బాగానే మాట్లాడిన మాలిని చివర్లో అసలు ట్విస్ట్ ఇస్తుంది. జ్యోత్స్న ఏదో తప్పు చేసిందన్నట్లుగా మాట్లాడటం మొదలుపెడుతుంది. ఆమె చేసిన పని గురించి చెప్పడానికి కూడా ఇబ్బందిగా ఉందని అంటుంది. తల్లి నోటి నుంచి ఇలాంటి మాటలు వినడంతో సూరజ్ ఒక్కసారిగా షాక్ అవుతాడు. జ్యోత్స్న గురించి మాలిని ఏం చెప్పబోతోంది? పారిజాతంతో కలిసి వేసిన పథకం సూరజ్ మనసును మార్చేస్తుందా? జ్యోత్స్న ప్రేమకు మరోసారి అడ్డంకులు ఎదురవుతాయా? అనే ఉత్కంఠ మధ్య నవంబర్ 16 ఎపిసోడ్ ముగుస్తుంది. Karthika Deepam 2, Karthika Deepam 2 Today Episode, Karthika Deepam 2 November 16, Karthika Deepam 2 Episode 831, Jyotsna Suraj Malini

Ramalingaiah Tandu

Author Bio Info : Ramalingaiah Tandu is experienced in Media field. He worked in various Telugu media houses for about 15+ years. Iam worked as a Prajasakti Daily Newspaper , Surya Daily Newspaper , Namasthe Telangana Daily Newspaper News Reporter, Chief Editor, Digital Media Expert , Social Media Expert, Technical Expert and Digital Marketing Expert. As a News reporter, he wrote various articles on Human angle, Local news live reporting, special stories. He is also expert in news analyzing, proof editing and best title editing. He is the present Editor of thetelugunews.com | Contact Details : ramu@thetelugunews.com

  1. "Karthika Deepam 2 Today Episode November 16 2026 : పారిజాతం కిడ్నాప్.. జ్యోత్స్నను విడదీయడానికి మాలిని మాస్టర్ ప్లాన్.. సూరజ్‌కు బిగ్ షాక్!"

  2. "Gold Rate Today : బంగారం కొనాలనుకునేవారికి శుభవార్త.. వరుసగా దిగొస్తున్న ధరలు.. 2026 నవంబర్ 16న తాజా రేట్లు ఇవే!"

  3. "Cyclone Akvan 2026 : ఏపీ వైపు దూసుకొస్తున్న మరో తుఫాన్.. నవంబర్ 19, 20 తేదీల్లో అతి భారీ వర్షాలు..!"

  4. "Electricity Units : ఒక యూనిట్ కరెంట్ అంటే ఎంత? మీ ఇంట్లో ఏ పరికరం ఎన్ని యూనిట్ల కరెంట్ వాడుతుంది? ఈ లెక్క తెలిస్తే బిల్లు తగ్గించుకోవచ్చు!"

  5. "Koti Somavaram 2026 : నేడు కార్తీక మాసం కోటి సోమవారం.. శివుడికి ఇలా పూజ చేస్తే కోటి రెట్ల పుణ్యఫలం..!"

  6. "Today Horoscope : 16 నవంబర్ 2026 సోమవారం ఈ రోజు మీ రాశి ఫలాలు..!"

  7. "TDP YSRCP : ఏపీలో అనూహ్య పరిణామం.. అక్క‌డ ఒక్కటైన టీడీపీ, వైసీపీ..!"

Google The Telugu News మీకు నచ్చిన సైటుగా ఎంచుకోండి
WhatsApp