Samantha : రెండో భర్త రాజ్ కోసం సమంత సంచలన నిర్ణయం !!

Samantha : సినిమా రంగంలో నటీమణులు పెళ్లి తర్వాత తమ ఇంటి పేరును మార్చుకోవడం ఒక ఆనవాయితీగా వస్తోంది. గతంలో అక్కినేని నాగచైతన్యను వివాహం చేసుకున్నప్పుడు తన పేరును ‘సమంత అక్కినేని’ గా మార్చుకున్న సమంత, విడాకుల తర్వాత తిరిగి ‘సమంత రూత్ ప్రభు’గా మారింది. అయితే, తాజాగా ప్రముఖ దర్శకుడు రాజ్ నిడుమోరును రెండో వివాహం చేసుకున్న తర్వాత, ఆమె తన పేరును ‘సమంత నిడుమోరు’ గా మార్చుకోనున్నట్లు ఫిల్మ్ నగర్ సమాచారం. ప్రస్తుతం నందిని రెడ్డి దర్శకత్వంలో ఆమె నటిస్తున్న ‘మా ఇంటి బంగారం’ సినిమా టైటిల్ కార్డ్స్‌లో ఈ కొత్త పేరుతోనే ఆమె పలకరించబోతున్నట్లు తెలుస్తోంది. నమ్రత ఘట్టమనేని, లావణ్య త్రిపాఠి కొణిదెల వంటి వారు కూడా పెళ్లి తర్వాత తమ భర్తల ఇంటిపేరును చేర్చుకున్న జాబితాలో ఉన్నారు.

Samantha : రెండో భర్త రాజ్ కోసం సమంత సంచలన నిర్ణయం !!

ముంబై లో స్థిరపడిన సామ్

సమంత, రాజ్ నిడుమోరుల ప్రేమాయణం ‘ది ఫ్యామిలీ మ్యాన్ 2’ సెట్స్ లో ప్రారంభమైంది. ఆ తర్వాత ‘సిటాడల్’ సిరీస్ సమయంలో వీరి బంధం మరింత బలపడింది. రాజ్ నిడుమోరుకు అప్పటికే వివాహమై పిల్లలు ఉన్నప్పటికీ, భార్యతో విబేధాల కారణంగా 2022లో విడాకులు తీసుకున్నారు. అనంతరం సమంతతో ఏర్పడిన పరిచయం ప్రేమగా మారి, గత ఏడాది డిసెంబర్ 1న కోయంబత్తూరులోని ఈషా యోగా సెంటర్‌లో అత్యంత సన్నిహితుల మధ్య వీరి వివాహం జరిగింది. ఎనిమిది ఏళ్ల వయసు వ్యత్యాసం ఉన్నప్పటికీ, ఇద్దరి ఆలోచనా దృక్పథం కలవడంతో వీరు ఒక్కటయ్యారు. వివాహం తర్వాత ముంబయిలో స్థిరపడిన సమంత, ‘శుభం’ సినిమాతో నిర్మాతగా కూడా కొత్త ప్రయాణం మొదలుపెట్టారు.

ఇప్పటికే పలువురు హీరోయిన్ల పేర్లు మార్పు

మరోవైపు, టాలీవుడ్‌లో ఇటీవల పెళ్లి చేసుకున్న ఇతర నటీమణుల పేర్ల మార్పుపై కూడా ఆసక్తికర చర్చ జరుగుతోంది. వరుణ్ తేజ్ భార్య లావణ్య త్రిపాఠి ఇప్పటికే తన పేరును మార్చుకోగా, నాగచైతన్యను పెళ్లి చేసుకున్న శోభిత ధూళిపాళ మాత్రం ఇంకా తన పాత పేరునే కొనసాగిస్తున్నారు. ఆమె నటించిన తాజా చిత్రం ‘చీకటిలో’ టైటిల్ కార్డుల్లో కూడా శోభిత ధూళిపాళ అనే పేరు కనిపించింది. సమంత తన రెండో ఇన్నింగ్స్‌లో ‘నిడుమోరు’ ఇంటి పేరుతో ఎంతటి విజయాన్ని అందుకుంటుందోనని అభిమానులు ఆసక్తిగా ఎదురుచూస్తున్నారు. ‘మా ఇంటి బంగారం’ సినిమా ఆమె కెరీర్‌లో పెళ్లి తర్వాత వస్తున్న మొదటి చిత్రం కావడంతో దీనిపై భారీ అంచనాలు నెలకొన్నాయి.