Smart Tv : అతి త‌క్క‌వ ధ‌ర‌కే స్మార్ట్ టీవీలు.. 40 ఇంచెస్ స్మార్ట్ టీవీ ధ‌ర ఎంతంటే..?

Smart Tv : ప్రస్తుతం స్మార్ట్ పరికరాల వైపున‌కే అందిరి చూపు మళ్లుతోంది. టీవీల విషయంలో కూడా ఇదే ట్రెండ్ కొనసాగుతోంది. అయితే, స్మార్ట్ ఫోన్ల మాదిరిగా స్మార్ట్ టీవీలను వెంట వెంటనే మార్చలేము క‌దా.. అందుకే, స్మార్ట్ టీవీల ఎంపికలో కొంత ఎక్కువగా ఆలోచిస్తుంటాం. స్మార్ట్ ఫోన్ల లాగే, ఈ స్మార్ట్ టీవీలు కూడా ఆపరేటింగ్ సిస్టమ్స్ పైన నడుస్తాయి. అత్యంత ప్రజాదరణ పొందిన బ్రాండ్లు చాలా ఫీచ‌ర్స్‌ అందుబాటులోకి తెచ్చాయి.

అయితే బ్లౌపంక్ట్ (blaupunkt) సంస్థ భార‌త్‌లో మ‌రో రెండు స్మార్ట్ టీవీల‌ను లాంచ్ చేసింది. కాగా సైబ‌ర్ సౌండ్ సిరీస్‌లో 40 ఇంచెస్ హెచ్ డీ, 43 ఇంచెస్ ఫుల్ హెచ్ డీ ద‌స్మార్ట్ టీవీల‌ను అందుబాటులోకి తీసుకువ‌చ్చింది. బ్లౌపంక్ట్ సైబ‌ర్ సౌండ్ 40 ఇంచెస్ స్మార్ట్ టీవీ ధ‌ర రూ.15,999 గా నిర్ణ‌హించారు. 43 ఇంచెస్ స్మార్ట టీవీ ధ‌ర రూ.19,999 గా నిర్ణ‌యించారు. అయితే శ‌నివారం (మార్చ్ 12) నుంచి ఈ మాడ‌ల్స్ ఈ కామ‌ర్స్ ప్లాట్ఫామ్ ఫ్ల‌ప్‌కార్ట్ లో ఈ టీవీలు అమ్మ‌కానికి అందుబాటులో ఉన్నాయి.

smart-tv-lowest-smart-tvs-40-inches-smart-tv-launches-at-rs-15999

Advertisement

Smart tv :అయితే ఫ్లిప్ కార్ట్ బిగ్ సేవింగ్ డేస్ సంద‌ర్భంగా..

అయితే ఫ్లిప్ కార్ట్ బిగ్ సేవింగ్ డేస్ సంద‌ర్భంగా ఎస్బీఐ క్రెడిట్ కార్డుల‌తో కొంటే రూ. 1000 అద‌న‌పు డిస్కౌంట్ కూడా పొంద‌వ‌చ్చు. దీంతో బ్లౌపంక్ట్ సైబ‌ర్ సౌండ్ టీవీ 40 ఇంచెస్ మోడల్‌ను రూ.14,999కే కొనుగోలు చేయవచ్చు. అలాగే 43 ఇంచెస్ మోడ‌ల్ టీవీ రూ. 18,999 కే పొంద‌వ‌చ్చు.బ్లౌపంక్ట్ సైబర్‌సౌండ్ స్మార్ట్ టీవీ 40 ఇంచెస్ మోడల్ హెచ్‌డీ రెడీ (1336×768 పిక్సెల్స్) రెజల్యూషన్ డిస్‌ప్లే, 400 పీక్ బ్రైట్‌నెస్‌తో వస్తోంది. అంచులు (బెజిల్స్) చాలా సన్నగా ఉంటాయి. 43 ఇంచుల మోడల్ ఫుల్ హెచ్‌డీ (1920×1080 పిక్సెల్స్) రెజల్యూషన్ డిస్‌ప్లే కలిగి ఉండగా.. పీక్ బ్రైట్‌నెస్ 500 నిట్స్‌గా ఉంటుంది. బెజిల్ లెస్ డిజైన్ ఉంటుంది. క్వాడ్‌కోర్ ప్రాసెసర్‌పై నడిచే ఈ స్మార్ట్ టీవీల్లో 1జీబీ ర్యామ్, 8జీబీ ఇంటర్నల్ స్టోరేజ్ ఉంది.

అయితే ఈ రెండు టీవీలు ఆండ్రాయిడ్ ఆపరేటింగ్ సిస్టమ్‌ మీద నడుస్తాయి. అమెజాన్ ప్రైమ్, సోనీ లివ్, యూట్యూబ్ లాంటి యాప్స్ ప్రీ ఇన్‌స్టాల్ అయి ఉంటాయి. గూగుల్ ప్లే ద్వారా సపోర్ట్ చేసే యాప్స్‌ను డౌన్‌లోడ్‌ చేసుకోవచ్చు. కాగా ఈ టీవీలు నెట్‌ఫ్లిక్స్‌కు సపోర్ట్ చేయవు.

గూగుల్ అసిస్టెంట్ సపోర్టుతో రిమోట్ ద్వారానే వాయిస్ కమాండ్ ఇచ్చే ఫీచర్ కూడా ఉంటుంది. ఇక బ్లౌపంక్ట్ టీవీల్లో ఈ రెండు మోడ‌ల్స్ డ్యుయల్ బ్యాండ్ వైఫై, బ్లూటూత్, యాపిల్ ఎయిర్ ప్లే కనెక్టివిటీ ఆప్షన్లతో వస్తున్నాయి. అలాగే మూడు హెచ్‌డీఎంఐ పోర్టులు, రెండు యూఎస్‌బీ పోర్టులు, 3.5 ఎంఎం హెడ్‌ఫోన్ జాక్ ఉన్నాయి. ఇన్‌బుల్ట్‌ క్రోమ్ కాస్ట్ ఫీచర్ కూడా ఉంటుంది.