RCB  : ఐపీఎల్ (IPL) 2025లో రాయల్ ఛాలెంజర్స్ బెంగళూరు వరుసగా రెండు మ్యాచ్‌ల్లో గెలిచి, సొంత మైదానంలో పరాజయం పాలైంది. ఆర్‌సీబీ జట్టు గుజరాత్ టైటాన్స్ చేతిలో 8 వికెట్ల తేడాతో ఓడిపోయింది. మహ్మద్ సిరాజ్, ఆర్ సాయి కిషోర్ అద్భుతమైన బౌలింగ్‌తో ఆర్‌సీబీని 169 పరుగులకే క‌ట్టడి చేశారు. ఆర్సీబీ బ్యాట్స్‌మెన్ లియామ్ లివింగ్‌స్టోన్ 40 బంతుల్లో 54 పరుగులు చేశాడు.

RCB  పాపం.. ఆర్సీబీ

గత సీజన్ వరకు ఆర్‌సీబీ తరపున సిరాజ్.. ఇప్పుడు ఆర్‌సీబీకి వ్యతిరేఖంగా బరిలోకి దిగి 19 పరుగులకు 3 వికెట్లు పడగొట్టాడు. దీనికి ప్రతిస్పందనగా, జోస్ బట్లర్ హాస్ సెంచరీతో గుజరాత్ 18వ ఓవర్లలోనే మ్యాచ్ గెలిచింది. ఈ ఇంగ్లండ్ వికెట్ కీపర్ 39 బంతుల్లో 5 ఫోర్లు, 6 సిక్సర్లతో 74 పరుగులు చేసి నాటౌట్‌గా నిలిచాడు. అతనితో పాటు, సాయి సుదర్శన్ 49 పరుగుల ఇన్నింగ్స్ ఆడాడు.

అయితే, ఈ మ్యాచ్ తర్వాత పాయింట్ల పట్టికలో కీలక మార్పులు చోటు చేసుకున్నాయి. ఇప్పటి వరకు అగ్రస్థానంలో నిలిచిన రాయల్ ఛాలెంజర్స్ బెంగళూరు జట్టు ఒక్క ఓటమితో ఏకంగా 3వ స్థానానికి పడిపోయింది. పంజాబ్ టీం అగ్రస్థానంలో నిలిచింది. ఇక గుజరాత్ టీం 4వ స్థానంలో నిలిచింది. అయితే, సెహ్వాగ్ అన్నట్లుగా ఆర్‌సీబీ అగ్రస్థానం కొన్ని రోజులే, ఇప్పడే ఫొటో తీసి పెట్టుకోండన్నట్లుగానే జరిగేలా ఉందా లేదా అనేది కొన్ని రోజుల్లో తేలిపోనుంది.