ఉప్పెన టీజర్ రిలీజ్ ..మెగా మేనల్లుడు అనిపించిన వైష్ణవ్ తేజ్ ..!

ఉప్పెన.. మెగా మేనల్లుడు వైష్ణవ్ తేజ్ – కృతిశెట్టి నటించిన డెబ్యూ సినిమా. సుకుమార్ అసోసియేట్ బుచ్చిబాబు సానా ఈ సినిమాతో దర్శకుడిగా టాలీవుడ్ కి పరిచయం అవుతున్నాడు. సుకుమార్ రైటింగ్స్ – మైత్రీ మూవీ మేకర్స్ కలిసి నిర్మించిన ఈ సినిమాతో టాలీవుడ్ కి హీరోగా గ్రాండ్ గా ఎంట్రీ ఇస్తున్న వైష్ణవ్ తేజ్ తో పాటు మెగా ఫ్యామిలీ మొత్తం ఎంతో ఆతృతగా ఎదురు చూస్తున్నారు. ఇక మెగా ఫ్యాన్స్ అయితే ఎప్పుడెప్పుడు ఈ సినిమాని థియేటర్స్ లో చూస్తామా అని ఉత్సాహంగా ఉన్నారు. కాగా ఉప్పెన అన్నీ కార్యక్రమాలని కంప్లీట్ చేసుకొని రిలీజ్ కి రెడీగా ఉంది.

ఈ సినిమాకి రాక్ స్టార్ దేవీశ్రీప్రసాద్ సంగీతం అందిచిన సాంగ్స్ ఇప్పటికే ట్రెండింగ్ లో రికార్డ్స్ సాధిస్తున్నాయి. వాస్తవంగా వారం రోజుల్లో భారీ ఎత్తున ఉప్పెన సినిమాని థియేటర్స్ లోకి తీసుకురావాలని మేకర్స్ రెడీ అవుతుండగా థియేటర్స్ మూత పడ్డాయి. అప్పటి నుంచి ఈ సినిమా రిలీజ్ కాలేదు. మధ్యలో చాలా సార్లు ఓటీటీలో రిలీజ్ చేయబోతున్నట్టు వార్తలు వచ్చాయి. కాని మేకర్స్ మాత్రం మెగా ఫ్యామిలీ హీరో డెబ్యూ సినిమా కాబట్టి ఎట్టి పరిస్థితుల్లోను ఈ సినిమాని థియేటర్స్ లోనే రిలీజ్ చేయాలని నిర్ణయించుకున్నారు.

” ఈ ఒక్కరాత్రి 80 సంవత్సరాలు గుర్తుండిపోయేలా బతికేద్దాం వాసు” అన్న డైలాగ్స్ సినిమా ఎలా ఉంటుందో చెప్పేసింది…!

ఈ క్రమంలో తాజా సమచారం ప్రకారం ఈ సినిమా ఫిబ్రవరి 5 న రిలీజ్ చేసేందుకు డేట్ ఫిక్స్ చేశారట మేకర్స్. ఈ విషయన్ని త్వరలో టీజర్ రిలీజ్ చేసినప్పుడు అఫీషియల్ గా ప్రకటించబోతున్నట్టు విశ్వసనీయ వర్గాల ద్వారా అందుతున్న సమాచారం. కాగా తాజాగా ఈ సంక్రాంతి పండుగని పురస్కరించుకుని ఈ సినిమానుంచి టీజర్ ని రిలీజ్ చేశారు చిత్ర బృందం. ఈ టీజర్ తోనే మెగా మేనల్లుడు అదరగొట్టాడని మెగా ఫ్యాన్స్ చెప్పుకుంటున్నారు అభిమానులు. ముఖ్యంగా ఈ టీజర్ లో ” వీడు ముసలోడ్ అవ్వకూడదు “… ” ఈ ఒక్కరాత్రి 80 సంవత్సరాలు గుర్తుండిపోయేలా బతికేద్దాం వాసు ” అన్న డైలాగ్స్ సినిమా ఎలా ఉంటుందో చెప్పేసింది.